Свет
(Видео) Трамп: Кина ќе плати висока цена поради коронавирусот

Американскиот претседател, Доналд Трамп, кој сè уште се лекува од коронавирусот, денес повторно ѝ се обрати на јавноста преку „Твитер“.
Тој испрати специјална порака до постарите Американци и им се закани на Кинезите дека ќе платат за „ослободување на коронавирусот во светот“.
TO MY FAVORITE PEOPLE IN THE WORLD! pic.twitter.com/38DbQtUxEu
— Donald J. Trump (@realDonaldTrump) October 8, 2020
„На моите омилени луѓе во светот, постарите лица. И јас сум постар, знам дека не го знаете тоа, никој не го знае тоа, не мора да им кажете, но и јас сум постар. Напредуваме во борбата против оваа страшна болест што ни ја испрати Кина. Кина, која ќе плати висока цена за тоа“, рече Трамп во воведот на обраќањето.
Тој ја пофали терапијата што ја добил во воената болница „Валтер Рид“ и истакна дека набргу ќе биде достапна за сите, особено за постарите лица.
„Но, ние имаме лекови. Минатата недела бев многу болен и отидов во болница. Ги зедов тие лекови и беше неверојатно. Ќе ги ставиме на располагање веднаш. Сакам да ја добиете истата грижа што ја добив јас. Овие лекови се тотално безбедни и бесплатни“, рече Трамп, кој не ја пропушти можноста да се задева со својот противник Џо Бајден.
„Тој само зборува, но не направи ништо за 47 години. Јас направив повеќе за 47 месеци отколку што тој направи за 47 години. Тој имаше шанса, но не знаеше што да прави. Јас знам што правам. Ви благодарам, ве сакаме и ја сакаме Америка“, вели Трамп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.