Свет
(Видео) Хамас му ги киднапираше сопругата и двете ќерки: „Ми се јави, рече дека во куќата има терористи“

Стотици шокирани Израелци вчера ја контактирале полицијата со надеж дека ќе ја откријат судбината на најблиските изгубени во пресрет на масовната палестинска инфилтрација од Појасот Газа, пишува Ројтерс. Покрај стотиците загинати, во Појасот Газа беа однесени и околу стотина луѓе.
Една мајка разговарала со Ројтерс откако дала примерок од ДНК и предала четка за чешлање од нејзиниот син, кој бил на фестивалот, на кој упаднаа вооружени лица на Хамас. Таа одби да го каже своето име.
„Последниот пат кога слушнавме со него, тој се јавуваше од автомобилот. Тој рече дека се обидува да побегне и дека пукале во него. Правам се што можам за да дознаам што се случило”, рекла таа.
Јони Ашер, кој се вратил во својот дом во централен Израел по безброј обиди да добие помош од властите, рече дека неговата сопруга била во посета на нејзината мајка во заедницата Нир Оз во близина на границата со нивните две мали ќерки кога Хамас го нападнал. „Таа ми кажа дека терористите биле во куќата“, вели тој.
Тој подоцна го пронашол нејзиниот мобилен телефон преку сметка на Гугл. Локацијата на мобилниот телефон беше Кан Јунис, град во Газа. Потоа видел снимка која стана вирална на социјалните мрежи од нивно одведување во Газа.
„Дефинитивно ги идентификував мојата сопруга, моите две ќерки и мајка и во некој вид автомобил, со терористите на Хамас насекаде околу нив“, рече тој.
„Моите две девојчиња, тие се само бебиња, немаат ни 5 и 3 години… Не знам ништо за нивното заробување. Не знам што се случи со нив“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.