Свет
(Видео) Пронајден ранецот на убиецот на извршниот директор на Њујорк, ФБИ нуди 50.000 долари за информации
Истражувачите од Њујорк пронајдоа ранец во Централ парк за кој веруваат дека му припаѓа на осомничениот за убиството на извршниот директор на „Јунајтед хелт кер“, дознава „Си-Ен-Ен“.
Според неговиот извор, потеклото на ранецот се’ уште не е официјално потврдено, а истражителите го испраќаат во лабораторија во Квинс на форензичко тестирање.
Претходно вчера, детективите рекоа дека имаат причина да веруваат оти лицето одговорно за пукањето го напуштило Њујорк, рече полицискиот комесар Џесика Тиш.
Потрагата по убиецот на Брајан Томпсон сега влегува во третиот ден, а масовната потрага се шири. Официјалните лица апелираат до јавноста надвор од градските граници да помогне во идентификувањето на осомничениот со тоа што внимателно ќе ги разгледаат снимките од надзорните камери објавени пред два дена, на кои се гледа осомничениот без маска.
„Си-ен-ен“ го сумираше досега познатото за истрагата:
- Полицијата смета дека фотографијата на осомничениот на која тој се смешка е „клучна“ за неговата идентификација.
- Полицијата има снимка од осомничениот како влегува во автобускиот терминал на пристанишната управа – но не излегува од него, што укажува дека тој го напуштил градот со меѓуградски автобус.
- Клучните докази, вклучително и велосипедот со кој се возел осомничениот и пиштолот користен во убиството, сè уште не се пронајдени.
- Ранецот бил пронајден при второто пребарување на паркот во петокот вечерта, меѓу карпи јужно од рингишпилот на паркот, според изворот.
- Истрагата продолжува, а надлежните ја повикуваат јавноста на соработка за откривање на идентитетот на осомничениот.
- Ранецот е изваден со багер
- Полицијата ја обезбеди областа во Централ Парк каде беше пронајден ранец поврзан со убиството на извршниот директор на UnitedHealthcare Брајан Томпсон. Според извори на Си-Ен-Ен, ранецот бил спакуван како доказ и, неотворен, испратен во форензичка лабораторија.
Истражителите го третираа ова откритие како да пронашле тело, внимавајќи да не ги оштетат потенцијалните докази. Ранецот, заедно со материјалите пронајдени во негова близина, биле отстранети со помош на багер за да се зачуваат трагите како ДНК на ранецот или дури и во почвата околу него.
Според полициски извори, осомничениот „дефинитивно однапред го планирал ова дело“.
Шефот на криминалистичката истрага на Њујорк, Џозеф Кени, изјави за Си-Ен-Ен дека има снимка од осомничениот како пристигнува во Њујорк пред убиството. На снимката се гледа како осомничениот се движи во близина на хотелот приближно 30 минути пред нападот, што укажува на детално планирање.
„Тој знаеше во колку часот ќе помине жртвата, како и во кој хотел се одржува конференцијата“, рече Кени.
Инспекторите досега собраа ДНК докази од предметите пронајдени на местото на настанот, вклучувајќи шише со вода и мобилен телефон. Според извештаите, осомничениот можеби го користел шишето со вода непосредно пред убиството. Мобилниот телефон, кој исто така е пронајден, може да содржи ДНК траги врз основа на допир или клетки од кожата.
Земените примероци се обработени и испратени до Канцеларијата на главниот лекарски преглед на понатамошно испитување. Главен приоритет на истражителите останува идентификацијата на напаѓачот. Фотографиите на осомничениот веќе се дистрибуирани до сите членови на полицијата за да се забрза потрагата по него.
Истрагата продолжува интензивно бидејќи полицијата прави максимални напори за откривање и апсење на одговорното лице.
ФБИ помага во истрагата за убиството на Брајан Томпсон, потврди портпаролот на бирото за „Си-ен-ен“.
