Свет
(Видео) Тајландски војник уби над 20 цивили, специјалци влегоа во трговскиот каде држи заложници

Најмалку 20 лица загинаа во Тајланд кога војник отвори случаен оган, во град кој се наоѓа североисточно од Бангкок, јавуваат светските медиуми.
Фотографии и снимки од местото на настанот се појавија и на социјалните мрежи.
Едно видео, направено од безбедносните камери, го покажува напаѓачот како шета низ трговски центар со пушка во рацете. Се верува дека во објектот тој држи како заложници повеќе луѓе.
EXCLUSIVE: Video shows Sgt. Jakkrapanth Thomma inside Terminal 21 shopping mall in Nakhon Ratchasiman during his shooting rampage that killed at least 12 people. Latest info indicates he’s holding 16 people as hostages. #กราดยิงโคราช https://t.co/1qWp0y3VQy pic.twitter.com/y8pqfzw0yw
— Khaosod English (@KhaosodEnglish) February 8, 2020
Во второто видео може да се види како екипите за брза помош ги советуваат исплашените луѓе да легнат на земја додека им укажуваат помош на повредените, а во позадина се слушаат истрели.
Moments of the Thai soldier gunman sprays his rifle while entering the Terminal 21 Korat mall https://t.co/zHw6BSmcJZ
— Abe 鴨髀 ?? (@abeleung) February 8, 2020
Еден од посетителите во трговскиот центар, снимил и како луѓето панично бегаат откако сфатиле дека напаѓачот е меѓу нив.
MASS PANIC IN THE SHOPPING MALL OF NAKHON RATCHASIMA, THAILAND AFTER A THAI SOLDIER HAS SHOT AT LEAST 12 PEOPLE DEAD AND CURRENTLY HOLDING SEVERAL HOSTAGES pic.twitter.com/IQx1hglvug
— freezerohedge (@freezerohedge1) February 8, 2020
„Раша Тудеј“, пак, објави снимка на која се гледа како тајландските специјални сили се подготвуваат да влезат во трговскиот центар.
Бројот на заложниците сè уште не е познат.
#Thai special forces are preparing to storm the #Korat city mall, number of hostages is still unknown #koratshooting #กราดยิงโคราช pic.twitter.com/4TUTeVsMvE
— RT (@RT_com) February 8, 2020
„Фејсбук“ објави дека го избришал профилот на напаѓачот кој држи заложници во трговски центар во Тајланд, а од компанијата порачаа и дека ќе ја отстранат секоја вознемирувачка содржина поврзана со настанот.
Според последните информации, по војникот и натаму се трага. Полицијата го идентификуваше осомничениот како Џакрапант Тома и соопшти дека пред да влезе во трговскиот центар тој отворил оган во различни делови од градот.
Тајландските медиуми јавија дека војникот бил гневен и дека пред да почне со нападот, од касарната украл возило.
„Не знаеме зошто го прави ова. Изгледа како да полудел“, изјави портпаролот на Министерството за одбрана.
Осомничениот на својот Фејсбук-профил ден пред нападот напишал дека „Смртта е неизбежна за сите“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
ОН: Имаме 190.000 тони залихи што чекаат да влезат во Газа, тоа не е доволно

Обединетите нации повикуваат на огромно зголемување на хуманитарната помош за Газа по прекинот на огнот меѓу Хамас и Израел, велејќи дека стотиците камиони со залихи дозволени во опустошената енклава не се ни блиску до нивото потребно за ублажување на хуманитарната катастрофа.
Том Флечер, шефот за хуманитарни прашања на ОН, во интервју за „Ројтерс“ изјави дека илјадници возила за помош мора да влегуваат во Појасот Газа секоја недела за да се избегне понатамошна катастрофа.
„Имаме 190.000 тони залихи што чекаат да влезат на границата и сакаме да ги внесеме. Ова е неопходна храна што спасува животи“, рече Флечер.
Двегодишната воздушна и копнена офанзива на Израел против палестинската милитантна група Хамас ги протера речиси сите 2,2 милиони жители на Газа од нивните домови, според меѓународните организации.
Израелските власти рекоа дека на 600 камиони им е одобрено да влезат во енклавата според сегашниот договор за прекин на огнот посредуван од САД. Флечер го нарече тоа „добра основа“, но забележа дека не е доволно со оглед на потребите.
Тој побара на повеќе од 50 меѓународни невладини организации, вклучувајќи ги Оксфам и Норвешкиот совет за бегалци (НРЦ), да им биде дозволено да донесат хуманитарна помош, велејќи дека Израел, САД и другите регионални партнери биле информирани за ова прашање.
„Не можеме да ги доставиме потребните количини без нивно присуство и ангажман. Затоа сакаме да се вратат внатре. Се залагаме во нивно име“, рече тој. Додаде дека грабежите на камиони со хуманитарна помош, што беше чест проблем за време на конфликтите, нагло се намалија во последните денови, додека количината на доставена помош се зголеми.
„Ако имате само 60 камиони што доаѓаат дневно, очајни, гладни луѓе ќе ги нападнат тие камиони. Начинот да се запре грабежите е да се добие помош во масовно ниво и повторно да се отворат приватниот сектор и пазарите.“
Фото: ЕПА
Свет
Хегсет: Русија, престанете со крвопролевањето или ќе одговориме како што само ние можеме

