Свет
(Видео) Руски научник тврди: Јас го произведував агенсот со кој беше отруен Скрипал

Русија ја негира својата програма за хемиско оружје, а за тоа време доаѓаат нови детали за труењето на поранешниот двоен агент, Сергеј Скрипал.
Научникот Владимир Углев во интервју за Би-би-си призна дека помагал да се развие нервниот агенс „новичок“, со кој беа отруени Скрипал и неговата ќерка.
„Целта беше да се произведе многу помоќна супстанција од нервниот агенс VX, дури десет пати посилна. Ние го направивме тоа“, тврди 71-годишниот Углев.
На прашањето ако отровот е толку моќен, како тогаш Скрипал и неговата ќерка успеале да преживеат, Углев вели дека е убеден оти поранешниот разузнавач вдишал само мала доза од нервниот агенс. Тој исто така додава дека е свесен за својата одговорност.
„Ова не се првите жртви што ги носам на душа. Можам да набројам уште десет луѓе отруени од таа супстанција“, рече Углев, кој работел во државна лабораторија во Саратовскиот Регион на југозападниот дел на Русија. Открил дека во една пригода и самиот тој учествувал во инцидент со отровот „новичок“.
„Тоа беше ‘новичок’, тип ‘А-240’. Во таа пригода мала количина истече на мојата десна рака. Имав среќа бидејќи веднаш успеав да ставам хлороводородна киселина и да ја измијам раката со пероксид“, рече тој.
Тврди дека Скрипал и неговата ќерка настрадале од истиот тип „новичок“. Углев во интервјуто додава дека не е изненаден што Русија го негира своето учество.
„Проблемот не е во Путин, туку во општеството и државата. Логиката покажува дека зад сè стои Русија. Властите толку бргу се обидоа да се оградат од сè како разбојник што краде нешто во продавницата – првин ќе вика дека не е виновен и вината ќе ја префрли на некој друг“, заклучува Углев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.