Клучна трага би можела да биде фотографија од надзор на која се гледа насмеан маж со качулка со маска спуштена околу вратот.
Видеото е снимено за време на интеракцијата на осомничениот со вработен во хостелот Апер Вест Сајд каде што престојувал, изјави претставник на органите за спроведување на законот за Си-Ен-Ен.
„Тој шеташе низ градот со маска на лицето, што ја отежна идентификацијата. Моравме да прегледаме многу видео за да ја најдеме клучната снимка со спуштена маска“, рече полицискиот комесар Џесика Тиш.
Вработениот во хостелот го замолил осомничениот да ја спушти маската, токму кога е направена фотографијата.
„Тој ја испушти маската и се насмевна“, рече аналитичарот на „Си-Ен-Ен“, Џон Милер.
„Тој момент на добра волја од негова страна овозможи да се добие најважната трага за неговата идентификација досега“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Илјадници протестираа против Трамп во Вашингтон пред инаугурацијата
Неколку илјади луѓе се собраа во Вашингтон на протест пред инаугурацијата на новоизбраниот претседател Доналд Трамп. Некои од нив носеа розови капи, симбол на многу поголем протест против неговата прва инаугурација во 2017 година.
Во паркот Френклин, една од трите појдовни локации за Народниот марш што ќе помине низ центарот на градот, демонстрантите, меѓу кои и голем број жени, се собраа на слабиот дожд за да маршираат за родова еднаквост и одлучување за сопственото тело.
Други демонстранти се собраа во два други паркови, исто така, во близина на Белата куќа, едната група се фокусираше на демократијата и имиграцијата, а другата на локалните прашања во Вашингтон. Потоа сите се упатија кон последното собирно место на Меморијалот на Линколн.
Thousands marching against Trump in Washington DC as part of the “Peoples March”
Video by @yyeeaahhhboiii2
[email protected] to license pic.twitter.com/zDXpAfFUcD— Oliya Scootercaster 🛴 (@ScooterCasterNY) January 18, 2025
Полициски автомобили со свирени сирени се движеа помеѓу местата на собирање. Протестите се многу помали отколку во 2017 година.
Продавачите понудија беџови со зборовите „#MeToo“ и „Љубовта ја победува омразата“ и знамиња за марш, а носеа и транспаренти на кои пишуваше „Феминистките против фашистите“ и „Луѓето пред политиката“.
„Навистина е исцелувачки што сум овде со сите вас денес во солидарност и заедништво, во лицето на она што ќе биде навистина ужасен екстремизам“, им рече на демонстрантите Мини Тимараџу, водач на групата Репродуктивни права за сите.
Инаугурацијата на Трамп треба да се одржи во понеделник.
Свет
Жената која изгуби 830.000 евра во измамата со Бред Пит се соочува со нови проблеми: „Се прашувам зошто ме избраа мене“
Француската дизајнерка на ентериер, Ана (53), која плати 830.000 евра на измамник којшто користел вештачка интелигенција за да ја убеди дека разговара со Бред Пит, сега боледува од тешка депресија, а нема ниту дом и финансиски средства. Очајнички се обидува да се опорави и да си ги врати парите , откри за Дејли Мејл нејзината адвокатка.
Адвокатката Лорен Хана од Париз раскажа како нејзината клиентка била јавно етикетирана како глупава и наивна и била толку безмилосно вознемирувана на интернет што морала да ги избрише сите нејзини профили на социјалните мрежи.
Ана, која исто така помина низ развод, три пати се обидела да си го одземе животот, вели адвокатката.
Пред два месеци таа се пријавила на психијатриска клиника.
Зборувајќи оваа недела, Хана го опиша нејзиниот случај како ужасен и рече дека е зачудена од реакцијата на социјалните мрежи.