Американскиот секретар за одбрана, Пит Хегсет, им се обрати на своите колеги за време на денешниот состанок на земјите-членки на НАТО.
„Европските лидери испраќаат јасна порака до Русија дека сега е време да се стави крај на војната во Украина. Ако оваа војна не заврши, ако нема пат кон мир на краток рок, тогаш Соединетите Американски Држави, заедно со нашите сојузници, ќе преземат потребни чекори за да ѝ наметнат цена на Русија за нејзината континуирана агресија“, рече Хегсет на состанок во Брисел.
„Ако мора да го направиме овој чекор, Министерството за одбрана на САД е подготвено да го направи својот дел на начини на кои што само Соединетите Американски Држави можат“, објави тој.
Тој истакна дека САД го гледаат смртоносниот и способен НАТО под водство на Европа и украинската армија способна да се одбрани како најефикасно средство за одвраќање од руската агресија.
„Под цврстото водство на претседателот Трамп, а особено со нашите европски сојузници, ќе ја завршиме војната во Украина. Војната мора да заврши“, рече тој.
Хегсет ги повика сојузниците да ги зголемат инвестициите во програмата „Приоритетна листа на барања за Украина“ (PURL), која ги замени донациите за оружје од САД за Украина и бара од сојузниците да плаќаат за испораките на оружје од САД.
Генералниот секретар на НАТО, Марк Руте, потврди дека две милијарди долари веќе се ветени преку тој механизам, но ова е помалку од 3,5 милијарди долари што украинскиот претседател Володимир Зеленски се надеваше дека ќе ги обезбеди до октомври.
Шведска, Естонија и Финска во средата ветија дека ќе придонесат, но земјите како Шпанија, Италија, Франција и Велика Британија се соочија со критики за воздржување. Украина останува во голема мера зависна од американското оружје додека се подготвува за уште една зима на конфликт со Русија.
Килскиот институт за светска економија денес објави дека воената помош за Украина се намалила за 43 проценти во јули и август во споредба со првата половина од годината.
Свет
Нетанјаху се појави на суд, обвинет e за корупција, измама и поткуп

Израелскиот премиер Бенјамин Нетанјаху денес се појави на суд во Тел Авив, каде што сведочеше во неговото судење за корупција – само два дена откако тој, заедно со Доналд Трамп, го означи ослободувањето на последните преживеани заложници во Израел и го објави крајот на двегодишната војна во Газа.
Според израелските медиуми, министри и пратеници од партијата Ликуд на Нетанјаху присуствуваа на седницата, поддржувајќи го за време на неговото сведочење.
Во говорот пред Кнесетот во понеделник, Трамп дури и го повика израелскиот претседател Исак Херцог да го помилува Нетанјаху.
Израелскиот премиер се соочува со три одделни обвиненија, познати како Случаи 1000, 2000 и 4000. Тој е првиот актуелен израелски премиер кој некогаш сведочел како обвинет за кривично дело.
Во Случајот 1000, тој е обвинет за измама и кршење на довербата бидејќи тој и неговата сопруга наводно добиле луксузни подароци како што се пури и шампањ од бизнисмени во замена за политички услуги.
Случајот 2000, исто така, вклучува измама и кршење на довербата – Нетанјаху е обвинет дека му понудил поволни закони на медиумски издавач во замена за поволно медиумско известување.
Најсериозното обвинение, Случајот 4000, вклучува обвиненија за поткуп, измама и кршење на довербата. Обвинителите тврдат дека Нетанјаху ја фаворизирал телекомуникациската компанија Безек во замена за поволно известување на порталот Вала, кој е во сопственост на сопственикот на Безек, Шаул Елович.
Нетанјаху ги отфрла сите обвинувања и тврди дека е жртва на „политички лов на вештерки“.