Свет
(Видео) Пропалестинските хакери ја презедоа одговорноста за нападот на „Икс“, Маск ја обвини Украина за тоа

За време на интервјуто за Фокс њуз претходно оваа недела, Илон Маск ја обвини Украина за масовниот хакерски напад што пред два дена повеќе пати ја сруши неговата социјална мрежа Икс (поранешен Твитер).
Маск не понуди никакви докази за ваквите обвинувања. Wired го анализираше нападот и тврдењата на Маск и дојде до заклучок дека ова е најмалку веројатното сценарио.
BREAKING: Elon Musk seems to point a finger at people in Ukraine for the X DDOS attack today.
Dark Storm literally just took credit for the attack. They literally told me they did it. They aren’t in Ukraine. pic.twitter.com/ZfEWb7fkYU
— Ed Krassenstein (@EdKrassen) March 10, 2025
Маск тврдеше дека IP-адресите на напаѓачите се поврзани со Украина, но безбедносните експерти предупредуваат дека тоа не докажува ништо конкретно.
„ИП-податоците можат да го покажат географскиот распоред на изворите на сообраќај, што може да помогне во анализата на ботнет инфраструктурата“, изјави за Wired Шон Едвардс, директор за безбедност во компанијата Zayo.
„Но, не можам со сигурност да го идентификувам сторителот или неговата намера“.
Elon Musk said a “massive cyberattack” disrupted X on Monday and pointed to “IP addresses originating in the Ukraine area” as the source of the attack. Security experts say that’s not how it works. https://t.co/nH9GeuUlH4
— WIRED (@WIRED) March 11, 2025
Еден истражувач од позната компанија, кој сакаше да остане анонимен, дури изјави дека Украина не била ниту меѓу првите 20 IP адреси поврзани со нападот.
Во меѓувреме, пропалестинската хакерска група Dark Storm Team ја презеде одговорноста за нападот во објавите на Телеграм, кои подоцна беа избришани.
Покрај тоа, Wired истакнува дека нападот бил многу поедноставен отколку што би се очекувало од една држава. Според безбедносните истражувачи, неколку од главните сервери на Икс не биле заштитени со Cloudflare безбедносните мерки, што им овозможило на напаѓачите полесен пристап.
X (formerly Twitter) was down globally. Hacktivist group Dark Storm claims responsibility, alleging a DDoS attack on the platform. pic.twitter.com/NiwaSx0qmk
— FalconFeeds.io (@FalconFeedsio) March 10, 2025
Едноставно кажано, Икс не бил подготвен за напад, и покрај фактот што DDoS нападите (напади за скратување на услугата) се една од најчестите закани на Интернет. Лошо поставените безбедносни мерки можеа да го направат нападот уште потежок отколку што можеше да биде.
Маск продолжува да сугерира дека државните актери се одговорни, но експертите веруваат дека тоа е малку веројатно.
#DarkStorm DDoS attacks not from Ukraine.
Dark Storm denied their IPs are Ukrainian & demanded Musk provide evidence (which he doesn’t have) & they will provide evidence 2.
DS stated they will deliver on a stronger package on X & other Musk related targets.
Stay tuned for more https://t.co/bgDRAkvhoo pic.twitter.com/3UYb1hq2aO
— 🧡Lulu🌾; (@ItsLulu_7) March 11, 2025
„Постојат два вида сајбер напади – оние кои се дизајнирани да бидат гласни и оние кои се дизајнирани да бидат тивки“, изјави Николас Рис, експерт за сајбер операции, за Асошиетед прес.
„Овој напад беше јасно дизајниран да биде откриен, што речиси сигурно ја елиминира можноста зад него да стојат државни актери“.
Нападот, исто така, не им донесе значајна корист на напаѓачите, што дополнително ја намалува можноста дека станува збор за напреден напад спонзориран од државата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Белата куќа: Се надеваме на директни преговори меѓу Русија и Украина следната недела

