Деведесет и пет возила учествувале во верижна сообраќајна несреќа во Казахстан, јавува агенцијата „Анадолија“.

До несреќата дошло поради непочитување на дозволената брзина и одржување на безбедно растојание при лоши временски услови.

Казахстанската национална компанија за управување со автопатишта (KazAvtoJol) соопшти дека несреќата се случила на автопатот Астана – Петропавл во попладневните часови.

Причинета е материјална штета, но во несреќата нема загинати и повредени.

Massive crash in #Kazakhstan as over 95 cars pile up on highway amid #storm and poor visibility#Kazakhstan@russia #السعوديه_عمان #GranHermanoAr #دمشق pic.twitter.com/7ReyZhQ7FH

— Sallu (@SadaSaleel99138) January 3, 2025

Повеќе од 270.000 Германци потпишаа онлајн-петиција со која се повикува на национална забрана за приватно користење пиротехника по уште една новогодишна ноќ обележана со смртни случаи и повредени. Повеќе од четвртина милион луѓе ја потпишаа петицијата од попладнево.

„До 30 декември имавме речиси 90.000 потписи“, рече портпаролот на полицискиот синдикат додавајќи дека бројката рапидно пораснала со доаѓањето на новата година. Најмалку пет лица загинаа, а неколку десетици се повредени за време на новогодишните прослави во Германија, каде што за разлика од другите земји во деновите до крајот на годината може да се купат огномети за приватни цели, јавува агенцијата ДПА.

„Веќе нема алтернатива на државната забрана за петарди“, објави БДП.

„Она што го доживеавме оваа година е надвор од границите на прифатливото“, додаваат од синдикатот.

„Повикуваме на сеопфатна забрана за петарди за приватна употреба, како што е случај во многу земји. Ова вклучува и соодветна забрана за продажба на сите оние што не се професионалци во оваа област“, ​​заклучуваат тие.

Во моментот во тек е заложничка криза кога затвореник, кој издржува затворска казна во францускиот град Арл, е заробен и држи неколку вработени во затворот како заложници.

Осуденик, кој издржува казна во затвор во Арл, фатил неколку медицински работници и чувари, јавуваат француските медиуми наведувајќи дека единиците за интервенција на полицијата се подготвени да интервенираат, пренесува „Телеграф“.

Затвореникот поседува ладно оружје и држи во заложништво неколку членови на затворскиот персонал, најмалку четворица медицински работници и еден чувар, пренесува порталот BFMTV.

Локалната полиција е распоредена на местото на настанот, а регионалните екипи за одговор се на пат.

Според дневниот весник La Provence, затвореникот се заканува со рачно изработено сечило.

Според францускиот портал, властите распоредиле и членови на специјален тактички полициски тим за вонредни ситуации.

„Ги мобилизиравме сите ресурси за да се справиме со тоа. Го следам развојот на ситуацијата во реално време“, уверува Џералд Дарманин, министер за правда, на социјалната мрежа „Икс“, поранешен „Твитер“.