Свет
(Видео) Хаос на новогодишната ноќ во Германија, полицајци нападнати со петарди и огномети, стотици се уапсени

На новогодишната ноќ низ Германија едно лице загина, а десетици се повредени, меѓу кои и полицајци. Според германските медиуми, уапсени се стотици лица.
.
Во Кобленц, млад човек (18) загинал кога експлодирала петарда. Лекарите се обиделе со реанимација, но немало помош, соопшти полицијата.
Најмалку 15 полицајци се повредени во напади со огномет низ Берлин, а околу 300 лица се уапсени, пишува германски Билд.
Во германската престолнина имаше немири во берлинскиот кварт Нојкелн, каде мнозинството од населението е по потекло од Блискиот Исток. Кулминацијата на насилството и судирите со полицијата се случи на Александерплац.
New Years Eve. Not a woman in sight in Alexanderplatz, Berlin. We all know why. pic.twitter.com/CAQgIG41kU
— Bo N. Herr 🇸🇪 🇺🇦 🇮🇱 🇮🇪 (@TorulfViking) January 1, 2024
Настана хаос кога стотици, главно млади луѓе, се нападнаа меѓусебно со петарди и новогодишни ракети, насочувајќи ги директно еден кон друг, а потоа кон полицијата.
Една од ракетите прелетала низ прозорецот на домот за стари лица во Нојкелн, при што биле повредени петмина станари на домот. Спасувачите ги изнесоа луѓето завиткани во термо ќебиња од зградата.
An der #Konstablerwache in #Frankfurt am Main rückt eine Hundertschaft gegen Randalierer an. Von allen Seiten werden Polizeikräfte herangeführt. #Silvester2023 pic.twitter.com/3WVyRjoNCY
— BILD (@BILD) January 1, 2024
Во Франкфурт на Мајна ситуацијата беше на работ на ескалација: стотици млади луѓе се собраа и постојано фрлаа петарди кон другите граѓани, но и кон полицијата. Набрзо пристигнале специјалци кои го растуриле хаотичниот собир. Уапсени се 20 напаѓачи.
До 3.000 бунтовници, исто така, се собраа во областа Лајпциг, Конневиц. Ја запалиле улицата и со камења ја нападнале полициската станица. Полицијата со водени топови ја растера толпата. Неколку лица се повредени од петарди на Аугустусплац.
Connewitzer Kreuz , Silvester 2024 … 2 Wasserwerfer und ein Räumpanzer, neben dutzenden Polizeiwagen und Polizisten im Einsatz. #Silvester #connewitz #Kreuz #Polizei #Wasserwerfer #Randale #barrieren pic.twitter.com/F7H4plXmGO
— StreamingCompany LE (@SAdkmedien) January 1, 2024
Според полицијата, меѓу жртвите има и три деца (6, 9, 12). Дете (12) е пренесено во болница со повреда на окото, а еден возрасен е во бессознание.
Во Солинген, полицијата опколи цела станбена област откако демонстрантите ги нападнаа органите на редот со пиротехнички средства и камења. Околу стотина луѓе дојдоа, а пожарникарите ги гасеа запалените барикади откако полицијата обезбеди некои делови од улицата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Дојава за бомба на имотот на Милорад Додик

Утрово, во Бања Лука е примена пријава за поставена бомба на имотот на Милорад Додик, поранешниот претседател на Република Српска.
Според Радио Сараево, полицијата веднаш излегла на местото на настанот и спроведува контрадиверзиска инспекција на имотот.
Претходно наутро, е примена и пријава за бомба во хотелот „Палас“ во Бања Лука. Министерството за внатрешни работи на РС извршило увид и утврдило дека станува збор за лажна пријава.
фото: принтскрин
Европа
(Видео) Украина со дронови уништи руски системи вредни милиони

Украинските сили уништија два моќни руски повеќекратни ракетни системи TOS-1A Solntsepyok во регионот Харков, а нападот е извршен од прецизни FPV дронови, извести 429-от посебен полк за дронови, Ахил, објави Киев пост.
Полкот, исто така, објави видео на Јутјуб во понеделникот на кое се прикажани напади со дронови од прво лице (FPV) врз лансери во секторот Купјанск.
Видеото прикажува два одделни напади – еден врз стационарен Солнтсепјок, а другиот врз подвижен систем од ист тип, веројатно додека руските сили се обидувале да избегаат.
Цената на системот, во зависност од конфигурацијата, се проценува помеѓу 6,5 и 15 милиони долари.
„Киев пост“ не беше во можност независно да ја потврди автентичноста на снимката.
Свет
(Видео) Расте бројот на жртви по тропската бура во Виетнам

Бројот на жртви од тропската бура Буалој во Виетнам се искачи на најмалку 19, а повеќе од десетина луѓе сè уште се водат како исчезнати, соопштија властите денес.
Повеќето од жртвите загинаа во поплави, лизгање на земјиштето или паѓање на остатоци, додека 92 лица се повредени, според штабот за управување со катастрофи.
A woman in Yen Bai cried as her house was swept away by floods brought by Typhoon Bualoi. Heavy rain has been lashing northern Vietnam, including Hanoi, leaving many areas of the city inaccessible. pic.twitter.com/auCqhKJbLj
— Nga Pham (@ngahpham) September 30, 2025
Бурата, исто така, предизвика голема материјална штета, уништувајќи или делумно оштетувајќи повеќе од 120.000 домови и искоренувајќи околу 50.000 дрвја, соопштија властите. Особено тешко погодена беше северната крајбрежна провинција Ха Тин.
Тајфунот Буалој, кој претходно ги погоди Филипините, во недела навечер стигна северно од градот Вин, носејќи ветрови со сила на ураган, пороен дожд и грмотевици. Историскиот град Хуе, познат по своите храмови и пагоди, исто така беше погоден.
❗️🌀🇻🇳 – Typhoon Bualoi struck Vietnam's coast on September 29, 2025, causing widespread destruction, killing 13 people, and injuring 46.
The storm, which weakened into a depression as it moved toward Laos, brought strong winds, heavy rains, and 8-meter waves, damaging over… pic.twitter.com/oWRvs0zHXd
— 🔥🗞The Informant (@theinformant_x) September 30, 2025
Повеќе од 40 летови се откажани во регионот во последните денови, а многу други се одложени. Тајфунот, исто така, предизвика голема штета во земјоделскиот сектор.
фото: принтскрин