Свет
(Видео) Трамп панично „избегал“ од лекарката кога рекла дека имала треска
Претседателот на САД, Доналд Трамп веднаш се тр,гнал од службеничката со која присуствувал на прес-конференција, откако рекла дека имала блага треска во текот на викендот.
Кординаторката на Белата куќа за борба против коронавирусот, Дебора Беркс, зборувале за важноста на одговорноста што треба да ја покаже секој човек за време на пандемија на коронавирус.
Таа е лекарка и дипломат назначена од Трамп да ја предводи работната група за борба против коронавирус, и ги изненадила сите на прес-конференцијата во понеделникот признавајќи дека имала треска, односно блага температура, во саботата.
„Забележавте дека не бев тука во текот на викендот, тоа е затоа што имав треска“, рекла лекарката.
На нејзината изјава прв реагирал Трамп, со тоа што веднаш скокнал и „избегал“, односно се оддалечил неколку чекори од лекарката.
Бидејќи на почетокот се смеел, тоа на сите им изгледало како шега, но, Трамп потоа се вратил еден чекор подалеку од местото каде што претходно стоел.
Претседателот малку се смирил кога лекарката рекла дека е тестирана на коронавирус и тестот е негативен.
„Ах, тоа е добро. Драго ми е што го кажавте тоа“, рекол Трамп со олеснување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Силен земјотрес ја погоди Турција, почувствуван и во Грција
Земјотрес со јачина од 5 степени според Рихтеровата скала е регистриран вечерва во 21:38 часот, во западна Турција.
Според достапните податоци, епицентарот на земјотресот бил лоциран во областа со географски координати на географска ширина 39,444 и географска должина 26,284.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 1о километри под површината на земјата.
Земјотресот се почувстувал и на 13 километри северно од Митимна, Грција.
Засега нема извештаи за материјална штета или повредени, а надлежните служби ја следат состојбата.
Свет
Трамп ја суспендира странската помош на 90 дена
Американскиот претседател Доналд Трамп потпиша извршна наредба за привремено суспендирање на сите американски програми за надворешна помош на 90 дена во очекување на ревизија за да се утврди дали тие се во согласност со неговите политички цели.
Наредбата, меѓу многуте потпишани од Трамп на неговиот прв ден од враќањето на функцијата, наведува дека „странската помошна индустрија и бирократијата не се усогласени со американските интереси и во многу случаи се спротивни на американските вредности“ и „служат за дестабилизирање на светскиот мир преку промовирање идеи во странство“.
Според тоа, Трамп изјави дека „никаква дополнителна странска помош на Соединетите држави нема да биде исплатена на начин што не е целосно конзистентен со надворешната политика на претседателот на САД“.
Државниот секретар Марко Рубио им рече на членовите на Комитетот за надворешни односи на Сенатот за време на неговото сослушување за потврдување минатата недела дека „секој долар што го трошиме, секоја програма што ја финансираме и секоја политика што ја водиме мора да се оправда со одговарање на три едноставни прашања:
„Дали ја прави Америка побезбедна? Дали ја прави Америка посилна? Дали ја прави Америка попросперитетна“.
Наредбата потпишана од Трамп му остава на Рубио да донесе такви одлуки, во консултација со Канцеларијата за управување и буџет. Стејт департментот и Агенцијата на САД за меѓународен развој се главните агенции кои ја надгледуваат странската помош.
Свет
Силен земјотрес го погоди Тајван
Земјотрес со јачина од 5 степени според Рихтеровата скала е регистриран во 19:48 часот во Тајван.
Според достапните податоци, епицентарот на земјотресот бил лоциран во областа со географски координати на географска ширина 21.459 и географска должина 121.0699.
Хипоцентарот на земјотресот, според податоците на Европско-медитеранскиот сеизмолошки центар, се наоѓа на длабочина од приближно 23 километри под површината на земјата.
Засега нема извештаи за материјална штета или повредени, а надлежните служби ја следат состојбата.