Свет
(Видео) Убиецот објавил морничава фотографија пред масакрот: детали за пукањето во средното училиште во САД

Најмалку едно лице го загубило животот, а неколку се ранети во денешниот напад во средно училиште во американската сојузна држава Ајова, јавуваат американските медиуми.
Ен-Би-Си, повикувајќи се на повеќе полициски извори, објави дека напаѓачот починал од прострелна рана што си ја нанел самиот.
Повредени се три лица, меѓу кои двајца ученици и еден вработен во училиштето. Природата на нивните повреди засега не е позната.
Осомничениот вооружен напаѓач е идентификуван, изјави шерифот на округот Далас Адам Инфанти на прес-конференција, но одби да даде дополнителни детали.
Според социјалните мрежи, идентификуваниот напаѓач пред нападот објавил вознемирувачка фотографија и напишал „сега чекаме“ со чуден израз на лицето.
The shooter in Iowa at Perry High School posted this on social media before the school shooting occurred. pic.twitter.com/MDFadymu6C
— Nerdy 🅰🅳🅳🅸🅲🆃 (@Nerdy_Addict) January 4, 2024
Пукањето било пријавено утринава околу 7:37 часот по локално време, пред почетокот на првиот училишен ден по зимскиот распуст за учениците во средното училиште Пери, во кое има околу 1.785 ученици.
Полицјата реагирала седум минути подоцна и открила луѓе кои страдале од прострелни рани.
URGENT:-🚨–Shooter at Perry high school in Iowa is dead from a self-inflicted gunshot wound, law enforcement officials say. At least three people were injured, including two students.#Perry #Iowa #MassShooting #USAShooting #JUSTIN #PerryHighSchool #BREAKING_NEWS pic.twitter.com/5jW3pQK3mn
— EUROPE CENTRAL (@europecentrral) January 4, 2024
„За среќа, во зградата имаше многу малку ученици и наставници, што, според мене, придонесе за добар исход во таа смисла“, рече тој на брифингот со новинарите.
Шерифот додаде дека веќе нема никаква опасност за граѓаните и дека полицијата сега работи на случајот.
Според официјални лица од округот Далас, местото на злосторството во моментов е обезбедено.
#BREAKING: There have been multiple victims in a shooting incident at Perry High School#Perry #Iowa #SchoolShoting pic.twitter.com/KWia44kJ85
— WarMonitoreu (@WarMonitoreu) January 4, 2024
На местото на пукањето имало најмалку пет возила за итна помош, пренесува NBC News.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Израел ја погоди зградата на иранската државна телевизија, програмата прекината

Одбранбените сили на Израел (ИДФ) извршија напад врз информативната мрежа на Исламската Република Иран (ИРИНН), која ја води државната медиумска куќа, ИРИБ.
На „Икс“ се појави видео на кое се гледа програмата на таа иранска државна телевизија. Програмата била прекината во моментот на ударот. Пред тоа, можете да се види како нешто почна да паѓа во студиото и водителката бега од кадарот. Некој на видеото потоа извикува „Алах Акбар“.
🚨🚨 Moment Iranian television was struck by Israeli airforce pic.twitter.com/auan6THShy
— Amichai Stein (@AmichaiStein1) June 16, 2025
Програмата продолжи извесно време по ударот
Државната телевизија на Исламската Република Иран (IRIB) повторно емитува во живо, откако неколку минути беше исклучена од етерот поради израелскиот напад, јавува BBC Persian.
На екранот сега се прикажува порака дека „сите програми продолжуваат во живо без прекин“, додека друг текст вели дека Израел „погоди една од зградите на иранската државна телевизија во брутален напад“.
Нападот се случи откако израелскиот министер за одбрана Израел Кац изјави дека „иранскиот мегафон на пропаганда и поттикнување е на пат кон исчезнување“.
Кац изјави и дека евакуацијата на жителите од околните населби веќе е започната.
Претходно истиот ден, според иранските медиуми, израелските сили нападнале и воена база во западен Техеран.
Свет
„Волстрит журнал“: Иран бара од Трамп да ги запре израелските напади

