Свет
(Видео) Пронајден тигарот кој седум дена талкал низ улиците на град во Америка

Деветмесечниот бенгалски тигар кој исчезна пред една недела е пронајден во предградието на Хјустон, соопшти полицијата, додавајќи дека тигарот наречен Индија не е повреден.
Виктор Куевас (26), чија сопруга е сопственик на тигарот, во моментов е во притвор, откако на почетокот на минатата недела избега од полицијата со тигарoт. Тој претходно беше ослободен со кауција поради обвинение за убиство од 2017 година, пренесува „Си-би-ес њуз“.
Командантот на полицијата во Хјустон, Рон Борца, изјави дека сопственик на тигарот е сопругата на Куевас, а нејзината пријателка и испратила порака на полицијата за неговата локација. После тоа, сопругата на Куевас го предала тигарот на полицијата.
HPD Major Offenders Commander Ron Borza is relieved “India” the ? is now safe: https://t.co/3w2CZznKu9 pic.twitter.com/RiNviPFzq3
— Houston Police (@houstonpolice) May 16, 2021
Борца изјавил дека иако полицијата не знае точно каде бил тигарот цела недела, сопругата на Куевас тврди дека знае каде бил тој во секое време. Борца рече дека Индија била кај разни луѓе од вторник до сабота, без да ги именува.
Сопругата на Куевас изјави дека тигарот го имаат девет месеци, иако нејзиниот сопруг тврди дека само таа е сопственик на животното. Неговиот адвокат го потврди тоа, велејќи дека Куевас сè уште поминува многу време со Индија.
„Виктор многу се грижи за оваа мачка. Тој ја сака. Разумно е да се претпостави дека Виктор е дел од животот на мачката уште кога била младенче“, изјави неговиот адвокат.
Досега не е поднесена пријава против сопругата на Куевас, но според Борка, истрагата е во тек. Тој исто така рече дека е забрането да се чуваат тигри како домашни миленици во Хјустон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сакс: Западните лидери ги туркаат своите земји во војна

Американскиот економист и професор на Универзитетот Колумбија, Џефри Сакс, ги нарече тврдењата на германските власти за невозможноста за дијалог со Русија „забавни“, посочувајќи бројни прекршувања на претходните договори со Русија од страна на самиот Запад.
„Германската влада постојано изјавуваше, а јас внимателно слушав: „Невозможно е да се преговара со Русите. Тие не сакаат дијалог. Тоа е многу забавно“, рече тој, пренесува Спутник.
Како што потсети, токму САД се повлекоа од Договорот за противракетна одбрана (PRO), потоа го напуштија Договорот за нуклеарни ракети со среден дострел (IRM), по што САД и Германија се откажаа од своето ветување дека НАТО нема да се прошири. Токму Германија и Франција одбија да го гарантираат спроведувањето на Минск 2.
„По сето тоа, германската влада има дрскост да тврди дека Русија не сака дипломатија?“, рече Сакс, говорејќи на митинг во Берлин по повод Денот на германското единство.
Сакс ги обвини западните лидери, кои испраќаат оружје и финансиска поддршка во воените зони, за поттикнување на војни, вклучително и украинскиот конфликт. Професорот, исто така, посочи на учеството на Велика Британија и САД во уривањето на договорите од Истанбул во пролетта 2022 година.
„Кој го прекрши тој договор што Украина и Русија го потпишаа на 15 април 2022 година? Русија? Не. САД и Велика Британија, кои дојдоа и му рекоа на Владимир Зеленски: „Продолжете да се борите за нас. Откажете се од неутралниот статус. Ние ќе ве поддржиме“, истакна економистот.
Според него, дури и денес, постапките на западните лидери се неискрени и детски, туркајќи ги своите земји во војна, иако населението сака мир.
Сакс потсети на улогата на САД и Европа во државниот удар во Украина во февруари 2014 година, како и на изјавата на поранешната германска канцеларка Ангела Меркел, која призна дека целта на договорите од Минск била да се „купи време за зајакнување на Украина“.
Фото: принтскрин
Свет
Ердоган: Турција ги поздравува напорите на САД за мир во регионот

Турција ги поздравува напорите на Соединетите Американски Држави за постигнување мир во регионот, но Израел мора да ги запре нападите за овие напори да бидат успешни, изјави денес турскиот претседател Реџеп Таип Ердоган во телефонски разговор со американскиот претседател Доналд Трамп, соопшти неговиот кабинет.
Во соопштението се наведува дека Трамп и Ердоган разговарале за билатералните односи, за време на повикот што го побарала американската страна, и се додава дека турскиот претседател ја нагласил важноста од преземање чекори за зајакнување на соработката меѓу двете земји, особено во одбранбената индустрија, пренесува Ројтерс. Ердоган, исто така, рекол дека нивната средба во Белата куќа минатиот месец ги зајакнала врските меѓу двете земји.
Во соопштението се наведува дека за време на разговорот за ситуацијата во Газа, Ердоган му рекол на Трамп дека Турција работи напорно за постигнување регионален мир и дека ги поздравува иницијативите насочени кон таа цел.
„Ердоган нагласи дека Турција ги зголемила своите дипломатски контакти заради мирот, дека ќе продолжи да ја поддржува визијата за глобален мир и дека запирањето на нападите од страна на Израел е важно за успехот на иницијативите насочени кон постигнување мир во регионот“, се вели во соопштението.
Турција, која ги нарече нападите на Израел врз Газа геноцид и ги суспендираше сите трговски односи со Израел, изрази поддршка за најновиот план на Трамп за ставање крај на војната во Газа.
Фото: принтскрин
Свет
Путин: Доста се шегувавме за дроновите, ветувам, нема повторно да ги испраќаме во Данска

Во Сочи, рускиот претседател Владимир Путин коментираше за сомнителните дронови што летаа над воздушниот простор на НАТО.
Кога презентерот на форумот во Сочи го праша дали ги испратил дроновите во Данска, Путин одговори:
„Добро, повеќе нема да го правам тоа. Нема да испраќам дронови во Данска, ниту во Франција, ниту во Лисабон“, рече рускиот лидер.
Тој ја спореди паниката предизвикана од дроновите во Европа со НЛО и рече дека „тоа е апсурдно“.
„Знаете, мислам дека доста се шегувавме за дронови. Ветувам, нема повторно да ги испраќаме во Данска, не сакаме да го уништиме вашиот прекрасен пејзаж, или…“ рече Путин.
Тој тврди дека дроновите биле испратени од Французите за да го одвлечат вниманието на јавноста од домашните политички проблеми.
„А НАТО го користи ова за ширење паника и создавање тензии, што само го зголемува ризикот од конфликт“, заклучи Путин.
Фото: принтскрин