Свет
(Видео) Француски сенатор: Со Америка владее луд император и издрогиран дворски шут

Францускиот сенатор Клод Малхурет денеска одржа говор во францускиот Сенат, во кој остро ја критикуваше моменталната состојба на американската политика и нејзиното влијание врз глобалните настани, особено војната во Украина.
Малхурет го спореди Вашингтон со дворот на Нерон, го нарече Трамп „луд император“ и го опиша Илон Маск како „дворски шут на кетамин“.
„Бевме во војна со диктатор, сега сме во војна со диктатор поддржан од предавник“, рече Малхурет, додавајќи дека верува оти одлуките на Трамп практично ги усогласиле САД со Русија на Путин, што дополнително го комплицира конфликтот во Украина.
BREAKING: French Senator Claude Malhuret just called Trump an “emperor” and Musk a “jester high on ketamine”:
“Washington has become Nero’s court, with an incendiary emperor, submissive courtiers and a jester high on ketamine. We were at war with a dictator, we are now at war… pic.twitter.com/0x0pgrkQcK
— Brian Krassenstein (@krassenstein) March 5, 2025
Говорот на францускиот сенатор доаѓа кога Америка прави силна промена на политиката кон војната во Украина, откако Трамп вчера ја прекина воената помош за Киев, и по неодамнешната расправија меѓу американскиот претседател и Володимир Зеленски во Белата куќа.
Во својот говор Малхурет ја истакна важноста на европското единство и независност во време кога, според него, САД ги напуштаат своите сојузници. Тој повика на забрзана воена помош за Украина, употреба на замрзнати руски средства и брзо зајакнување на европските одбранбени капацитети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија лансираше 97 беспилотни летала во неколку региони низ Украина

Во текот на ноќта, Русија лансираше 97 беспилотни летала во неколку региони низ Украина, соопштија Воздухопловните сили на вооружените сили на Украина.
Воздухопловните сили објавија на Телеграм дека украинските сили собориле 66 руски беспилотни летала во текот на ноќта.
Во голем број украински региони е прогласена воздушна опасност поради лансирање руски беспилотни летала, вклучувајќи ги Полтавската и Харковската област, Одеса, Киев, Суми, Чернигов, Днепропетровск и Запорожје
Свет
Од денеска за верниците се отвора гробницата на папата Франциско во базиликата Санта Марија Маџоре во Рим

Од денеска гробницата на папата Франциско во базиликата Санта Марија Маџоре во Рим ќе биде отворена за верниците, соопшти Ватикан.
Папата, кој почина на 88-годишна возраст на 21 април од мозочен удар, беше погребан вчера во гробница одвоена помеѓу две капели во римската базилика, по церемонија на жалост одржана во Ватикан. Церемонијата на поставување на ковчегот траеше околу половина час.
На погребот во базиликата Санта Марија Маџоре присуствуваа само најблиските, а едноставниот, дрвен ковчег на папата беше пречекан со ѕвона.
На мисата во Ватикан, според официјалните податоци од Ватикан, присуствуваа околу 250.000 луѓе, како и 170 странски делегации. Меѓу нив имаше шефови на држави и влади, монарси, поранешни државници, политичари од Италија и други земји, интелектуалци, уметници. Подоцна, италијанскиот министер за внатрешни работи Матео Пјантедози изјави дека најмалку 400.000 луѓе присуствувале на погребот на папата Франциск, собрани на плоштадот „Свети Петар“ и по улиците на Рим.
Целиот настан го следеа околу 2.700 акредитирани новинари.
Свет
Има жртви откако возило влета во публиката на уличен фестивал во Ванкувер, Канада

Неколку лица загинаа, а поголем број се повредени кога возило влета во публиката на уличен фестивал во Ванкувер, Канада, соопшти полицијата, без да го прецизира точниот број на жртви.
Полицијата соопшти дека возачот е во притвор по инцидентот во саботата во близина на улицата Фрејзер и Источна 41-ва авенија, објави канадската мрежа Си-Би-Си.
Се наведува дека полицијата ќе објави повеќе информации како што ќе се одвива истрагата.