Свет
(Видео) Се шири стара снимка од Трамп: „Не верувам дека би се кандидирал за претседател“

Откако Доналд Трамп го освои вториот претседателски мандат на изборите, на мрежите започнаа бурни реакции.
Интернетот стана полн со шеги за него, а сега почна да се шири клип од 1988 година кога Трамп гостуваше во шоуто на Опра Винфри.
Славната водителка го праша дали некогаш ќе се кандидира за претседател, на што Трамп рече дека веројатно нема да се кандидира. Опра потоа додаде дека претходно им кажал на медиумите дека ќе победи ако се кандидира, што Трамп рече дека е можно: „Мислам дека ќе победам. Никогаш не би влегол во тоа за да загубам. Никогаш не сум влегол во ништо за да изгубам“.
@collecting.checks In 1988, Oprah questioned Donald Trump on a potential run at President, here's what he said. 🤔 #collectingchecks #viral #explorepage #donaldtrump #trump #oprah #oprahwinfrey #trumpoprah #oprahshow #donaldtrumpinterview #president #presidenttrump #winfrey #donaldtrumpoprahwinfrey ♬ original sound – Collecting Checks
„На луѓето им е доста да гледаат како Америка е се ограбува“, додаде тогаш 42-годишниот Трамп и рече дека „ќе најде начин Америка да заработи од луѓето кои со години ја искористуваат“.
@davidgokhshtein WATCH: Donald Trump speaking on the Oprah Show in 1988 about the state of our country. You can see his love for the United States of America! 🇺🇸 #truth #facts #election #politics #fyp #donaldtrump #republican #vote #maga #politicaltiktok #vote #viral #nyc #newyork ♬ Last Hope – Steve Ralph
Интересно е и тоа што своевремено Трамп за Си-ен-ен изјави: „Луѓето можат да веруваат што сакаат. Немам намера да се кандидирам за претседател“. Се чини дека по неколку години се предомисли, бидејќи во 2015 година најави кандидатура на претстојните избори следната година.
По неговата тогашна кандидатура, започнаа бројни реакции на американските познати личности. Актерот Том Хенкс на премиерата на A Hologram for the King во 2016 година рече: „Доналд Трамп ќе стане претседател во моментот кога на земјата ќе слетаат вонземјански бродови полни со диносауруси облечени во црвени наметки“.
Истото мислење своевремено го имаше и Барак Обама, кој рече дека „продолжува да верува дека Трамп нема да биде претседател“. Но, токму Трамп стана негов наследник, седејќи во Белата куќа за прв пат на 20 јануари 2017 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Кина ги отфрли украинските обвинувања за вооружување на Русија: „Политичка манипулација“

Кинеското Министерство за надворешни работи ги отфрли обвинувањата на Украина за вмешаност на кинески компании во производството на воена опрема за Русија, нарекувајќи ги „неосновани“, пренесува Укринформ.
Оваа изјава ја даде портпаролот на кинеското Министерство за надворешни работи, Гуо Џиакун, како одговор на поканата на кинескиот амбасадор од страна на украинското Министерство за надворешни работи, пренесува Укринформ, повикувајќи се на „Глобал тајмс“.
„Веќе јасно го искажавме ставот на Кина за релевантните прашања. Кина цврсто се спротивставува на неоснованите обвинувања и политичките манипулации“, рече портпаролот.
Како што објави „Укринформ“, на 22 април, кинескиот амбасадор Ма Шенгкун беше повикан во украинското Министерство за надворешни работи поради наводи дека кинески државјани учествувале во борбите на страната на Русија и дека кинеските компании произведувале оружје на руска територија.
За време на состанокот, заменик-министерот за надворешни работи Јевхен Перебинис нагласи дека доказите за учество на кинески граѓани во војната против Украина, како и вклученоста на кинески компании во военото производство во Русија, предизвикуваат сериозна загриженост и се спротивставуваат на духот на партнерството меѓу Украина и Кина.
Претседателот на Украина, Володимир Зеленски, претходно, на 7 април, изјави дека Украина добила информации дека Кина ѝ снабдува на Русија оружје – поточно, барут и артилерија. Кина одговори на 18 април дека не испорачала смртоносно оружје на ниту една страна во војната.
Кинеското Министерство за надворешни работи уште еднаш ги отфрли сите обвинувања, нагласувајќи дека тие се политички мотивирани и неосновани.
Свет
(Видео) Луѓето бегаат во паника во Истанбул: властите со предупредувања, постои страв од уште посилен земјотрес

