Свет
(Видео) Трамп: Не барам договор со ЕУ, тоа е веќе одлучено

Американскиот претседател Доналд Трамп во петокот се закани дека ќе воведе царина од 50% на стоките од Европската Унија, наведувајќи го недостатокот на напредок во тековните трговски преговори.
„Нивните силни трговски бариери, ДДВ, смешни корпоративни казни, нетарифни бариери за трговија, манипулации со валути, неправедни и неоправдани тужби против американски компании и друго доведоа до трговски дефицит со САД од над 250.000.000 долари годишно – бројка што е целосно неприфатлива“, напиша Трамп во објава на Truth Social во петокот наутро.
„Нашите преговори со нив не водат никаде!“ додаде Трамп.
„Затоа препорачувам воведување на рамна царина од 50% кон Европската Унија, почнувајќи од 1 јуни 2025 година.“
Подоцна истиот ден, додека потпишуваше извршна наредба во Овалната соба, Трамп дополнително ја заостри својата порака до ЕУ.
🇺🇸 Trump said he isn't expecting a trade deal with Europe. Instead, he's pushing for European companies to relocate manufacturing to the United States or face a 50% import tariff.#Tariff #Europe #Trump #TradeDeal #European pic.twitter.com/y1ULuK1ouM
— OsintWorld 🍁 (@OsiOsint1) May 23, 2025
„Не барам договор. Веќе постигнавме договор и тој е 50%“, рече Трамп.
Трамп ја остави отворена можноста за одложување на рокот од 1 јуни, велејќи: „Ако некој дојде и сака да отвори фабрика тука, можеме да разговараме за мало одложување“, рече тој.
Членките на ЕУ се обединија за да ги искористат САД, додаде Трамп.
Олоф Гил, портпарол на Европската комисија, одби веднаш да ја коментира изјавата на Трамп, велејќи дека чека на завршување на разговорите меѓу Марош Шефчовиќ, европскиот комесар за трговија, и трговскиот претставник на САД, Џејмисон Грир.
Гил не го прецизираше точното време на разговорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.
Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Свет
Украина го префрла производството на оружје во земјите од НАТО

Украинската одбранбена индустрија започнува со работа во Данска, обезбедувајќи им на производителите на оружје со седиште во Киев заштита од руски ракети и пренесувајќи го своето воено искуство во Европа.
Данското Министерство за индустрија и финансии претходно овој месец објави дека украинската одбранбена компанија „Фаер Поинт“ преместува дел од своите производствени процеси во таа земја, оценувајќи го тоа како важен чекор за безбедноста на Украина, што во исто време „создава нови можности за соработка со данските и европските компании“.
Тоа е првиот чекор во новата иницијатива наречена „Гради за Украина“, за која Данска издвои повеќе од 50 милиони долари за да им помогне на украинските одбранбени компании да започнат бизнис, објавува „Бизнис инсајдер“.
Проектот им овозможува на украинските компании да произведуваат на поконвенционален начин, наместо да го кријат или нарушуваат процесот на производство за да избегнат да станат мети на руски ракети и беспилотни летала.
За Данска и нејзините сојузници, соработката носи директно искуство на украинските компании во производството на оружје за големата војна. Тоа знаење е непроценливо.
Засега, барем јавно, проектот вклучува само една украинска компанија. Компанијата „Фаер Поинт“, која исто така произведува дронови и ракети, планира да произведува ракетно гориво во Данска за одбранбените потреби на Украина. Останатите украински компании кои произведуваат хаубици, ракети, дронови и друго оружје сè уште го прават тоа во земјата.