Свет
(Видео) Се урна авион со 189 патници и членови на екипажот

Се урна авион на компанијата „Лајонер“ од Индонезија, со 189 патници и членови на екипажот. Авионот се урнал веднаш по полетувањето покрај брегот на индонезискиот остров Јава, спасувачката операција е во тек и засега не се знае дали има преживеани во несреќата.
Портпаролката на Агенцијата за спасување на Индонезија, Јусуф Латиф, изјави дека авионот „боинг 737 MAX 8“ се урна и додаде дека ова е прва несреќа на овој тип авиони од почетокот на производството.
‘Debris’ spotted in waters off Indonesia.
On Monday morning, Lion Air #JT610 – carrying 188 passengers – crashed shortly after taking off from Jakarta.
(Tap to expand)
More updates: https://t.co/SrYhLopr3A pic.twitter.com/s86Jkqk7ak
— BBC News (World) (@BBCWorld) October 29, 2018
„Потврдено е дека авионот се урнал”, рече Латиф.
„Ројтерс“ објави дека авионот требало да патува од Џакарта – Пангкал Пинанг на островот Суматра, што е околу еден час летање.
Латиф додаде дека контролата на летањето изгубила контакт со авионот 13 минути по полетувањето и истакна дека авионот паднал во морето.
The aircraft involved in the reported crash of #LionAir flight #JT610 was a brand new Boeing 737 Max 8 according to certain reports.
— Ahmer Murad ? (@AhmerMurad) October 29, 2018
На прес-конференцијата Синди Рахај од Генералниот директорат за воздушен сообраќај, извести дека авионот веднаш по полетувањето побарал итно слетување, но исто така и дека авионот тогаш загубил контакт со контролата на летот.
Министерството за транспорт соопшти дека во авионот имало 189 лица, 179 возрасни патници, едно дете, две бебиња, двајца пилоти и пет члена на кабинскиот екипаж.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Родено „најстарото бебе“ во светот

„Најстарото бебе“ во светот е родено од ембрион замрзнат пред повеќе од три децении. Тадеус Даниел Пирс е роден на 26 јули.
Линдзи и Тим Пирс од Охајо посвоија ембрион замрзнат во 1994 година минатата година. „Не влеговме во тоа мислејќи дека ќе срушиме никакви рекорди. Само сакавме да имаме бебе“, изјави Линдзи за MIT Technology Review.
Претходниот рекорд за најстаро бебе го држеа близнаци родени во Орегон во 2022 година, кои се родени од ембриони замрзнати 30 години претходно.
Ембрионот на Тадеус првично беше создаден за време на ин витро фертилизација (ИВФ) за Линда Арчерд и нејзиниот тогашен сопруг. Процесот резултираше со создавање на четири ембриони. Еден беше имплантиран во матката на Линда и резултираше со раѓање на ќерка, која сега има 30 години и самата е мајка на 10-годишна ќерка.
Останатите три ембриони беа зачувани. Проценките сугерираат дека милиони, можеби десетици милиони ембриони се замрзнати низ целиот свет како резултат на вишокот третмани со ин витро фертилизација, кои произведуваат многу повеќе ембриони отколку што може да се имплантираат.
По разводот од својот сопруг, на Линда ѝ беше доделено старателство над ембрионите. Години подоцна, таа дозна за посвојувањето на ембриони, форма на донација што обично ја организираат христијанските агенции во САД, и се согласи да ги предаде.
Ембрионите беа доделени на програма за ембриони кои „тешко се имплантираат“, обично затоа што долго време биле складирани или се смета дека е помалку веројатно да резултираат со здраво раѓање од други причини. Линдзи и Тим Пирс аплицираа за истата програма. Тие се обидуваа да имаат дете седум години пред тоа.
„Беше тешко раѓање, но сега двајцата сме добро“, рече Линдзи. Клиниката за плодност каде што беше имплантиран ембрионот ја води Џон Гордон, репродуктивен ендокринолог кој работи на намалување на бројот на ембриони во складирање.
„Имаме одредени принципи, а тие произлегуваат од нашата вера. Секој ембрион заслужува шанса за живот, а единствениот ембрион што не може да резултира со здраво бебе е ембрион на кој не му е дадена шанса да биде префрлен кај пациент“, рече Гордон.
Првото успешно раѓање со ин витро фертилизација се случи во 1978 година, кога Луиз Браун е родена во Велика Британија. Тој настан означи пробив во репродуктивната медицина и го отвори патот за милиони раѓања низ целиот свет со користење на оваа техника.
Фото: принтскрин
Регион
(Видео) Од топлотен бран до бури: силно невреме во Солун и на Халкидик

Силното невреме што го погоди Солун во четвртокот наутро предизвика проблеми кај населението.
Обилните дождови ги претворија главните патишта во реки, а локалните извештаи покажуваат дека шахтите пукнале под притисокот на водата, објавува „Товима“.
Πλημμύρισε το κέντρο της Θεσσαλονίκης και οι δρόμοι γύρω από το Βαρδάρη#tanea #taneagr #news #rain #βροχη #kairos #καιρος #weather #thessaloniki #skg #viral #summer #fyp pic.twitter.com/eYTi1EDe7y
— TA NEA (@ta_nea) July 31, 2025
Мотоциклист е повреден кога изгубил контрола на лизгава улица во центарот на градот, поточно на прометната авенија Цимиски.
Според анализите на феноменот преку страницата Weather Analysis на „Фејсбук“, за помалку од еден час се забележани 37 литри дожд на квадратен метар, количина што одговара на просечните вкупни врнежи од дожд за цел јули, пренесува медиумот.
Службите за цивилна заштита се во состојба на готовност бидејќи слични временски услови се очекуваат и во наредните денови според прогнозите, објавува grtimes.gr.
Обилни врнежи од дожд се регистрирани во Солун, на Халкидик и во Кукуш, како и на планинските делови во Епир, Тесалија, Спорадиските Острови и во некои делови од Тракија.
Фото: принтскрин
Свет
Иран: САД мора да ни ја надоместат штетата

САД мора да ја надоместат штетата предизвикана на Иран за време на минатомесечната војна, објави „Фајненшл тајмс“ цитирајќи го министерот за надворешни работи на Иран откога Техеран зазеде построг став и постави нови услови за продолжување на нуклеарните разговори со администрацијата на американскиот претседател, Доналд Трамп.
„Тие треба да објаснат зошто нè нападнаа во средината на преговорите и мора да се осигури дека нема да го сторат тоа повторно (во идните разговори). И мора да ја поправат штетата што ја предизвикаа“, изјави иранскиот министер за надворешни работи, Абас Арагчи, за „Фајненшл тајмс“ во интервју во Техеран.
„Фајненшл тајмс“ објави дека Арагчи и специјалниот американски пратеник Стив Виткоф размениле пораки за време и по војната, при што иранскиот функционер му ја нагласил на својот американски колега потребата од заемно корисно решение за да се стави крај на долготрајниот застој во врска со нуклеарната програма на Иран.
Главниот нуклеарен преговарач на Иран рече дека на Иран му се потребни вистински мерки за градење доверба од своја страна откога Виткоф предложи продолжување на разговорите. Тој рече дека ова треба да вклучува финансиска компензација, без да даде детали, како и гаранции дека Иран нема повторно да биде нападнат за време на разговорите, според „Фајненшл тајмс“.
Соединетите Американски Држави ги нападнаа иранските нуклеарни објекти во јуни за кои Вашингтон вели дека се дел од програмата за нуклеарно оружје. Техеран вели дека неговата нуклеарна програма е само за цивилни цели.
Фото: принтскрин