Свет
(Видео) Терористички напад во Турција, има загинати и повредени, објавена е снимка од нападот
Министерот за внатрешни работи на Турција, Али Јерликаја денеска соопшти дека е извршен терористички напад на подрачјето на турската воздухопловна индустрија (ТУСАС), во кој има загинати и ранети, јавува агенцијата „Анадолија“.
Јерликаја во објава на социјалните мрежи рече дека терористичкиот напад бил извршен во кругот на фабриката за авиони ТУСАС во областа Кахраманказан во Анкара.
„За жал, има загинати и ранети во нападот. На загинатите им посакуваме Божја милост, а на ранетите брзо закрепнување. Јавноста ќе биде информирана за ситуацијата. Важно е да се земат предвид информациите што доаѓаат од официјалните извори“, изјави Јерликаја.
На социјалните мрежи објавено е видео од надзорната камера на кое се гледаат двајца напаѓачи. Имаат автоматски пушки во рацете и ранци на грбот.
More Footage showing the Terrorists who carried out today’s Bombing and Shooting Attack on the Headquarters of the Turkish Aerospace Industries in Ankara, Turkey. pic.twitter.com/aGwXsdf1XG
— OSINTdefender (@sentdefender) October 23, 2024
CCTV Footage showing the beginning of the Terrorist Attack on the Headquarters of the Turkish Aerospace Industries in Ankara, with at least Two Gunmen and several Victims. pic.twitter.com/b8OvCKGsta
— OSINTdefender (@sentdefender) October 23, 2024
The Terrorists in Ankara are seen armed with Rifles, possible Automatic, as well as Backpacks likely filled with additional Explosives. pic.twitter.com/vLTbE1PQuq
— OSINTdefender (@sentdefender) October 23, 2024
Работниците беа забарикадирани во зградата.
Several Workers have Barricaded themselves within the Headquarters of the Turkish Aerospace Industries in Ankara, as the Terrorist Attack on the Facility appears to still be ongoing. pic.twitter.com/59FqDWQTXg
— OSINTdefender (@sentdefender) October 23, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Хезболах ја потврди смртта на Хашем Сафиедин, кој се очекуваше да застане на чело на групата
Либанската група Хезболах денеска потврди дека нејзиниот висок лидер Хашем Сафиедин бил убиен во израелски воздушен напад во јужен Бејрут пред речиси три недели.
Сафиедин, кој беше шеф на највисокото политичко тело за одлучување на Хезболах, Извршниот совет, се очекуваше да биде избран за следен водач на групата по смртта на генералниот секретар Хасан Насрала во израелски воздушен напад минатиот месец.
Хезболах го опиша Сафиедин како посветен водач во групата. Тие ветија дека ќе го продолжат „патот на отпорот“ додека не ги постигнат своите цели за „слобода и победа“.
Израел вчера соопшти дека Сафиедин бил убиен во воздушен напад врз јужните предградија на Бејрут пред околу три недели. Израел започна голема воздушна кампања во Либан од минатиот месец против, како што вели, цели на Хезболах во ескалацијата по една година прекугранична војна меѓу Израел и групата од почетокот на бруталната израелска офанзива на Појасот Газа.
Најмалку 2.546 луѓе загинаа, а повеќе од 11.860 се повредени во Либан во судирите меѓу Израел и Хезболах, кои траат од октомври минатата година. Израел дополнително ја ескалира војната со копнени и воздушни напади врз Либан од 1 октомври.
Свет
(Видео) Неутрализирани напаѓачите во Турција, се работи за жена и маж
Турскиот министер за внатрешни работи Али Јерликаја изјави дека во денешниот терористички напад врз комплексот на турската воздухопловна индустрија во главниот град Анкара загинале четири лица, а 14 се ранети, јавува новинската агенција „Анадолија“.
Тој потврди и дека се неутрализирани двајца терористи.
Јерликаја го посети местото на нападот и им изјави на новинарите дека нападот се случил во 15:26 часот по локално време.
Тој изјави дека безбедносните сили веднаш пристигнале на местото на нападот.
More Footage showing the Terrorists who carried out today’s Bombing and Shooting Attack on the Headquarters of the Turkish Aerospace Industries in Ankara, Turkey. pic.twitter.com/aGwXsdf1XG
— OSINTdefender (@sentdefender) October 23, 2024
„Неутрализирани се двајца терористи, жена и маж. За жал, имаме четворица мртви и 14 ранети. Меѓу ранетите, тројца се во тешка состојба“, изјави турскиот министер.
Истакнувајќи дека го осудува тероризмот, Јерликаја изрази сочувство до турскиот народ и на ранетите им посака брзо закрепнување.
„Работиме на идентификација на терористите. Штом се дознае нивниот идентитет, ќе ги споделиме со вас информациите за која терористичка организација станува збор“, рече Јерликаја.
По нападот се огласи и турскиот претседател, Реџеп Тајип Ердоган, кој упати најостри осуди за нападот.
Терористичкиот напад го осудија и НАТО и Русија.
Свет
Орбан: ЕУ сака да ме собори и да устоличи марионетска влада
Унгарскиот премиер Виктор Орбан ја обвини Европската комисија дека се обидува да ја собори неговата влада и да воспостави „марионетска влада“.
Орбан, кој се соочува со најсериозната закана за неговото 14-годишно владеење откако опозициската партија со нов лидер скокна на изборните анкети, рече дека неговата суверена политика поврзана со Украина и мигрантите е неприфатлива за Брисел.
„Знаеме дека сакаат да не турнат во војната во Украина, сакаат да ни наметнат мигрантски квоти и да ги предадат нашите деца на родови активисти“, рече Орбан.
„Знаеме дека тие имаат и марионетска влада на ум, партија која сакаат да ни ја наметнат“, додава Орбан, алудирајќи на партијата Тиса на опозицискиот лидер Питер Маџар. Орбан го обвинува дека „ги повикува странците да му помогнат против Унгарците“.
Следните избори во Унгарија ќе се одржат на почетокот на 2026 година.