Свет
(Видео) Тајфун го погоди Хонг Конг: Има паднати дрвја, поплави, над 50 луѓе завршија во болница

Во Хонг Конг најмалку 55 лица денеска завршија во болници поради повреди предизвикани од тајфунот Саола. Властите во Хонг Конг утрово известија дека околу 500 жители побарале засолниште во итни засолништа поради невремето. Властите во Хонг Конг, исто така, пријавија соборени дрвја и поплави.
Во петокот вечерта тајфунот Саола стигна до бреговите на јужна Кина и Хонг Конг, носејќи силен дожд и налети на ветер. Кинеската метеоролошка служба предупреди дека Саола може да стане најсилниот тајфун во регионот од 1949 година. Од петокот вечерта, Хонг Конг ги затвори сите училишта и градинки.
Повеќето летови исто така беа откажани. До саботата наутро, ситуацијата во финансиската метропола донекаде се смири. Сепак, локалната метеоролошка служба ја повика јавноста да остане внимателна. Саола е деветти тајфун во регионот оваа година. Силните циклони се повторуваат во текот на летните месеци и погодуваат бројни земји во Југоисточна Азија.
Big dry slot means back end winds (that sounds wrong) shouldn’t be too bad. That coupled with fact the storm is weakening rapidly mean I’m calling it a night. Some wild moments earlier! Here’s a few shots thrown together #typhoon #saola #hongkong pic.twitter.com/i16kTz3crg
— James Reynolds (@EarthUncutTV) September 1, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.