Свет
(Видео) Снег на Алпите, предупредувања за поплави во делови од Европа

Обилниот снег го попречува сообраќајот на Алпите, а јужна Германија, Австрија и Чешка имаат црвени предупредувања поради обилните врнежи.
Австриските железници ги запреа возовите меѓу Салцбург и Клагенфурт поради снег и упатија национален апел за доцнење при патувањето.
Снег веќе паѓа на висина од 700 метри, а на повисоките во четирите дена до понеделник се очекуваат и до 200 сантиметри снег.
Guten Morgen aus dem tiefverschneiten Obertauern, wo seit gestern fast ein halber Meter Neuschnee gefallen ist! Im Laufe des Samstag dürfte die Schneedecke hier auf über einen Meter anwachsen #schnee #österreich pic.twitter.com/jPN2Pvu19H
— Unwetter-Freaks (@unwetterfreaks) September 13, 2024
Помалку од една недела откако делови од Швајцарија уживаа во доцните летни горештини, се очекуваат до 45 сантиметри снег во источните региони на надморска височина над 1.600 метри. На врвот на Егил де Миди, до кој се стигнува со највисоката жичница во Франција во ски-центарот „Шамони“, температурата во петокот падна на -16 Целзиусови степени.
Обилен снег падна и во највисоките делови на Баварија и на Доломитите во Италија.
La neve torna sulle Dolomiti, in anticipo! Le immagini da Passo Gardena pic.twitter.com/w84JijH5bA
— Local Team (@localteamit) September 12, 2024
Откако Медитеранот беше погоден од серија топлотни бранови во текот на летото, студено време зафати голем дел од Европа, со ниски температури во Велика Британија и обилни дождови во Баварија. Климатските промени ги зголемуваат фреквенцијата и интензитетот на екстремните временски настани, вклучувајќи бури и поплави.
Австриската метеоролошка служба издаде највисоко предупредување за обилни дождови во Виена, Долна Австрија и Градишче. Во главниот град врнежите ќе бидат придружени со налети на ветер и до 90 километри на час, а градските власти ги советуваат луѓето да избегнуваат непотребни патувања. Властите се подготвуваат и за ризикот од поплави по должината на реките Енс и Штајр.
Поплавите ги загрозуваат централните и источните делови на Чешка, а владата предупредува дека ситуацијата е слична на периодот пред големите поплави, кои ја парализираа земјата во 1997 и 2002 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Договорот за минерали меѓу САД и Украина повторно е пред колапс, дознава „Фајненшл тајмс“

Соединетите Американски Држави и Украина во последен момент наидоа на блокада на патот, бидејќи беа на работ да потпишат договор за минерали. Вашингтон побарал Киев истовремено да потпише рамковен договор и детален документ за основање инвестициски фонд, дознава Фајненшл тајмс, повикувајќи се на извори.
Како што е наведено, Киев и Вашингтон се договорија за создавање на инвестициски фонд за развој на украинскиот рударски и енергетски сектор.
Додека украинската делегација е на пат за Вашингтон, САД инсистираат Украина да го потпише не само рамковниот договор, туку и деталниот договор за фондот.
Сепак, вицепремиерката и министерка за економија Јулија Свириденко вели дека вториот документ мора да биде ратификуван од Врховниот совет пред да биде потпишан. Затоа се уште нема конечен договор меѓу државите, пишува ФТ.
Тоа дојде откако Киев обезбеди значајна отстапка од администрацијата на Трамп, според која само идната воена помош ќе се смета како придонес на САД во договорот.
Тимот на американскиот министер за финансии Скот Бесент и кажал на Свириденко дека таа треба „да биде подготвена да ги потпише сите договори или да се врати дома“.
Според ФТ, извор запознаен со американската позиција денеска изјавил дека преговорите не се завршени бидејќи Украина се обидела повторно да преговара за условите договорени во текот на викендот.
Според изворот, високи американски функционери стравуваат дека тоа би можело да ја намали транспарентноста и одговорноста, но договорот сепак би можел да биде потпишан денеска доколку Украина се врати на првобитните услови.
„Претседателот Трамп рече дека времето е сега и ние се движиме кон таа цел со сета потребна брзина. Соединетите Американски Држави се посветени на брзо склучување на овој важен договор и обезбедување траен мир во Украина“, рече портпаролот на американското Министерство за финансии.
Еден украински функционер вклучен во преговорите изразил разочарување од активностите на САД, велејќи дека стравуваат дека „ништо нема да биде доволно добро за нив“. Подготвени сме денеска да го потпишеме рамковниот договор“, рече функционерот и додаде дека шансите за тоа се „пола-пола“.
„Веруваме дека тимовите завршија добра работа и дека договорот е многу подобар за двете земји“, изјави друг украински функционер запознаен со преговорите, пренесе ФТ.
Премиерот на Украина Денис Шмихал по средбата со министерот за финансии на САД, Скот Бесант, изјави дека договорот меѓу Украина и САД за минерали нема да ја вклучува американската помош дадена за Украина пред потпишувањето.
Во петокот, на 25 април, американскиот претседател Доналд Трамп рече дека Украина треба „веднаш да потпише“ договор за ретки метали со САД.
Една недела претходно, на 17 април, Украина и Соединетите Американски Држави потпишаа меморандум како прв чекор кон постигнување договор за проширување на економската соработка, вклучувајќи го и развојот на минералните суровини во Украина.
Свет
Украина: Подготвени сме денеска да потпишеме клучен договор со Америка