По серијата земјотреси што го погодија Истанбул утрово, турските власти апелираат до граѓаните да не влегуваат во потенцијално оштетени згради и да користат мобилни телефони само во итни случаи.
Според министерот за внатрешни работи, Алије Јерликаја, тимовите за управување со катастрофи и вонредни состојби веќе почнале со процена на штетите на терен.
Moment of 6.2 magnitude earthquake in Istanbul captured on security camera footage pic.twitter.com/vLfFrF6dge
— Türkiye Today (@turkiyetodaycom) April 23, 2025
Првите фотографии што пристигнуваат од Истанбул покажуваат вознемирени граѓани како во паника ги напуштаат зградите и се обидуваат да воспостават контакт со своите најблиски. Силниот земјотрес предизвика страв и евакуации во целиот град.
The moment the earthquake struck Istanbul.#earthquake #deprem pic.twitter.com/e0VYdsvWqF
— Disaster News 24/7 (@DisasterNews2) April 23, 2025
Жителите на Истанбул се во шок по земјотресот. Селин Титер била на работа во деловна зграда на европската страна од градот кога почнал земјотресот, пренесуваат медиумите.
🇹🇷 Istanbul hit by a strong earthquake – city residents took to the streets:
"A 6.2-magnitude earthquake struck Istanbul. The Disaster Management Authority confirmed the tremors with the stated magnitude. Residents of Istanbul, with a population of 15 million, took to the… pic.twitter.com/eNwqmnQ3Kz
— Peacemaker (@peacemaket71) April 23, 2025
На почетокот, според изјавата, почувствувала како земјата се поместува под неа исфрлајќи ја од рамнотежа. Потоа слушнала длабок татнеж, „како нешто да удираше одоздола“.
The moment of the 6.2 magnitude earthquake that occurred in Istanbul today at 12:13 was recorded like this in the Marmara Sea…
— Tansu Yegen (@TansuYegen) April 23, 2025
„Кога тоа се случи, многумина испаничија. Многумина почнаа да бегаат“, рече таа.
Таа додаде дека многу луѓе во Истанбул се претпазливи кога станува збор за земјотреси, особено по оние катастрофалните од 2023 година во Турција и во Сирија кога загинаа 55.000 луѓе.
„Повеќето луѓе што живеат во Истанбул знаат дека се очекува голем земјотрес. Луѓето сега се прашуваат – дали ова беше претпотрес?“
Турската агенција за вонредни ситуации објави дека уште три земјотреси се регистрирани во населбата Бујукчемеџе во западниот дел на Истанбул. Поради огромниот број пристапи до веб-страницата на агенцијата, системот привремено беше исклучен, а дополнителни информации се очекуваат во наредните часови.
Последователно, официјалната процена на јачината на земјотресот беше намалена на 4,9 степени според Рихтеровата скала, а епицентарот се наоѓа во Мраморното Море во близина на Истанбул. Претходно беше објавено дека земјотресот бил со јачина од 6,2 степени.
Министерот за транспорт и инфраструктура, Абдулкадир Уралоглу, изјави дека нема пријавени штети на патиштата, железниците, аеродромите и на линиите на метрото во Истанбул.
Истанбул, град со повеќе од 16 милиони жители, се наоѓа на северноанадолскиот расед, познат по својата висока сеизмичка активност. Експертите со децении предупредуваат на уште еден голем земјотрес, само прашање на време е кога ќе се случи, и дека илјадници лошо изградени згради за време на градежниот бум се главната причина за потенцијални трагедии.
Медиумите потсетуваат дека Истанбул неколкупати во текот на историјата бил погоден од разорни земјотреси. Најстрашниот се случил во 1509 година и е познат како мала апокалипса.
Се апелира до граѓаните да бидат максимално внимателни и да ги почитуваат упатствата на надлежните служби.
Свет
(Видео) Снимен моментот на земјотресот во Истанбул во емисија во живо, новинарката во паника

Моментот на земјотресот во Истанбул со јачина од 6,2 степени според Рихтеровата скала беше снимен во емисија во живо. На видеото се гледа како новинарката ја фаќа паника и го прекинува разговорот со гостите, кои се приклучени преку видеоврска.
CNN Turk’s broadcast during the 6.2 earthquake in Istanbul, Türkiye. pic.twitter.com/sm0l7TB1zz
— Clash Report (@clashreport) April 23, 2025
Силен земјотрес со јачина од 6,2 степени според Рихтеровата скала го погоди денеска Истанбул, соопшти турската агенција АФАД.
Засега нема извештаи за големината на штетата, но жителите на најголемиот турски град се евакуирани од зградите.
Епицентарот на земјотресот, кој се случи во 12.49 часот по локално време, бил во областа Силиври, област што се наоѓа на 80-ина километри западно од Истанбул. Земјотресот се случи на длабочина од 6,92 километри, соопшти АФАД.
Турската телевизија ТГРТ јавува дека едно лице е повредено кога скокнало од балкон за време на земјотресот.
АФАД ги предупреди жителите на регионот да не влегуваат во оштетените згради.
По првиот земјотрес, Турција беше погодена од серија помали, но сепак силни земјотреси со јачина од 5,0, 2,6, 4,3, 4,5 и 5,0 степени.
Засега нема извештаи за уривање згради.