Белта куќа изрази надеж дека Русија и Украина ќе се сретнат следната недела во Истанбул и ќе продолжат со директни преговори со цел да се постигне напредок кон завршување на војната, пренесува агенцијата „Анадолија“.
„Колку што јас разбирам, а на тоа и се надеваме, дека Русија и Украина ќе учествуваат во директни разговори и преговори следната недела во Истанбул. Веруваме дека тој состанок ќе се одржи, а тоа е состанок што претседателот го поддржа и силно го застапуваше за двете страни да се сретнат и директно да преговараат“, изјави портпаролката на Белата куќа, Каролин Левит.
Таа додаде дека американскиот претседател, Доналд Трамп, од почетокот на војната јасно ставил до знаење дека сака решение на преговарачка маса, а не на бојното поле: „Тоа им го кажа и на двајцата лидери, и јавно и приватно. Значи, се надеваме дека следната недела ќе направиме чекор напред.“
Левит додаде дека нема планови претседателот да испрати американски претставник на преговорите, но не ја исклучи таа можност.
Втората рунда директни преговори меѓу Русија и Украина е предложена за 2 јуни во Истанбул, откако двете страни се сретнаа на 16 мај. Тогаш, меѓу другото, се договорија за размена на заробеници и за подготовка на нацрт-документи за понатамошни мировни чекори.
Додека Русија најавува дека ќе го претстави нацрт-документот на преговорите, Украина бара да го добие однапред, пред самата средба.
Кремљ го оцени ставот на Украина како неконструктивен.
Свет
Драма на најпрометниот аеродром во Лондон: луѓето во паника поради сомнителен пакет

Еден од терминалите на аеродромот Хитроу беше евакуиран поради „соменителен пакет“, оставајќи илјадници патници во неизвесност.
Патниците беа евакуирани од Терминалот 3 на најпрометниот британски аеродром по дојава за сомнителен предмет во зградата.
Метрополитенската полиција претходно соопшти дека е на терен и дека се справува со ситуацијата.
Портпарол на полицијата изјави за „Д Сан“: „Станува збор за сомнителен пакет и сме на лице место, постапуваме.“
На социјалните мрежи беа објавени бројни видеа и фотографии од луѓе кои сведочат дека биле евакуирани поради безбедносната закана.
Сепак, полицијата подоцна потврди дека станувало збор за „лажна тревога“ и дека повеќе нема закана.
Возовите на „Хитроу експрес“ исто така беа погодени од вонредната состојба – операторот објави на социјалните мрежи дека има доцнења на некои од нивните услуги.
Сè уште не е потврдено дали ќе има доцнења и кај летовите поради евакуацијата.
„Попладнево, нашите тимови реагираа на потенцијално сомнителен предмет во Терминал 3. Како претпазливост, еден мал дел од терминалот беше привремено евакуиран додека надлежните органи ги извршија потребните проверки. Проблемот сега е безбедно решен. Им се извинуваме на патниците за предизвиканата непријатност.“, беше соопштено.
Свет
Турција воведе казни за патниците кои ќе станат пред да запре авионот

Турција воведе казни за патниците кои ќе станат пред да се изгаси знакот за сигурносен појас по слетувањето, соопшти турската Агенција за цивилно воздухопловство, а пренесува Би-Би-Си.
Агенцијата наведува дека паричните казни се воведени поради поплаките од патници. Новите правила стапија на сила порано овој месец.
Агенцијата предупреди дека е забележано сериозно зголемување на ваквите инциденти, при што многу поплаки се однесуваат на патници кои земаат рачен багаж од преградите над седиштата пред целосното запирање на авионот.
Десетици милиони туристи секоја година ја посетуваат Турција. Воздухопловната агенција соопшти дека комерцијалните авиокомпании сега мора да ги информираат патниците за новите правила за време на летот и да ги пријават оние кои нема да ги почитуваат. Патниците мора да бидат информирани дека не смеат да ги одврзуваат појасите, да стануваат од седиштата и да ги отвораат преградите за багаж пред да се изгаси знакот за сигурносен појас.