Свет
(Видео) Снежното невреме во САД остави 900.000 домови и фирми без струја, откажани над 1000 летови
Зимската бура во САД денеска донесе обилен снег, замрзнат дожд и силен ветер во северните и централните делови на земјата и остави стотици илјади луѓе без струја.
Ројтерс јавува дека поради невремето се откажани стотици летови низ земјата.
A stunning look at airfield crews working through the final wave of the winter storm this morning at @mspairport.
Many flights have been canceled this morning, but flight operations will pick back up this afternoon.
Stay tuned to latest flight status. https://t.co/mKPKyFObJ9 pic.twitter.com/ZhOuIImx2T
— MSP Airport (@mspairport) February 23, 2023
Во одредени области снегот создаде покривка од 46 сантиметри, а налетите на ветерот со брзина од 80 километри на час создадоа студ кој е еквивалент на минус 20 степени Целзиусови, објави американската Национална метеоролошка служба.
Во исто време рекордно високи температури се очекуваат во делови од Охајо и јужниот дел на земјата.
Во Висконсин, Мичиген, Илиноис, Индијана и Њујорк, силните ветрови и замрзнат дожд оставија околу 900.000 домови и деловни објекти без струја.
Невремето одложи или откажа повеќе од 1.300 летови низ земјата, а властите предупредија дека возачите ќе се соочат со тешки услови на патот.
This large semi-truck was stuck on a snowy hill and helped out by a small, determined Jeep in Casper, Wyoming. #WYwx #WinterStorm pic.twitter.com/HJjyJElrdh
— AccuWeather (@accuweather) February 22, 2023
Ледената бура го попречи и пристапот до Интернет во Мичиген, според ,,НетБлокс”.
⚠️ Confirmed: An ice and snow storm has disrupted internet connectivity in #Michigan, downing power and telecommunication lines, leaving hundreds of thousands of subscribers cut off ❄️ pic.twitter.com/FZ2ba9sX1V
— NetBlocks (@netblocks) February 23, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
САД велат дека мртвиот ирански претседател имал крвави раце
Иранскиот претседател Ебрахим Раиси, кој загина во хеликоптерска несреќа во неделата, имал „крвави раце“ поради поддршката на екстремистичките групи во регионот, соопшти денеска Белата куќа.
Портпаролот за национална безбедност на Белата куќа, Џон Кирби, изјави за новинарите дека САД ќе продолжат да го бараат Иран одговорен за, како што рече, дестабилизирачките активности во регионот.
„Тоа дефинитивно беше човек со многу крв на рацете“, изјави Кирби.
Иран побара помош од САД откако хеликоптерот на Раиси се урна во планинските области долж границата со Азербејџан, но САД на крајот не успеаја да помогнат поради логистички причини, соопшти Стејт департментот.
Портпаролот на Стејт департментот Метју Милер, исто така, им рече на новинарите дека смртта на Раиси нема да ја промени основната позиција на САД кон Иран.
Иранскиот претседател Ебрахим Раиси, кој долго време се сметаше за можен наследник на врховниот лидер, ајатолахот Али Хамнеи, загина во хеликоптерска несреќа во планинска област во близина на границата со Азербејџан, соопштија во понеделникот официјални лица и државните медиуми.
Остатоците од хеликоптерот што се урна во кој беа Раиси и министерот за надворешни работи Хосеин Амир-Абдолахиан беа пронајдени рано во понеделникот по бурна потрага.
Смртта на Раиси ја потврди потпретседателот Мохсен Мансури во изјава објавена на социјалните мрежи и на телевизија.
Свет
Нетанјаху: Со кое право не’ споредувате со Хамас додека водиме праведна војна
Израелскиот премиер Бенјамин Нетанјаху рече дека одлуката на обвинителите на Меѓународниот кривичен суд, со која се бара налог за негово апсење, е апсурдна и е насочена кон Израел.
„Со гадење ја отфрлам споредбата на хашките обвинители меѓу демократски Израел и масовните убијци на Хамас“, рече Нетанјаху.
„Со каква дрскост го споредувате Хамас кој убиваше, палеше, масакрираше, силуваше и ги киднапираше нашите браќа и сестри, со војниците на ИДФ кои водат праведна војна“.
Тој го нарече потегот на обвинителот на судот нов тип на антисемитизам.
„Граѓани на Израел, ви ветувам едно – обидот да ни ги врзат рацете нема да успее“, рече тој.
„Ветувам дека ниту еден притисок и ниту една одлука на ниту еден меѓународен форум нема да не спречи да ги удриме оние кои сакаат да не уништат“, додаде премиерот.
Израелскиот претседател Херцог, коментирајќи ја веста за налозите за апсење за воени злосторства, кои покрај лидерите на Хамас се однесуваат и на двајца високи израелски лидери, вклучително и самиот премиер Нетанјаху, рече дека одлуката на обвинителот „повеќе од срамна“ и ќе ги охрабри терористите ширум светот.
„Секој обид да се повлечат паралели меѓу овие ѕверски терористи и демократски избраната влада на Израел – која работи на исполнување на својата должност да ги брани и заштити своите граѓани во целосна согласност со принципите на меѓународното право – е срамота и не треба да биде прифатена од никого. “, рече Херцог.
Главниот обвинител на судот Карим Кан, побара од судиите на Меѓународниот кривичен суд да одобрат налози за апсење на тројца лидери на Хамас и двајца израелски лидери за воени злосторства и злосторства против човештвото извршени за време на седуммесечната војна во Газа, објави во понеделникот судот .
Одлуката ја критикуваа и САД.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.