Свет
(Видео) Трамп се обрати до јавноста по поразот

Поранешниот американски претседател, Доналд Трамп, од Белата куќа зборуваше за коронавирусот и стратегијата за вакцинација. Трамп не одговараше на прашањата на новинарите десетина дена и ова беше негово прво јавно обраќање по поразот од Џо Бајден.
Тој ја спомна својата администрација, коментирајќи дека таа нема да дозволат затворање на земјата поради пандемијата. Се осврна и на најавата на „Фајзер“ за вакцина која покажала 90 проценти ефикасност.
„Вакцината ќе биде бесплатна за секого, дадовме многу пари за да ја добиеме вакцината. Истражувањето обично трае од 8 до 12 години, а вакцината ќе ја добиеме за помалку од една година. Тоа е пет пати побрзо од најбрзата вакцина досега. Да беше друга администрација, тоа ќе траеше неколку години. Три други вакцини се тестираат и ќе се произведуваат масовно, а вакцината ќе им биде дистрибуирана на здравствените работници и ризичните групи во рок од неколку недели“, рече тој.
Американските медиуми објавија дека Трамп по неговото обраќање не одговарал на новинарски прашања.
Изборите ги коментираше повторно на „Твитер“, каде се осврна на тврдењата за изборни нерегуларности. Тој објави дека планира да ги поддржи неговите приврзанинци кои протестираат во Вашингтон.
„Душата ми ја грее глетката на оваа огромна поддршка, особено оние спонтани собири што никнуваат низ целата земја, вклучително и еден голем собир во сабота во Вашингтон. Можно е да дојдам и да ги поздравам”, напиша тој.
Пред скоро една недела, американските медиуми ја прогласија победата на Бајден, но Трамп сè уште не сака да го признае тоа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.