Свет
(Видео) Хамас објави снимка од подготовките за бруталниот напад

Хамас објави видео на кое се прикажани неговите милитанти кои тренираат да ги уништат бариерите на границата меѓу Израел и Газа, што им овозможи да започнат масовен масакр на цивили. На видеото се гледа како членовите на инженерскиот корпус Касами поставуваат експлозиви на жичените огради и бариери, барајќи покритие и ги активираат.
Оградата што го дели Појасот Газа од Израел беше пробиена на неколку места во нападот во саботата, дозволувајќи им на борците да влезат и да го започнат походот. На видеото се гледаат и членови на Хамас во борбена опрема како носат мали метални рампи на грбот и ги одвиткуваат за да можат моторите да поминат преку срушените огради, пишува Скај Њуз.
Многу од милитантите користеле мотори за време на нападите, а едно нашироко споделено видео покажува како млада Израелка е принудена да седне на мотор и е киднапирана.
🇵🇸🇮🇱‼️🚨 BREAKING: Hamas breach training to overcome Israeli border with the Gaza Strip has been published.
-> They were able to train in the open without anybody noticing?
Surveillance satellites or drones? pic.twitter.com/KPehotNQWj
— Lord Bebo (@MyLordBebo) October 10, 2023
Хамас изгради и лажна израелска населба во Газа и вежбаше напади, потврди извор близок до групата за новинската агенција Ројтерс.
Се чини дека обуката била ужасно ефикасна, со стотици цивили убиени во нивните градови и села. Видеото за обука дава увид за тоа колку е вложено во планот за повеќестраниот напад што досега однесе повеќе од 1.200 израелски животи. Повеќе од 1.000 Палестинци, исто така, беа убиени во одмазднички напади.
Извор од Хамас изјави дека по пробивањето на оградата тактиката била да влегуваат булдожери за да се зголемат дупките, односно да се овозможи влез на поголеми возила. Тој додаде дека многумина кои учествувале на обуката не ни знаеле за што е тоа бидејќи Хамас бил решен дека Израелците нема да дознаат за нападот.
Многу команданти на Хамас исто така потврдија дека не знаеле дека нападот ќе се случи. Израелските власти признаа дека биле фатени без стража откако биле задушени во лажно чувство на сигурност, мислејќи дека Хамас не планирал некоја значајна офанзива.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.