Свет
(Видео) Убиецот на 23 луѓе во „Волмарт“ во Тексас осуден на 90 доживотни затворски казни

Федерален судија денеска го осуди Патрик Крусиус на 90 доживотни затворски казни за убиство на 23 и ранување на 22 лица во напад на супермаркет во Тексас, чија цел беа Јужноамериканци, објавија локалните медиуми.
Казната е дел од договорот за признавање вина во федералниот суд во Ел Пасо во кој 24-годишниот Патрик Крусиус се изјасни за виновен и се согласи на затвор за да ја избегне смртната казна.
Сепак, сè уште постои тековен случај во државниот суд во Тексас што може да резултира со егзекуција.
Крусиус возел повеќе од илјада километри од предградијата на Далас до Ел Пасо на границата со Мексико и на 3 август 2019 година изврши масакр со калашников од романско производство.
Пред пукањето, тој објави манифест на Интернет во кој напиша:
„Овој напад е одговор на инвазијата на Јужноамериканци на Тексас. Тие се виновни, не јас. Јас само ја бранам својата земја од културниот и етничкиот инженеринг до која доведе инвазијата“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Водач на шпанска нарко банда избега од затвор, распишана е потерница

Водачот на шпанската нарко банда Лос Пантоја, Хесус Хередија, не се вратил во затвор откако добил отсуство во текот на викендот, а судот во градот Кадиз распишал налог за негово апсење, објавија денеска шпанските медиуми.
Тој отслужуваше шестгодишна затворска казна за трговија со дрога, јави јавната телевизија Ртве.
Тој беше уапсен во 2020 година заедно со 40 други членови на неговата организација, а две години подоцна беше осуден на затвор од судот во Алгесирас.
Свет
Трамп: САД мора да го имаат Гренланд, ако ЕУ и Данска не го разбираат ова, ќе им објасниме

Американскиот претседател Доналд Трамп денеска им рече на новинарите во Белата куќа дека САД „мора да го имаат Гренланд“ поради глобалната безбедност.
„Ни треба Гренланд“, рече претседателот. Што е многу важно за меѓународната безбедност мора да го имаме Гренланд. Не е прашање дали можеме без него. Не можеме.
Трамп тврдеше дека американската контрола над Гренланд е прашање на мир „за целиот свет“, а не само за Соединетите Држави, пренесува „CNN“.
„Видете, имате воени бродови насекаде, кои минуваат покрај Гренланд. Ние нема да го дозволиме тоа“, додаде Трамп.
„Ако ЕУ и Данска не го разберат ова, ќе мораме да им објасниме“.
Трамп рече дека верува оти Данска и Европската унија ја разбираат неговата позиција за важноста на територијата, но предупреди: „А ако тие не го разберат, ќе мораме да им објасниме“.
Американскиот потпретседател Џеј Ди Венс и неговата сопруга денеска ја посетуваат полуавтономната данска територија, со што Венс е првиот американски потпретседател кој го посетил Гренланд.
„Тие ќе бидат добри претставници на нашата земја“, рече Трамп.
Гренландските политичари постојано јасно ставаат до знаење дека се против анексијата, а данската премиерка Мете Фредериксен го повика Трамп да ги почитува „фундаменталните правила на суверенитет“. Анкетата спроведена од дневен весник во јануари покажа дека 85 отсто од Гренландците не сакаат да станат дел од САД, а речиси половина од анкетираните рекле дека интересот на Трамп претставува закана, објави Ројтерс.
Свет
Трамп разговарал со претставници на Мјанмар и ветил помош за земјата

Американскиот претседател Доналд Трамп изјави дека разговарал со претставници на властите на Мјанмар по силниот земјотрес што денеска ја потресе земјата.
Ќе помогнеме – изјави Трамп во Белата куќа.
Најмалку 144 лица загинаа во земјотресот во Мјанмар. Се очекува бројот на жртвите да продолжи да расте.
Во соседен Тајланд загинаа најмалку 10 лица.