Свет
(Видео) Спејс Икс на Маск ја лансираше најмоќната ракета на светот, беше уништена пред крајот на летот

Ракетата Старшип на Спејс Икс, дизајнирана за евентуално испраќање астронаути на Месечината, заврши речиси цел пробен лет во вселената денес при својот трет обид, но беше уништена при нејзиното враќање на Земјата откако стигна подалеку од кога било досега.
За време на директен пренос на летот, коментаторите на Спејс Икс рекоа дека контролата на мисијата ја изгубила комуникацијата со вселенското летало за време на неговото повторно влегување во атмосферата со хиперсонична брзина.
Congratulations to the entire SpaceX team on today’s successful Starship flight test! → https://t.co/VcyTlGvGqY pic.twitter.com/GaDsCPbbVu
— SpaceX (@SpaceX) March 14, 2024
Леталото се приближувало до планираното место за пад во Индискиот Океан околу еден час по лансирањето од Јужен Тексас.
Неколку минути подоцна, Спејс Икс потврди дека леталото е „изгубено“. Најверојатно изгорело или се распаднало при повторно влегување или паѓање во морето.
Од нејасни причини, Спејс Икс одлучи да прескокне една од примарните цели на пробниот лет – обидот повторно да се запали еден од моторите Раптор на Старшип додека лебди во ниска орбита. Ова се смета за клучно за идниот успех.
Сепак, исполнувањето на многу од планираните цели на летот претставува пресвртница во развојот на вселенско летало што е клучно за растечкиот сектор за лансирање на сателити на Спејс Икс, основан во 2002 година од Илон Маск, и лунарната програма на НАСА.
Starship re-entering Earth’s atmosphere. Views through the plasma pic.twitter.com/HEQX4eEHWH
— SpaceX (@SpaceX) March 14, 2024
Шефот на НАСА, Бил Нелсон, му честиташе на Спејс Икс за, како што рече, „успешниот тест лет“.
Претседателката на Спејс Икс Гвин Шотвел на Икс објави дека тоа е „неверојатен ден“.
Двостепеното вселенско летало, кое се состои од брод за крстарење Старшип поставен на врвот на ракетниот носач Супер Хеви, полета од локацијата за лансирање во близина на Бока Чика на брегот на Мексиканскиот залив во Тексас.
Starship will take humanity to Mars pic.twitter.com/BMBNI2mMKF
— Elon Musk (@elonmusk) March 14, 2024
Леталото далеку ги надмина двата претходни лета, кои беа прекинати со експлозии неколку минути по лансирањето.
Компанијата однапред призна дека постои голема веројатност нејзиниот последен лет да заврши со уништување на леталото пред крајот на мисијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Турција ги забрани породувањата со царски рез во приватните клиники

Турција ги забрани планираните (немедицински оправдани) породувања со царски рез во приватните здравствени установи според новите правила објавени од Министерството за здравство минатата недела, пишува Turkish Minute.
Одлуката, која наиде на остри критики од опозициските политичари и организациите за човекови права, уследи по жестоката национална дебата за практиките на породување. Турскиот претседател Реџеп Таип Ердоган долго време го промовираше она што го нарекува „природно породување“ и ја критикуваше високата стапка на царски резови во земјата.
„Во медицинските центри не може да се прават планирани царски резови“, стои во соопштението од 19 април во Службен весник.
Турција има највисока стапка на породување со царски рез меѓу 38-те членки на Организацијата за економска соработка и развој (ОЕЦД), според најновите достапни податоци од 2021 година.
Оваа тема привлече дополнително внимание минатиот викенд кога играчите на Сиваспор излегоа на теренот пред натпреварот од Супер лигата против Фенербахче носејќи транспарент на Министерството за здравство на кој се промовира вагинално породување.
Sivasspor’un Fenerbahçe maçına “doğal olan normal doğum” pankartı ile çıkması tepki çekti:
“Erkekler mi doğuruyor da bu konuda fikir belirtiyorsunuz!” pic.twitter.com/av8oUtbURH
— Onedio (@onediocom) April 13, 2025
На транспарентот пишуваше: „Природното породување е природно“.
Кампањата предизвика бес кај пратениците од опозицијата, здравствените работници и застапниците за правата на жените.
„Како земјата да нема други проблеми, машките фудбалери им кажуваат на жените како да се породат“, напиша Ѓокче Ѓокчен, потпретседателката на главната опозициска Републиканска народна партија (ЦХП), на социјалната мрежа Х.
Европа
Масовен руски напад врз украинскиот регион, девет загинати, 30 повредени

