Свет
(Видео) Трамп се потсмеваше на воената моќ на Венецуела: Фативме обука на милицијата, многу сериозна закана

Американскиот претседател Доналд Трамп се потсмеваше на воената моќ на Венецуела во објава на социјалната мрежа „Тру соушал“.
Тој сподели видео од жени како несмасно трчаат со оружје. „Строга тајна: Фативме венецуелска милиција на обука. Многу сериозна закана“, напиша саркастично американскиот претседател.
Венецуелскиот претседател Николас Мадуро минатата недела потврди дека почнала цивилна обука за употреба на оружје во случај на напад од САД. „Со мотото ‘Касарните одат кај народот’ војниците ги спроведоа своите први обуки во разни делови од земјата“, рече Мадуро.
Trump mocked the “Venezuelan militias”
The US President posted a video showing a woman awkwardly running with a Kalashnikov rifle, captioning it: “TOP SECRET: We caught the Venezuelan militias training. A very serious threat!”
The clip has been circulating online since… pic.twitter.com/kFxQU51CEO
— NEXTA (@nexta_tv) September 22, 2025
Тој ги повика венецуелските земјоделци да бидат подготвени и, доколку е потребно, масовно да се вооружат. „Венецуелскиот народ ѝ кажува на империјата: Престанете со заканите“, им рече Мадуро на земјоделците на митингот.
Трамп ѝ се закани на венецуелската влада во саботата. „Сакаме Венецуела веднаш да ги прифати сите затвореници и луѓе од менталните институции, вклучувајќи ги и најлошите азили во светот, што венецуелското ‘раководство’ ги испрати во Соединетите Американски Држави“, напиша тој.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
„Фајненшл тајмс“: Зеленски можно е оваа недела да го посети Трамп

Американскиот претседател Доналд Трамп може да го прими украинскиот претседател Володимир Зеленски оваа недела, објави новинарот на „Фајненшл тајмс“, Кристофер Милер, повикувајќи се на три извори.
Според Милер, средбата би можела да се одржи во петок, на 17 октомври, но други детали засега не се познати.
Двајцата лидери последен пат се сретнаа во септември за време на Генералното собрание на ОН во Њујорк, а во последните денови имале два телефонски разговора, меѓу другото и за можната испорака на американски крстосувачки ракети „Томахок“ на Украина.
Паралелно, украинската делегација предводена од премиерката Јулија Свириденко започнува недела на преговори со американските претставници во Вашингтон.
Свет
Скандал во Индија: Талибански министер не ги повикал новинарките на прес-конференција

Талибанскиот министер за надворешни работи на Авганистан, Амир Кан Мутаки, предизвика бурни реакции во Индија откако на својата прва прес-конференција во Делхи не ги повикал жените новинарки.
Настанот, на кој присуствувале околу 16 новинари, но ниту една жена, предизвика остри реакции од индиските медиумски организации и опозициски политичари. Тие го оценија инцидентот како „отворена родова дискриминација“.
Под притисок на јавноста, Мутаки следниот ден одржа нова, „инклузивна“ прес-конференција, каде изјави дека исклучувањето на жените било „техничка грешка“.
„Настанот беше организиран во краток рок и поканите беа испратени на ограничен список новинари, без никаква друга намера“, рече тој.
Мутаки моментално престојува во Индија на разговори со претставници од Русија и индиската влада, со цел јакнење на дипломатските врски.
Иако се обиде да ги оправда ограничувањата на жените во Авганистан, индиските новинари остро го прашаа зошто девојчињата таму веќе четири години немаат пристап до образование.
Свет
Лавров ги демантира гласините за труење на Башар ал-Асад

Рускиот министер за надворешни работи, Сергеј Лавров, ги отфрли наводите дека Москва наводно се обидела да го отруе поранешниот сириски претседател Башар ал-Асад, кој доби политички азил во Русија.
Како што објави руското издание Info24, Лавров на средба со претставници на арапските медиуми изјавил дека поранешниот сириски лидер и неговото семејство се наоѓаат во Москва „исклучиво од хуманитарни причини“.
„Тие беа изложени на закани со физичко насилство, па руските власти им овозможија азил. Асад нема никакви здравствени проблеми во нашата престолнина. Труење не се случило, а сите што ги шират тие гласини – нека останат со својата совест,“ изјавил Лавров.
Башар ал-Асад беше претседател на Сирија од 2000 година, а земјата ја напушти откако минатиот декември сириските бунтовнички сили влегоа во главниот град Дамаск.