Иран, преку арапски посредници, испраќа пораки до САД и Израел со желба за итен прекин на непријателствата и враќање на преговарачката маса за нуклеарната програма, пренесува „Волстрит журнал“, повикувајќи се на блискоисточни и европски функционери.
Израелските напади засега поефикасни
Во екот на интензивната израелска воздушна офанзива, ирански функционери информирале арапски колеги дека се подготвени да продолжат со преговорите — доколку САД не се вклучи во воените акции. Исто така, испратиле пораки и до Израел дека е во интерес на двете страни конфликтот да не се прошири.
Израелски авиони слободно летаат над Техеран, додека иранските противнапади прават штета, но значително помала, врз израелските градови. Тоа ѝ дава мала причина на израелската влада да ги прекине ударите, додека не смета дека ги уништиле иранските нуклеарни објекти и ја ослабнале власта на ајатолахот.
Израелските напади досега убија клучни воени команданти, вклучувајќи и голем дел од врвот на иранското воено воздухопловство. Но, нуклеарната инфраструктура е само делумно оштетена, а аналитичарите проценуваат дека за сериозни резултати ќе биде потребна долготрајна кампања.
Крајна цел
Премиерот Бенјамин Нетанјаху изјави дека нападите ќе продолжат сè додека не бидат уништени иранските нуклеарни и ракетни капацитети. Додаде дека промената на режимот не му е цел — но и не ја исклучи.
Израелската војска, според официјални извори, подготвила барем две недели интензивни напади. Во меѓувреме, францускиот претседател Емануел Макрон повика на итно продолжување на преговорите, а бројни арапски лидери бараат прекин на огнот. Американскиот претседател Доналд Трамп до неодамна се противеше на воена интервенција, но сега отворено ја поддржува израелската кампања.
„Мислам дека е време за договор, но понекогаш едноставно мора да се бориш“, изјави Трамп вчера.
Иран не сака директна вмешаност на САД
За Иран, привремено примирје би значело време за консолидација и користење на меѓународниот притисок против Израел. Истовремено, Техеран сака да ја задржи Америка надвор од конфликтот.
Арапски дипломати тврдат дека Иран смета оти Израел нема капацитет за долготраен воен ангажман и дека на крајот ќе мора да прифати дипломатско решение. Иранските проценки се дека Израел без американска помош не може сериозно да ги оштети објекти како што е подземниот комплекс Фордо.
„Иранците знаат дека САД го поддржува Израел логистички и одбранбено“, изјавил еден арапски официјален претставник. „Но, бараат гаранции дека САД нема директно да се вклучи.“
Во спротивно, Иран најавува можност за забрзување на нуклеарната програма и проширување на војната.
Опасност од понатамошна ескалација
Засега, нема сигнали дека Иран е подготвен на нови отстапки во врска со нуклеарната програма. Преговорите пред нападите биле во застој поради иранското одбивање да престане со збогатување на ураниум. Израел инсистира дека прекинот на збогатувањето е минимум за кој може да се разговара.
Покрај нуклеарното прашање, Израел и заливските држави се загрижени и за иранската поддршка на регионални милиции и ракетниот програм.
Во текот на викендот конфликтот доби и енергетска димензија — двете страни почнаа да ги напаѓаат енергетските објекти. Жртвите меѓу цивилите се сè побројни.
Земјите од Персискиот Залив, вклучувајќи ги Саудиска Арабија, Катар и Оман, го повикуваат Вашингтон да изврши притисок врз Израел да ја прекине воената акција. Тие предупредуваат дека конфликтот може да ескалира и да ја загрози енергетската инфраструктура, што би имало сериозни последици врз пазарот на нафта и светската економија.
Свет
Израел најави напад – Иранската државна телевизија наскоро ќе исчезне, рече министерот

Министерот за одбрана на Израел, Израел Кац, изјави дека иранската државна телевизија и радио „се пред исчезнување“, мислејќи на актуелниот израелски напад и претходно издадената наредба за евакуација на жителите од третиот кварт на Техеран.
„Иранскиот мегафон на пропаганда и поттикнување наскоро ќе исчезне. Евакуацијата на околните жители започна“, рече Кац.
Во зоната за евакуација се наоѓа и седиштето на иранската државна радио и телевизија ИРИБ.
Израелските одбранбени сили (ИДФ) издадоа итно предупредување до жителите на голем дел од Техеран, главниот град на Иран, веднаш да ја напуштат областа.
„Во следните часови, ИДФ ќе оперира во областа, како и во изминатите денови низ Техеран, за да ја погоди воената инфраструктура на иранскиот режим“, објави портпаролот на ИДФ, Авичај Адраи на мрежата „Икс“.
Со пораката прикачи и мапа со означени делови од третиот кварт на Техеран и рече: „Вашето присуство во таа област ви го загрозува животот“.