Свет
(Видео) Тешка сообраќајна несреќа во Италија – се судрија 20 возила, загинаа сопружници

Тешка сообраќајна несреќа се случил на автопатот А21 меѓу Манербио и Понтевико во Италија. Во сударот учествувале 20 возила, а загинале двајца сопружници кои останале заглавени под двокатниот камион, јавува Анса. Повеќе од 25 лица се повредени и пренесени во болници. Патот во правец на Кремона и Бреша беше затворен.
#Brescia, 20 mezzi coinvolti in un incidente stradale, 30 persone soccorse dai #vigilidelfuoco, 2 deceduti stamattina sulla A21, tra Pontevico e Manerbio#nebbia #maltempo #5febbraio pic.twitter.com/Q2zTsDVUUL
— Vigili del Fuoco (@vigilidelfuoco) February 5, 2024
На местото на несреќата се запалиле три автомобили. Во судирот учествувале и два автотранспортери полни со возила. Жртвите останале заробени во своите автомобили, а маглата ги отежнала спасувачките операции.
Тоа не беше единствената сообраќајна несреќа денеска во регионот Емлија Ромања. Во истиот регион денеска се случиле вкупно 11 сообраќајни несреќи, а на А22 во областа Модена загинал возач на камион. Вкупно се повредени повеќе од 50 луѓе. Во една од сообраќајните незгоди се превртело возило кое превезувало цемент, кое блокирало четири сообраќајни ленти.
Повеќе од 20 возила за брза помош се на терен, а противпожарните екипи работат на извлекување на луѓето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија ја осудува острата ескалација на тензиите меѓу Израел и Иран

„Русија е загрижена и ја осудува острата ескалација на тензиите“, изјави портпаролот на Кремљ, Дмитриј Песков, пренесува руски Интерфакс.
Тој изјави дека рускиот претседател Владимир Путин добива онлајн извештаи за настаните што се случуваат меѓу Израел и Иран.
„Претседателот Путин добива извештаи во реално време од руското Министерство за одбрана, Службата за надворешно разузнавање и Министерството за надворешни работи за настаните во регионот“, рече Песков.
Според него, руското Министерство за надворешни работи, по наредба на претседателот на Русија, наскоро ќе издаде детално соопштение за ситуацијата меѓу Израел и Иран, „кое потоа ќе биде дистрибуирано до Обединетите нации“.
Свет
Израел ги скри патничките авиони на тајна локација надвор од земјата

Израелските авиокомпании „Ел Ал“, „Аркија“ и „Исраир“ ги преместија своите авиони надвор од земјата на непозната локација, како подготовка за можен ирански напад врз аеродромот „Бен Гурион“, јавува дописникот на „Скај њуз“ од Блискиот Исток.
Авионите беа транспортирани без патници, како дел од однапред подготвени безбедносни протоколи во случај на понатамошна ескалација и напади врз клучна инфраструктура.
Ноќеска Израел изврши голем воздушен напад врз повеќе цели во Иран. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување ураниум во Натанц.
Свет
Германија ја зајакнува заштитата на еврејските и израелските институции по нападот врз Иран

Германскиот канцелар Фридрих Мерц изјави дека Израел има право да го брани своето постоење, а по израелските напади врз Иран, наредил зголемена заштита на еврејските и израелските објекти во Германија.
Утрово телефонски разговараше со израелскиот премиер Бенјамин Нетанјаху и свика состанок на кабинетот за безбедност во Берлин, објави германската влада.
Мерц нагласи дека целта останува да се спречи Иран да развива нуклеарно оружје и го обвини Техеран дека продолжува да ги крши своите обврски од Договорот за неширење на нуклеарно оружје и дека претставува сериозна закана за регионот, особено за Израел.
Тој ги повика двете страни да се воздржат од потези што би можеле дополнително да го ескалираат конфликтот и да го дестабилизираат Блискиот Исток.
Синоќа Израел изврши воздушен напад врз повеќе цели во Иран како дел од операцијата „Стоечки лав“. Според израелски воени извори, погодени се објекти поврзани со нуклеарната програма на Иран и воени локации, вклучувајќи го и клучниот комплекс за збогатување на ураниум во Натанц. МААЕ потврди дека Натанц е меѓу нападнатите локации и е во контакт со иранските власти за следење на нивото на зрачење.
Израелскиот премиер Бенјамин Нетанјаху изјави дека целта на операцијата е да се „неутрализира егзистенцијална закана“, истакнувајќи дека Иран со години развива нуклеарни капацитети и отворено се заканува дека ќе го уништи Израел. Иран го затвори својот воздушен простор, а израелската војска го подигна нивото на тревога за можен одговор, вклучително и лансирање беспилотни летала и ракети од Иран и територии контролирани од проирански групи.