Во целата измамничка шема била вклучена и мајката на Бред Пит, Џејн Ета Пит, иако таа самата немала никаква врска со оваа измама. Лажната Џејн најпрво ја контактирала во порака на социјалната мрежа, коментирајќи дека на нејзиниот славен син му треба некој како неа, што било дел од манипулацијата за да ја добие нејзината доверба.
Измамникот комуницирал со Ана преку лажни профили на социјалните мрежи, испраќајќи ѝ лажни фотографии и пораки и во текот на 18 месеци ја убедувал да му испрати многу пари за наводно лекување. Тој тврдел дека боледува од рак на бубрегот и дека неговите финансиски средства се недостапни поради замрзнатите сметки како резултат на неговиот развод со Анџелина Џоли.
Му праќала пари на турска сметка.
Добивала песни, фотографии на кои Бред Пит бил создаден со помош на вештачка интелигенција, легнат, во болнички кревет, го гледала како ги користи апаратите, прима лекови, а сето тоа било придружено со неговите изливи на љубов.
За да докаже дека боледува од рак, тој и испратил на Ана мејл од „доктор“ во кој пишувало дека актерот умира.
Ќерката на Ана наводно и рекла на мајка си дека разговара со измамник, а не со холивудски заводник, но таа одбила да поверува.
„Ќе видите кога ќе дојде лично, па ќе се извините“, ѝ рекла на својата ќерка, пишува „Њујорк пост“.
Жената сфатила дека е измамена кога вистинскиот Бред Пит бил фотографиран со неговата сегашна партнерка Инес де Рамон во текот на летото.
Откако и станало јасно дека е жртва на измама, Ана ја споделила својата приказна во телевизиското шоу „Sept à Huit“ на францускиот канал TF1. Сепак, таа се соочи со бран на потсмев и сајбер малтретирање на социјалните мрежи, што довело до повлекување на емисијата од интернет. Ана изјавила: „Јас не сум луда или глупава“, нагласувајќи дека била жртва на софистицирана измама која користела напредни технологии за вештачка интелигенција.
Бред Пит го изрази својот бес поради оваа измама. Неговиот тим ги предупреди обожавателите да бидат внимателни на непознати пораки, истакнувајќи дека тој нема лични профили на социјалните мрежи.
„Се прашувам зошто ме избраа мене за ваква штета“, рече Ана за измамниците.
„Никогаш никому не сум строрила лошо. Тие луѓе заслужуваат пекол“, додаде таа.
Откако се емитуваше нејзината приказна, ситуацијата на Ана само се влоши бидејќи стана жртва на сајбер малтретирање.
Француската телевизија TF1 го повлече интервјуто поради омразата на интернет. Не се знае дали измамникот е фатен, а вчера „Дејли Мејл“ објави дека тим французи успеале да го лоцираат во Нигерија.
Свет
Нетанјаху се закани дека ќе го одложи прекинот на огнот во Газа: „Сакаме списоци со заложници“
Израел нема да го продолжи процесот на запирање на војната во Газа додека не добие список од триесет и тројцата заложници кои Хамас треба да ги ослободи во првата фаза од договорот, изјави израелскиот премиер Бенјамин Нетанјаху.
„Нема да продолжиме со договорот додека не добиеме список на заложниците кои ќе бидат ослободени, како што е договорено. Израел нема да толерира никакво прекршување на договорот. Одговорноста е на Хамас“, рече Нетанјаху.
Израелската влада го одобри договорот со палестинската милитантна група Хамас за прекин на огнот и ослободување на заложниците во Појасот Газа, објави кабинетот на премиерот Бенјамин Нетанјаху, еден ден пред да стапи на сила договорот.
Во раните утрински часови, по седницата која траеше повеќе од шест часа, владата го ратификуваше договорот што може да го отвори патот за крај на 15-месечната војна во палестинската енклава под контрола на Хамас.
Египет, еден од посредниците за постигнување прекин на огнот, денеска објави дека Израел во првата фаза ќе ослободи 1.890 палестински затвореници во замена за 33 израелски заложници кои ги држеше Хамас.