Украина е подготвена да потпише договор за минералите со САД и тоа би можело да го направи подоцна денеска, изјави извор од украинската влада за Ројтерс.
„Мислам дека договорот би можел да биде потпишан можеби доцна навечер“, рече изворот.
Украинските власти се надеваат дека потпишувањето на договорот што го промовираше американскиот претседател Доналд Трамп ќе помогне да се зајакне американската поддршка за Киев во војната предизвикана од руската инвазија пред повеќе од три години.
Првиот вицепремиер на Украина Јулија Свириденко патува во САД за да го потпише договорот, додаде извор од украинската влада.
Двете страни потпишаа меморандум на 18 април како прв чекор кон постигнување договор за експлоатација на минералните суровини во Украина. Во меморандумот велат дека имаат намера до 26 април да ги завршат преговорите и што поскоро да го потпишат договорот.
Два дена подоцна, украинскиот премиер Денис Шмихал изјави дека Киев и Вашингтон се договориле претходната американска помош за Украина да не биде вклучена во договорот за минерали. За време на патувањето во САД минатата недела, Шмихал се состана со американскиот секретар за финансии Скот Бесент и рече дека има добар напредок во врска со договорот.
Шмихал, исто така, рече дека Киев јасно ги дефинирал своите граници во договорот, имајќи ги предвид обврските на Украина во Европа и украинските закони.
Регион
Третата најголема партија во Бугарија потпиша соработка со партијата на Путин

Националистичката бугарска партија „Преродба“ потпиша договор за соработка со владејачката партија на Руската Федерација „Единствена Русија“. Ова се случи и покрај фактот што Русија официјално ја прогласи Бугарија за непријателска држава по почетокот на сеопфатната инвазија на Украина, дознава „Еурактив“, а пренесува УНН.
„Договорот предвидува размена на искуства, идеи и политичка пракса меѓу двете партии и претставува важен позитивен чекор кон обновување на целосните бугарско-руски односи“, наведуваат од партијата „Преродба“.
Договорот го потпишаа заменик-претседателот Цончо Ганев, кој е и потпретседател на Народното собрание и Владимир Јакушев – заменик претседател на Горниот дом на Државната дума на Руската Федерација.
Како што пишува УНН, „Преродба“ нема ништо против тоа што Русија ја прогласи Бугарија за непријателска држава по почетокот на војната во Украина и продолжува да ги одржува односите со владејачката партија.
Според достапните информации, „Преродба“ е третата по големина партија во бугарскиот парламент: по изборите во октомври 2024 година има 33 мандати од вкупно 240. Партијата отворено се противи на членството на Бугарија во ЕУ и НАТО, се залага за неутралност во војната на Русија против Украина и шири проруски наративи на социјалните мрежи.
Претходно таа неуспешно се обиде да организира референдум за забрана на воведувањето на еврото.
Исто така, оваа партија влезе во бугарскиот парламент благодарение на нејзиниот цврст став против вакцините и карантинот за време на пандемијата на Ковид.