Свет
(Видео) Финска затвори четири гранични премини кон Русија: Изби конфликт меѓу полицијата и барателите на азил
Финска затвори четири гранични премини со Русија во обид да го запре повеќедневниот прилив на баратели на азил за кој Хелсинки вели дека бил поттикнат од Москва. Финските граничари најавија во петокот дека од полноќ по локално време ќе подигнат бариери на граничните премини Ваалимаа, Нуијамаа, Иматра и Ниирала во југоисточна Финска, низ кои минува најголемиот дел од патувањата меѓу двете земји.
„Имавме поголеми бројки како во понеделникот 39 и во средата 75. Вчера беше прилично мирно, но денеска повторно повеќе од сто илегални имигранти дојдоа во југоисточниот округ на Финска“, изјави капетанот Јуси Ваиникка од финската гранична стража за Ројтерс во Нуијамаа.
Снимките од социјалните мрежи покажуваат како финската гранична полиција морала да употреби солзавец против поголема група мигранти кои се обиделе да преминат во Финска од Русија.
Финската влада ја обвини Русија дека ги насочува мигрантите кон премините како одмазда за нејзината одлука да ја зголеми одбранбената соработка со САД, што Кремљ го негираше. Финска дели 1.340 километри граница со Русија, која е и надворешна граница на ЕУ.
Околу 300 баратели на азил, главно од Ирак, Јемен, Сомалија и Сирија, пристигнале во Финска оваа недела, според граничната стража. Кремљ соопшти дека Финска прави „голема грешка“ со затворањето на граничните премини и дека потегот на Хелсинки ги уништува билатералните односи.
BREAKING:
Finnish border guards are forced to use tear gas as a large group of illegal migrants from Syria and Iraq are trying to force its way into Finland from Russia at the Niirila border crossing
Russia uses weaponized migration as a tool of hybrid warfare against 🇫🇮 & 🇪🇪 pic.twitter.com/mXfMOqzUpK
— Visegrád 24 (@visegrad24) November 17, 2023
Граничната агенција на Европската унија Фронтекс во петокот изјави за Ројтерс дека ќе испрати полицајци во Финска за да помогнат во заштитата на границата. Финската министерка за финансии Риика Пура од антиимиграциската Финска партија, во телевизиско интервју во четвртокот рече дека нејзината земја е подготвена да ги затвори сите премини на руската граница доколку е потребно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.