Свет
(Видео) Руска телевизија со божикна порака за Европејците

Руската телевизија објави видео од „Божикна честитка“ до Европејците. Ова на „Твитер“ го сподели новинарот на „Би-Би-Си“, Френсис Стар, кој ги следи руските државни медиуми.
„О, боже. Руската државна телевизија има божиќна порака за Европејците“, твитна Стар покрај видеото.
Oh dear… 🤦♂️
Russian state broadcaster RT has a Christmas message for Europeans pic.twitter.com/XSgymlnlFt
— Francis Scarr (@francis_scarr) December 23, 2022
Видеото го прикажува Божик во едно семејство во три последовни години. Вака Раша Тудеј го прикажува Божиќ во семеен дом во Европа со многу светилки, светла кои светат на елката. Родителите на својата воодушевена ќерка и подаруваат хрчак за Божиќ. Потоа го прикажува Божиќ оваа година, во кој семејството е во полумрак, а таткото на семејството користи тркало од хрчак за да ги напојува божиќните светилки.
Најмрачната иднина на Европа, сепак, ја предвидува Раша Тудеј за Божиќ 2023 година, кога таткото и ќерката седат на празничната трпеза во капи и капути, а мајката ќе служи оброк кој, најблаго речено, не изгледа вкусно. Излегува дека го зготвила хрчакот.
Видеото завршува со пораката: „Среќен антируски Божиќ! Ако медиумите не ви кажуваат каде оди ова, Russia Today е достапна преку VPN“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.