Руско беспилотно летало удрило во автобус со работници во украинскиот град Марханец рано утринава, при што загинале најмалку девет лица во бранот напади чија цел била цивилната инфраструктура во источна, јужна и централна Украина, соопштија официјални лица.
Целосниот обем на нападот, кој ги држеше будни Киев и источната половина на Украина неколку часа во текот на ноќта, не беше веднаш познат.
„Русите нападнаа автобус со вработени во компанијата кои одеа на работа во Марханец“, изјави на Телеграм Микола Лукашук, претседател на регионалниот совет на Днепропетровск.
Серхи Лисак, гувернер на регионот Днепропетровск, кој го опфаќа Марханец, во централна и јужна Украина, рече дека девет лица загинале, а најмалку 30 се повредени во нападот.
Украинската служба за итни случаи соопшти дека имало и напад на квартот Синелникевски во областа Дњепропетровск, во кој две лица се повредени, а избувнал пожар во земјоделско претпријатие.
Русија, исто така, изврши „масовен“ напад со беспилотни летала врз централниот украински регион Полтава, при што беа повредени најмалку шест лица, соопшти службите за итни случаи во објава на апликацијата за пораки Телеграм.
„Само цивилната инфраструктура на градот беше под непријателски напад“, објавија службите за итни случаи на Телеграм.
Избувнале неколку пожари кои оштетиле станбени згради, деловни објекти, магацини и гаражи, информираат од службите за итна помош, објавувајќи фотографии од пожарникарите кои ноќе се борат со пламените јазици.
Две лица се повредени во напад со беспилотно летало врз цивилна инфраструктура на периферијата на пристанишниот град Одеса на Црното Море, кој исто така предизвика неколку пожари, изјави на Телеграм Олех Кипер, гувернер на јужната украинска област Одеса.
Големи пожари избувнаа и како резултат на напад на руски дрон врз вториот по големина град во Украина, Харков, изјави градоначалникот Ихор Терехов на Телеграм.
Единиците за противвоздушна одбрана исто така беа ангажирани во одбивањето напади врз регионот на Киев, но нема извештаи за потенцијална штета.
Засега нема коментар од Русија за нападите.
Руското Министерство за одбрана соопшти дека нејзините единици за противвоздушна одбрана во текот на ноќта уништиле 11 украински беспилотни летала над неколку руски региони и над Кримскиот Полуостров. Регионалните гувернери изјавија дека нема извештаи за непосредна штета.
Свет
Шефот на ОН го осуди терористичкиот напад во Индија

Генералниот секретар на Обединетите нации, Антонио Гутереш остро го осуди нападот врз туристи во индиски Кашмир во кој вчера загинаа најмалку 26 лица, изјави неговиот портпарол.
„Генералниот секретар нагласува дека нападите врз цивили се неприфатливи под никакви околности“, додаде тој, изразувајќи сочувство до семејствата на загинатите кои беа жртви на вооружен напад.
Милитанти отворија оган врз туристи во Пахалгам, на околу 90 километри од Сринагар на индиската територија Џаму и Кашмир, при што загинаа најмалку 26 лица.
Повеќето од загинатите се туристи, наводно од различни региони на Индија, а според најавата на првиот министер за Џаму и Кашмир, Омар Абдула, бројот на загинатите се уште се утврдува.
Одговорноста за нападот ја презеде милитантната група Кашмирски отпор.