Свет
(Видео) Таткото на 9-годишната Емили откри како го преживеала заробеништвото: „Ова беше најшокантното“
![](https://makfax.com.mk/wp-content/uploads/2023/11/emili-hand.jpg)
Емили Ханд мораше да трча од куќа до куќа, принудена од Хамас да се движи додека израелските сили ја нападнаа Газа, изјави татко ѝ Томас за Си-ен-ен. „Застрашувачки е. Ја влечеле, ја туркале“, изјави тој за Си-ен-ен.
Емили беше киднапирана на 7 октомври и однесена во Газа, место што сега го нарекува кутија. „Излегува полека, малку по малку“, рече Ханд.
„Ќе знаеме низ што навистина поминала кога целосно ќе се отвори“, изјави тој за Си-ен-ен. „Сакам да знам толку многу информации… но морам да ѝ дозволам да излезе со нив кога ќе биде подготвена“.
Емили, која наполни 9 години во заробеништво, беше држена со својата другарка Хила Ротем-Шошани и мајката на Хила Раја пред да бидат ослободени минатата сабота. Раја се грижеше за Хила и за Емили како и двете да се нејзини ќерки, рече Ханд.
We are starting to learn about the impact of Hamas captivity on the children and it’s utterly heartbreaking.
Thomas Hand, father of 9-year-old Emily, says the little girl thought she had been held hostage for a year and now cries herself to sleep.
“The most shocking, disturbing… pic.twitter.com/Gfw5rCoYEp
— Aviva Klompas (@AvivaKlompas) November 28, 2023
Емили спиела во куќата на Хила кога терористите на Хамас упаднале во кибуцот Беери. Ханд бил заробен во куќата со часови не можејќи да стигне до својата ќерка, а масакрот продолжил – околу 130 жители биле убиени, а други биле заробени.
Два дена подоцна водачите на кибуцот му рекле дека го виделе телото на Емили. „Тие само рекоа: Ја најдовме Емили. Таа е мртва“. А јас реков: „Да!“ Реков: „Да!“ и се насмеав бидејќи тоа е најдобрата вест од сите можности што ги знаев… Значи смртта беше благослов, апсолутен благослов“, рече тој тогаш.
Но, речиси еден месец подоцна израелската војска му кажа дека е многу веројатно Емили да е жива и да е заложник на Хамас. Осум недели откако последен пат ја видел својата ќерка, Ханд бил информиран дека Емили е на списокот на втората група заложници, кои требало да бидат ослободени според привременото примирје меѓу Израел и Хамас.
🇮🇱🇵🇸🚨‼️ The IDF published a video of Emily and Hila’s first meeting with their families after their release from captivity. pic.twitter.com/3j2iwrQYiC
— Lord Bebo (@MyLordBebo) November 26, 2023
„Одеднаш вратата се отвори и таа само истрча. Беше прекрасно, исто како што замислував“, рекол Томас. „Веројатно премногу силно ја стегнав“, додаде тој. Дури кога таа се повлече, можев да видам дека нејзиното лице е испиено, како моето, а порано тоа беше пополничко, како на девојче, детско лице“.
Како и другите заложници, и Емили ослабела, а Ханд рече дека никогаш не ја видел толку бледа. И тој се потресе кога таа му се обрати.
„Најшокантниот дел од средбата со неа беше тоа што таа само шепоти, не можеше да ја слушнеш. Морав да го ставам увото до нејзините усни“, рекол тој. „Тие ѝ велеле да не прави врева“.
Кога ѝ дал мобилен телефон во комбето на пат кон дома, „најпрвин ја пушти песната на Бијонсе“ и се насмеа. Ова беа првите знаци дека детското во неа не исчезнало. Се плашел дека Емили ќе му се налути што не дошол да ја спаси. Тој страв го прогонуваше откога слушна дека е жива, изјави тој за Си-ен-ен.
Кога ја прашал колку време мисли дека ја нема, таа одговорила „една година“. „Тоа беше како удар во стомакот“, вели тој.
„Таа плачеше синоќа, не ми дозволи да ја утешам. Претпоставувам дека заборавила како е тоа. Затоа чекав додека не се подготви. Таа е силна девојка“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.