Свет
(Видео) Торнада опустошија неколку делови на САД, десетина мртви
Торнада кои го зафатија централниот дел на САД усмртија најмалку десетина луѓе и оставиле трага на уништување, а синоптичарите предупредуваат на дополнително влошување на времето.
Најмалку седум лица, меѓу кои две деца, на возраст од 2 и 5 години, загинаа во Тексас кога силно торнадо ги зафати заедниците во северниот дел на државата во близина на границата со Оклахома во саботата вечерта, изјави шерифот на округот Кук Сапингтон. Многу луѓе се здобиле со различни повреди. Размерите на катастрофата станаа јасни синоќа додека официјалните лица се приближуваа на крајот на операцијата за пребарување и спасување.
🚨#BREAKING: A Confirmed large and extremely violent tornado is on the ground
The National Weather Service in Illinois has issued a PDS (Particularly Dangerous Situation) tornado warning due to a confirmed large and extremely violent tornado on the… pic.twitter.com/GMWnUICNtx
— R A W S A L E R T S (@rawsalerts) May 27, 2024
Шерифот извести дека бројни приколки во најтешко погодената област „целосно исчезнале“, а други претрпеле голема штета од бурата, за која Сапингтон проценил дека оставила трага на уништување широка 400 метри, долг од 4,8 до 6,4 километри.
Торнадо, исто така, го опустоши округот Дентон, северозападно од Далас, во саботата навечер, оштетувајќи ги домовите и другите имоти и соборувајќи далноводи. „Бројот на повредени и видовите на повреди засега не се познати бидејќи спасувачките напори се уште се во тек“, соопштија локалните власти на Фејсбук.
Tornado crosses the road in front of the car and does a vortex breakdown east of Birch tree, Missouri earlier! #mowx @NWSPaducah
pic.twitter.com/yTLUAxMPqy— Jordan Hall (@JordanHallWX) May 27, 2024
Стотици илјади корисници останаа без струја низ поголемиот дел од земјата, вклучувајќи ги Арканзас, Мисури и Тексас во неделата. Официјални лица во Арканзас, исто така, објавија неколку смртни случаи поврзани со невремето, додека патиштата беа затворени и блокирани од остатоци, соборени дрвја и далноводи, а торнадото уништи и бројни домови и деловни објекти, со многу повредени.
Невремето предизвика голема штета и најмалку двајца смртни случаи во делови на Оклахома, каде што официјалните лица го активираа Центарот за итни операции за да ги координираат напорите низ државата. Во Индијана лошото време го одложи почетокот на познатата автомобилска трка Инди 500.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шефот на агенцијата на ОН: Борбите во Газа и Рафа продолжуваат и покрај израелските најави
Борбите во градот Рафа и во јужниот дел на Газа продолжуваат и покрај вчерашната најава на израелската армија за тактички паузи во операциите за да се дозволи влез на хуманитарна помош, изјави денеска во Осло шефот на Агенцијата на Обединетите нации за помош на Палестинците (УНРВА).
Израелскиот премиер Бенјамин Нетанјаху вчера ги критикуваше плановите на армијата да воведува дневни прекини на огнот долж еден од главните патишта до палестинската енклава.
Филипе Лазарини, шеф на УНРВА, сепак, рече дека немало пауза. „Имаше информации дека е донесена таква одлука, но политичкото ниво вели дека таква одлука не е донесена“, рече Лазарини на прес-конференцијата.
„Затоа, засега можам да ви кажам дека борбите во Рафа и на југот на Газа продолжуваат и дека оперативно ништо досега не е променето“, додаде тој.
Израелската војска во понеделникот објави дека нејзините сили ги продолжуваат операциите во областа Рафа, кои вклучуваат тесна борба со милитантите и заплена и уништување оружје.
За викендов, армијата најави дневни паузи од 7 до 18 часот во областа од преминот Керем Шалом на југот на Израел до патот Салах ал-Дин, а потоа и понатаму кон северот. Подоцна појасни дека нормалните операции ќе продолжат во Рафа, главниот фокус на неговите операции во јужниот дел на Газа.
Свет
(Видео) Авион на „Боинг“ почна да гори, му откажа моторот, мораше итно да слета
Патнички авион безбедно слета на аеродром во Нов Зеланд откако избувна пожар и откажа еден од моторите, соопшти националната противпожарна служба, пренесува Асошиејтед прес.
Боингот 737-800 на Virgin Australia летал за Мелбурн, Австралија, но на крајот слетал во новозеландскиот град Инверкаргил. Инцидентот можеби е резултат на „удар од птица“, изјави Стјуарт Агс, главен оперативен директор на авиокомпанијата.
Последиците од ударите на птиците варираат по сериозност во зависност од големината на птиците, реакцијата на пилотот и кој дел од авионот бил погоден. Пламенот во авионот бил забележан веднаш по полетувањето од аеродромот во Квинстаун.
A burning plane makes an emergency landing in New Zealand.
People in Queenstown saw flames sparking from the engine of a Boeing 737 as loud explosions were heard after a bird strike incident. pic.twitter.com/jZhpx7M7Kc
— Vexwift (@vexwift) June 17, 2024
Нема дополнителни информации за тоа што се случило во моментот на инцидентот, изјави Кетрин Нинд, портпаролка на аеродромот. Во инцидентот нема повредени. Во авионот имало 67 патници и шест членови на екипажот. Агс најави дека патниците ќе бидат сместени преку ноќ во Инверкаргил и дека ќе се договорат нови летови.
Ова е само последниот во серијата инциденти со авиони Боинг. Вчера се дозна за случајот на 11 април, кога Боинг 737 Макс 8 на Southwest Airlines почна забрзано да паѓа, запирајќи го падот на околу 120 метри над Тихиот Океан.
Свет
Путин оди во посета на Северна Кореја
Рускиот претседател Владимир Путин утре и задутре ќе ја посети Северна Кореја, објави Кремљ, а тоа е исклучително ретко патување кое го истакнува сè посилното партнерство на Москва со таа нуклеарна држава.
Во септември минатата година, севернокорејскиот лидер Ким Џонг Ун, за време на неговата посета на Далечниот исток на Русија, го покани рускиот претседател да ја посети неговата земја.
Путин не го посетил Пјонгјанг од јули 2000 година.
„На покана на претседавачот за државни работи на КНДР, Ким Џонг Ун, Владимир Путин ќе престојува во пријателска државна посета на Демократска Народна Република Кореја од 18 до 19 јуни“, се вели во соопштението на Кремљ, во кое се додава дека, по Северен Кореја, Путин на 19 и 20 јуни ќе го посети Виетнам.