Шестнеделниот прекин на огнот треба да стапи во сила утре, кога ќе се одржи првата од серијата размени.
Поради трговија со дрога уапсен е Раде Трајковски – Штекли кој трипати се обидоа да го ликвидирааат
Полицијата го уапси Раде Трајковски-Штекли по Наредба на Основно јавно обвинителство за гонење на организиран криминал и корупција. Тој се...
Полицаец зел 50 евра поткуп за побрзо вадење на пасош: „Знаете дека ние не се трудиме џабе” – и’ рекол на оштетената
Eдиниците на МВР во текот на вчерашниот ден приведоа полициски службеник осомничен дека примил поткуп од 50 евра. Според информаците...
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за...
Седумдесетгодишник со маска и пиштол се обидел да ограби канцеларија за кредити во Битола
Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило...
Во животно загрозувачка состојба е пешакот кој беше удрен од автобус на ЈСП
Во животно загрозувачка состојба е пешакот кој вчера беше удрен од автобус на ЈСП во Скопје кај Транспортниот центар. Од...
Мицкоски патува на инаугурацијата на Трамп, Владата објави кој ќе го придружува
Претседателот на Владата Христијан Мицкоски од утре па во наредните неколку дена ќе присуствува во САД. Премиерот коj ќе биде...
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад...
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава...
Израел ќе ослободи 737 палестинци во замена за заложниците
Израел ќе ослободи 737 палестински затвореници во замена за првите израелски заложници, што е првата фаза од договорот за прекин...
Мелони ќе присуствува на инаугурацијата на Трамп, Орбан не доаѓа
Италијанската премиерка Џорџа Мелони во понеделник ќе присуствува на инаугурацијата на новоизбраниот американски претседател Доналд Трамп, соопштија синоќа претставници од...
Ракометарите загубија од Холандија – Холанѓаните се пласираа во втората фаза
Фото/ facebook.com/rfmofficial Македонските ракометари загубија од Холандија 32:37 (15:18), во второто коло на 29.Светско првенство во ракомет. Избраниците на Кирил...
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили...
Николоски: Ја пуштаме за сообраќај новата пруга Куманово-Бељаковце, за две-три недели ќе имаме и нова железничка линија
Само со посветенот и одговорност, за две недели можат да се пуштат во употреба три крупни капитални проекти. Денеска ја ...
Штрајк и тужби за државата се можни доколку Владата не го продолжи дијалогот со административците, кои бараат 30 отсто поголема плата
Вработените во неколку министерства и државни институции, кои и денес, четврти ден по ред, излегоа на протест за 30 отсто...
Починаа две новороденчиња близначиња: трагедија во Прилепско
Две новороденчиња, близначиња, на околу 20 дена старост починале вчера околу пладне, а јавен обвинител од основното јавно обвинителство од...
Обвинение против 10 лица, членови на организираната криминална група, за посредување при проституција, перење пари и трговија со дрога
По завршувањето на истражната постапка која ја водеше Основното јавно обвинителство за гонење на организиран криминал и корупција, а во...
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет...
Груби крадеше додека на чело на МВР беше Оливер Спасовски, а обвинители и судии се избираа во Зајас и Струмица, вели ВМРО-ДПМНЕ
„СДС и Филипче месец дена се препелкаат во лавиринтот на сопствените лаги за криминалот на Груби. Артан Груби направи милионски...
Најстудено во Берово, најмногу снег на Попова Шапка
Утрово најстудено било во Берово каде што се измерени -9 степени, -8 било на Попова Шапка, -6 во Дебар, -5...
Потрагата по тригодишното дете во Сава во Загреб продолжува: уапсена мајката, сослушан е и сопругот
Потрагата по детето кое исчезна во Сава во Загреб продолжува и денеска. Во четвртокот, спасувачките служби го напуштија местото на...
