Свет
(Видео) Студент херој во Америка скокна врз напаѓачот и спречи уште поголем масакр
Две лица беа убиени, а четворица повредени во престрелката што се случи вчера на Универзитетот во Северна Каролина во Шарлот.
Двајца студенти се убиени, 19-годишниот Рид Париер и 21-годишниот Рајли Хауел. Според Си-ен-ен, Хауел спречил уште поголем масакр скокнувајќи врз убиецот и, за жал, тоа го плати со својот живот.
Убиецот влетал во училницата во која Хауел и другите 30 ученици ги слушале завршните предавања, а Хауел се стрчал кон него и го турнал на под, што на крајот ѝ помогнало на полицијата да го фати убиецот, чиј идентитет сè уште не е познат.
Нападот се случи на последниот ден од учебната година. Завршните испити почнуваат следната недела, објави „Ројтерс“.
Семејството на убиениот Хауел рече дека тој секогаш се залагал за она во кое верувал и не се двоумел да им помогне на оние на кои им тоа им било потребно.
Во престрелката беа повредени четири ученици на возраст од 19 до 23 години, а еден од нив е од Саудиска Арабија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.
Свет
Расте бројот на загинати во израелскиот напад на Бејрут, меѓу загинатите има деца
Бројот на загинати од израелскиот напад врз јужните предградија на Бејрут, жариште на проиранското движење Хезболах, се искачи на 31, соопштија денеска властите.
„Меѓу загинатите има три деца и седум жени“, изјави либанскиот министер за здравство Фирас Абијад на прес-конференција, додавајќи дека најмалку 68 лица се повредени во петочниот штрајк.
Претходно, Министерството објави дека загинале најмалку 12 лица.
Во меѓувреме, бројот на жртви од координираните експлозии со електронски уреди во Либан на почетокот на оваа недела се зголеми од 37 на 39, соопшти Министерството за здравство.