Свет
(Видео) Хезболах: Ова не е доволно
Либанската група Хезболах повторно отвори оган врз израелските војници, а објави и видео на кое се гледа уништувањето на израелските позиции.
Хезболах постојано со ракети и гранати цели врз позициите на израелската граница.
Ново видео објавено од либанска политичка партија и милитантна група го прикажува уништувањето на позициите на израелската армија. Може да се забележат и борци на Хезболах како учествуваат во жестока размена на оган.
A day before its leader Sayyed Hassan Nasrallah’s speech, Hezbollah released this video
(with subtitles) pic.twitter.com/0zfueLxyxQ
— Iran Observer (@IranObserver0) November 10, 2023
На крајот од видеото се прикажува како се отвора капакот на ракетниот фрлач со порака: „Ова не е доволно“.
Израелската армија соопшти дека четворица нејзини војници биле тешко ранети во нападите. Хезболах вели дека на северот на Израел е одговорот на нападот врз Газа.
На 3 ноември, генералниот секретар на Хезболах и лидер Хасан Насралах им се обрати на поддржувачите во Либан, велејќи дека неговата група ќе го зголеми воениот притисок врз Израел.
Тензиите се разгореа долж границата меѓу Израел и Либан во услови на повремена размена на оган меѓу израелските сили и Хезболах, во најсмртоносните судири откако двете страни влегоа во војна во 2006 година.
Насралах најави ново обраќање кон јавноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Захарова: Роднините на нацистите се враќаат на власт, Русија и Србија ги продолжуваат делата на своите предци
Роднините на нацистичките криминалци и соработници доаѓаат на власт во земји како Канада или Германија без да се чувствуваат виновни, со разбирање дека им е моментот да ги рехабилитираат своите предци, додека Србите и Русите, како и многу други народи, ги продолжуваат делата на нашите предци, изјави портпаролката на Министерството за надворешни работи на Русија Марија Захарова.
Захарова за РТ Балкан истакна дека нејзините предци се бореле на страната на победникот.
„Двајцата мои дедовци се бореа во Црвената армија. Се бореа против нацизмот и фашизмот. И двете мои баби работеа во фабрики за време на Големата патриотска војна, покрај нормалниот цивилен живот, работеа и во име на победата. Сеќавањето на тие времиња во мене се живи не само поради учебниците, туку, пред се, поради историјата на моето семејство“, рече Захарова, која присуствуваше на приемот по повод 80-годишнината од ослободувањето на Белград во Втората светска војна во Амбасадата на Република Србија во Москва.
Регион
Јотова: Лично ги видов документите на Божиновска во кои таа изјавува дека има бугарска самосвест
Потпретседателката на Бугарија Илијана Јотова тврди дека лично ги видела документите на министерката за енергетика, рударство и минерални суровини, Сања Божиновска во кои таа изјавува дека има бугарска самосвест и потекло, јавува БТА.
Илијана Јотова во обраќање од Ќустендил ги повика и своите македонски колеги со поголемо разбирање да ги читаат европските вредности.
Таа кажа дека почитувањето на човековите права е клучно во преговорите за членство во ЕУ, особено во првото поглавје.
Јотова рече дека ако една земја членка смета дека од страна на земјата кандидат не се почитуваат човековите права и правата на малцинствата, процесот кон ЕУ не може да продолжи.
Свет
Сијарто: Односите меѓу Унгарија и Луксембург се карактеризираат со меѓусебно почитување
Министерот за надворешни работи и трговија на Унгарија, Петер Сијарто, денеска изјави дека односите меѓу таа земја и Луксембург од неодамна повторно се карактеризираат со меѓусебно почитување.
„Обеменот на билатералната трговија се зголеми четирипати во изминатата деценија. Подобрувањето на конкурентноста на ЕУ е заедничка цел, затоа ги поддржуваме мерките неопходни за функционирање на светскиот трговски систем заснован на правила, без вештачки бариери“, соопшти Сијарто.
Сијарто го пречека својот луксембуршки колега Ксавиер Бетел во Будимпешта првпат во неговиот децениски мандат.