Свет
(ВИДЕО) Соборен руски хеликоптер, Путин денеска со вонредно обраќање!

Силен чад е забележан во близина на градот Ростов. Се работи за соборен руски хеликоптер, вели Пригожин, водачот на групата која од синоќа започна акција против Путин. Густ црн чад беше видлив во близина на главниот автопат во близина на јужниот воен округ на Русија Ростов на Дон.
Appears that the heavy smoke was a downed Russian helicopter near Pavlovsk, Voronezh Oblast. https://t.co/02fhX1JR68 pic.twitter.com/SbgaFvvO8M
— OSINTtechnical (@Osinttechnical) June 24, 2023
Водачот на групата Вагнер, приватна армија што ја предводеше поголемиот дел од руската офанзива во Украина, Евгениј Пригожин, вети дека ќе „оди до крај“ за да го собори военото раководство во Москва, откако ја обвини руската војска дека извршила смртоносен удар врз неговите војници. Во аудио порака, тој рече дека неговите војници „ќе уништат сè што им стои на патот“ и ги предупреди Русите да не се спротивстават на неговите сили и ги повика да му се придружат.
Истакнат руски генерал, исто така, го повика платеничкиот водач да престане, навестувајќи дека „непријателот само чека влошување на внатрешната политичка ситуација во земјата“.
По најновите случувања од синоќа, претседателот на Русија, Владимир Путин, наскоро ќе има вонредно обраќање пред нацијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Шахта во Њујорк експлодира неколку секунди откако по неа помина жена со деца

Безбедносна камера во американскиот град Паукипси, Њујорк, снимила драматичен момент кога капак на шахта експлодирал неколку секунди откако покрај неа поминала жена со количка и две деца, објави Би-Би-Си.
На видеото се гледа како жена турка количка и држи дете за рака додека оди по улица. Во моментот кога се оддалечени само неколку чекори има силна експлозија и од земјата избива оган и чад.
Според соопштението на противпожарната служба во инцидентот нема повредени, но во неколку згради во блокот била откриена висока концентрација на јаглерод моноксид.
„Жителите од околните згради се евакуирани додека нивото на гас не се сведе на безбедно ниво“, соопштија пожарникарите.
Причината за експлозијата се уште не е официјално потврдена, но се сомнева дека има технички дефект во електричната или гасната инфраструктура под коловозот.
Свет
Објавен мистериозниот портрет на Трамп кој Путин му го подари на американскиот претседател

Американската телевизиска мрежа Си-Ен-Ен го објави портретот што рускиот претседател Владимир Путин му го испрати на подарок на американскиот претседател Доналд Трамп во март.
На него е претставен американскиот претседател по обидот за атентат, а автор на портретот е рускиот уметник Никас Сафронов.
Сликата го покажува Трамп со крената тупаница и траги од крв на лицето – потсетување на моментот на атентатот за време на настап во кампањата во Пенсилванија на 13 јули 2024 година.
Зад него се вее американско знаме, а во позадина се видливи Статуата на слободата и Менхетен во Њујорк.
Свет
Зеленски: Спремни сме на директни разговори со Русија

Украинскиот претседател, Володимир Зеленски, изјави дека Украина е подготвена за директни разговори со Русија по прекинот на огнот
„Подготвени сме да седнеме во кој било формат“, изјави украинскиот претседател за новинарите на брифинг.
Да потсетиме дека вчера и рускиот претседател Владимир Путин изјави дека е подготвен за директни преговори со Киев.
Во изјавата за новинарите, Путин рече дека би било можно директно да се разговара со Киев за прекин на нападите врз цивилната инфраструктура.
„Имаме позитивен став кон прекинот на огнот“, рече Путин, мислејќи на одлуката на Русија да спроведе изненадувачки 30-часовен Велигденски прекин на огнот.