Свет
(Видео) Се урна древен храм во Индија, девет лица загинаа, десетици под урнатините

Девет лица загинаа, а десетици останаа заробени откако древниот хинду храм Ањани Махадев Мандир во северната индиска држава Химачал Прадеш, се урна поради обилните дождови, пишува Би-би-си.
Спасувачките операции се во тек откако свлечиште погоди храм во популарниот туристички град Шимла. Во Химачал Прадеш изминативе неколку дена врне силен дожд, предизвикувајќи поплави и лизгање на земјиштето.
Дваесет и едно лице загина во последните 24 часа во несреќи поврзани со дождови. Државниот министер Сухвиндер Синг Суху им изјави на новинарите на местото на одронот дека околу 20 до 25 луѓе би можеле да бидат заробени под урнатините.
Илјадници туристи ја посетуваат ридската држава Химачал Прадеш, особено нејзиниот главен град Шимла, во текот на годината за да уживаат во студеното време и живописната глетка.
Химачал Прадеш е држава со обилни дождови за време на сезоната на монсуните, што доведува до поплави и лизгање на земјиштето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.