Свет
(Видео) Силен циклон ја погоди Австралија

Тропскиот циклон Илса го погоди северозападниот брег на Австралија како бура од петта категорија, поставувајќи нови рекорди за брзина на ветерот.
Циклонот во голема мера ги поштеди населените региони, соопштија денеска властите во земјата.
Циклонот Илса го погодил копното рано утринава, со највисок интензитет на скала од 1 до 5, а потоа се преселил во внатрешноста на земјата, што ги натерало екипите за итни случаи да повикаат неколку оддалечени заедници долж патеката на бурата да бараат засолниште и да останат во затворени простории, објави Ројтерс.
Илса постави нов австралиски рекорд на брзина на постојан ветер од десет минути од 218 километри на час на островот Бедоут, околу 40 километри од брегот, надминувајќи го претходниот рекорд од 194 километри од циклонот Џорџ на истата локација во 2007 година, соопшти Бирото за метеорологија.
Во текот на ноќта Илса треба да ослабне и да се пресели во јужните делови.
На одредени места се предвидуваат обилни врнежи од дожд кои може да предизвикаат поројни поплави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.