Свет
(Видео) Тинејџерка возела со 160 километри на час бегајќи од полиција, во возилото имало деца
Полицијата во Охајо објави видео од потерата за 17-годишна девојка, која се обидувале да ја сопрат поради брзо возење во подрачје на кое имало училиште.
Сепак, наместо да го сопре возилото, тинејџерката додала гас и почнала да бега. Потерата траела неколку минути, а во еден момент девојката возела над 160 километри на час. Ја уапсиле кога се забила во паркиран автомобил.
Излегла од автомобилот, а полицијата дури тогаш открила дека во возилото биле и нејзините две деца, едното на возраст од две години, а другото деветмесечно. Со неа се возел и 14-годишник чиешто исчезнување било пријавено неколку дена претходно.
Додека лежела на подот, на полицијата ѝ рекла дека бегала од нив бидејќи возела деца во автомобилот, а немала возачка дозвола. Сега ја товарат за неколку сообраќајни прекршоци, но одговара и кривично.
„Имавме неколку лица во автомобилот, мали деца, полицајци, пешаци на паркинг, бројни возила, беше тоа рецепт за катастрофа. За среќа, сето тоа заврши на начин што никој не е повреден“, изјави шефот на полицијата, Брент Милхоан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.