Свет
(Видео) Трамп и Си се договорија за прекин на трговската војна
Кина и САД се вратија на правиот пат кон постигнување на трговски договор, изјави американскиот претседател, Доналд Трамп по состанокот со кинескиот претседател, Си-Џинпинг на маргините на состанокот Г20 во Осака.
Како што оценуваат медиумите, оваа изјава на Трамп означува постигнување на договор помеѓу двајцата лидери за „нов прекин на огнот“ во трговската војна помеѓу САД и Кина, која трае веќе една година.
Истовремено, кинеските медиуми јавија дека САД и Кина се договориле да ги рестартираат преговорите за трговијата и дека Вашингтон нема да воведе нови санции на увозот на кинеската роба.
Трамп по состанокот со Си оцени дека средбата излегла подобро од очекуваното, пренесе „АП“.
„САД се подготвени за праведен договор со Кина, кој би бил од историски размери. Мислам дека сме блиску до тоа“, изјави Трамп.
Изјавата на Си истотака беше позитивна.
„САД и Кина ќе добијат многу ако соработуваат“, рече тој.
Инаку, средбата на Трамп и Си траеше 80 минути.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.