Свет
(Видео) „Се сокрив во кадата, тоа ме спаси“ – раскажа маж од Мисипи по разорното тонадо

Најмалку 25 лица загинаа, а десетици се повредени во опасното невреме кое пропратено со торнадо ја зафати државата Мисисипи.
Екипите за пребарување и спасување денеска продолжија да копаат низ урнатините во потрага по преживеани, а стотици граѓани се раселени.
„Тоа е трагедија“, напиша гувернерот Тејт Ривс на „Твитер“, осврнувајќи се на штетите откако торнадото го погоди Мисисипи, 150 километри од запад кон исток.
First Light of Rolling Fork Mississippi after a Violent #Tornado last night. #mswx @SevereStudios @MyRadarWX pic.twitter.com/NG0YcI3TQn
— Jordan Hall (@JordanHallWX) March 25, 2023
„Степенот на загубите и штетите е евидентен денеска во сите погодени области“, рече тој по посетата на Силвер Сити, еден од најтешко погодените градови.
Ролинг Форк е речиси целосно срамнет со земја. Искршени автомобили, по улиците се расфрлани цигли и стакло. Еден жител изјави за „Би-Би-Си“ дека имал среќа што преживеал и открил дека побарал засолниште во кадата.
Американскиот претседател Џо Бајден во изјава рече дека ова се ужасни слики и истакна дека земјата ќе направи „се што може за да помогне… колку што е потребно“.
Торнадата, метеоролошки феномен кој е тешко да се предвиди, се честа појава во САД, особено во центарот и јужниот дел на земјата.
По разорното торнадо што го погоди јужниот дел на САД, американскиот претседател Џо Бајден рано утринава прогласи вонредна состојба во државата Мисисипи.
Со оваа одлука, најтешко погодените окрузи Керол, Хемфрис, Монро и Шарки им се ставени на располагање средства од федералниот буџет, пренесува АП.
Администраторот на Федералната агенција за управување со вонредни состојби Дин Крисвел денеска треба да ги обиколи погодените области и да ја процени штетата.
Во меѓувреме, Националната метеоролошка служба (NMS) предупреди дека се’ уште постои ризик од посилни временски услови со силни ветрови, град и можно торнадо во источна Луизијана, јужен и централен Мисисипи и јужна и централна Алабама.
Врз основа на првичните проценки, торнадото е класифицирано како ЕФ-4, што значи дека било придружено со ветрови од 265 до 320 километри на час, соопшти НМС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Воведен полициски час во центарот на Лос Анџелес: „Во тек се масовни апсења“

Градоначалничката на Лос Анџелес, Карен Бас, прогласи полициски час во центарот на Лос Анџелес од 20 часот во вторник до 6 часот наутро во среда, велејќи дека го прави тоа за да ги спречи оние кои „ја искористуваат хаотичната ескалација на претседателот“ со распоредување на Националната гарда и маринците.
„Прогласив локална вонредна состојба и воведов полициски час во центарот на Лос Анџелес за да го сопрам вандализмот и грабежите“, им рече Бас на новинарите на вечерната прес-конференција, наведувајќи значителна штета на бизнисите и имотот.
„Полицијата ќе ги уапси лицата кои го прекршуваат полицискиот час, ќе бидете гонети“, додаде таа.
Градоначалничката наскоро објави на Икс дека воведува полициски час од 20 часот (локално време) во центарот на Лос Анџелес, велејќи дека го прави тоа за да „ги спречи злонамерните актери кои ја искористуваат хаотичната ескалација на претседателот“.
„Ако не живеете или не работите во центарот на Лос Анџелес, избегнувајте ја областа“, напиша таа.
Полиција: Во тек се масовни апсења
Полициската управа на Лос Анџелес доцна во вторникот објави дека „се во тек масовни апсења“, бидејќи повеќе групи демонстранти продолжуваат да се собираат во зоната на полициски час.
„Повеќе групи продолжуваат да се собираат на 1. улица помеѓу улиците Спринг и Аламеда“, објави полицијата на Лос Анџелес на социјалните медиуми Икс.
„Овие групи се под надзор и започнаа масовни апсења“.
Свет
(Видео) САД ја обвинуваат мексиканската претседателка за поттикнување немири, таа докажува дека лажат

Министерката за внатрешна безбедност на САД, Кристи Ноем, вчера ја критикуваше мексиканската претседателка Клаудија Шајнбаум за поттикнување насилство на протестите во Лос Анџелес против рациите за имиграција, тврдење кое Шајнбаум силно го негираше, велејќи дека таа го сторила спротивното и го осудила насилството од сите страни.
„Клаудија Шајнбаум истапи напред и ги поттикна протестите во Лос Анџелес. Ја осудувам за тоа“, изјави Ноем пред новинарите во Белата куќа. „Таа не треба да ги поттикнува насилните протести што се одржуваат. На луѓето им е дозволено мирно да протестираат, но насилството што го гледаме не е прифатливо и нема да се случи во Америка“, додаде Ноем.
Мексиканската претседателка одговори на навредите во објава на Икс, велејќи дека се целосно лажни и прикачи видео од прес-конференцијата завчера на која таа всушност го осуди насилството на демонстрациите.
Hace unos momentos, ante una pregunta de un medio, la secretaria de Seguridad Interior de los Estados Unidos, equivocadamente mencionó que alenté protestas violentas en Los Ángeles. Le informo que es absolutamente falso. Aquí dejo mi declaración del día de ayer donde claramente… pic.twitter.com/LEiVxdmvJv
— Claudia Sheinbaum Pardo (@Claudiashein) June 10, 2025
„Палењето полициски автомобили повеќе личи на чин на провокација отколку на отпор. Мора да биде јасно дека го осудуваме насилството од сите страни“, рече Шајнбаум на прес-конференцијата.
„Ја повикуваме мексиканската заедница да дејствува мирно и да не прибегнува кон провокации“, додаде Шајнбаум, апелирајќи и до американските власти да го почитуваат човековото достоинство и владеењето на правото. Мексиканската лидерка, чија влада е во тек на трговски преговори со администрацијата на Трамп, во објава на Икс изјави дека е уверена дека недоразбирањето ќе биде разјаснето.
Европа
Словачка се заканува дека ќе ги блокира новите санкции кон Русија

Словачка би можела да го блокира новиот пакет санкции на Европската Унија кон Русија доколку Европската комисија не понуди решение за загриженоста на земјата-членка во врска со снабдувањето со енергија, изјави вчера премиерот Роберт Фицо.
„Словачката Република нема да го поддржи предложениот 18-ти пакет санкции против Руската Федерација доколку Европската комисија не понуди вистинско решение за кризата што ќе ја зафати Словачка по целосното прекинување на снабдувањето со гас, нафта и нуклеарно гориво од Русија“, напиша Фицо на Фејсбук.
Словачка, која граничи со Украина и е членка на ЕУ и НАТО, е во голема мера зависна од руската енергија. Прекинот на протокот на руски гас низ Украина влијаеше на снабдувањето, предизвикувајќи спорови со Киев и загриженост во Братислава.
Словачкиот парламент минатата недела со тесно мнозинство одобри необврзувачка резолуција со која се повикуваат владините претставници да се спротивстават на какви било идни санкции што се сметаат за штетни за економијата на земјата.
Фицо, левичарски националист, постојано јавно ги критикуваше поединечните санкции на ЕУ, тврдејќи дека тие ќе ѝ наштетат на Словачка повеќе отколку на Русија. Но, за разлика од конзервативниот премиер на Унгарија, Виктор Орбан, Фицо и други словачки владини претставници на крајот ги поддржаа сите санкции против Русија без исклучок.