Свет
(Видео) Човек на Трамп одби да каже дека Русија ја нападна Украина: „Не сум информиран за тоа“

Стивен Фајнберг, милијардерот и финансиски експерт, номиниран од претседателот Трамп за заменик цивилен шеф на Пентагон, вчера на сослушување во Сенатот одби да каже дали верува дека Русија ја нападнала Украина, предизвикувајќи критики од демократите. Но, како што пренесува Inside Defense, Фајнберг доставил писмена изјава до пратениците во која ги опишува акциите на Русија во февруари 2022 година како „уште една инвазија“.
По изјавата на претседателот Трамп, кој непрецизно го прикажува Киев како агресор во екот на преговорите со Русија, Фајнберг беше притиснат од демократите на сослушувањето пред Комитетот за вооружени сили на Сенатот. Американскиот секретар за одбрана Пит Хегсет и советникот за национална безбедност Мајк Волц неодамна одбија да ги опишат акциите на Русија како инвазија.
Did Russia invade Ukraine?
It’s a pretty simple question I had for the Deputy Secretary of Defense nominee. It’s an obvious “yes” to everyone except this administration. pic.twitter.com/x3OCELosbj
— Senator Mark Kelly (@SenMarkKelly) February 25, 2025
Сенаторот Марк Кели му рече на Фајнберг дека прашањето „е едноставно“.
„Русија всушност го нападна нашиот сојузник Украина“, рече Кели. „Тие преместуваа тенкови, војници и оклопни возила преку украинската граница. Прилично едноставно е прашањето“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Тајната служба уништила мрежа на електронски уреди во Њујорк

=Американската тајна служба соопшти дека е уништена мрежа на софистицирани електронски уреди во Њујорк, кои биле користени за закани кон високи владини претставници. Акцијата се одвивала во период кога странски лидери престојуваат во градот поради заседанието на Генералното собрание на ОН.
Уредите биле пронајдени во круг од 56 километри од седиштето на ОН, каде американскиот претседател Доналд Трамп треба да одржи говор. Според првичните анализи, станувало збор за мобилни комуникации меѓу „непријателски актери“ и лица познати на федералните органи за спроведување на законот.
Во операцијата биле запленети повеќе од 300 SIM сервери и 100.000 SIM картички на неколку локации. Тајната служба оцени дека оваа инфраструктура претставувала „непосредна закана“ за безбедносните задачи на агенцијата.
Според соопштението, хардверот можел да се користи за различни телекомуникациски напади – од оневозможување на мобилни базни станици и DoS кибер-напади, до овозможување анонимна и криптирана комуникација меѓу потенцијални непријателски актери и криминални структури.
Мрежата се простирала низ три држави – Њујорк, Конектикат и Њу Џерси.
Свет
(Видео) Макрон му се јави на Трамп: Чекам на улица, сè е блокирано поради тебе

Францускиот претседател Емануел Макрон накратко заглави во сообраќај во Њујорк откако полицијата ги затвори улиците заради безбедносниот кордон на американскиот претседател Доналд Трамп.
Макрон, кој престојува во Њујорк за 80. заседание на Генералното собрание на ОН, бил на пат кон француската амбасада кога возилото во кое се возел било запрено. Според „La Depeche“, францускиот лидер дури пришол до полицаец за да праша за блокадите.
New York police stopped Macron’s motorcade to let Trump pass
In New York, police stopped the French president’s motorcade as the road was closed for Trump’s passage. Macron got out of the car, called Trump, and jokingly asked him to “clear the way.” pic.twitter.com/qO170xUpy5
— Visegrád 24 (@visegrad24) September 23, 2025
На видеото се гледа како Макрон во шега му се јавува на Трамп и му вели: „Како си? Погоди што? Чекам на улица бидејќи сè е затворено поради тебе.“
Потоа, Макрон продолжил пеш околу 30 минути низ улиците на Њујорк додека разговарал со Трамп. Во меѓувреме, се фотографирал со минувачи, а една личност дури го бакнала во челото.
Свет
НАТО: Руските МиГ-ови во естонскиот воздушен простор не беа непосредна закана

Генералниот секретар на НАТО, Марк Руте, изјави дека руските борбени авиони МиГ-31, кои неодамна влетаа во естонскиот воздушен простор, не биле проценети како непосредна закана.
Руте одржа прес-конференција по состанокот на Северноатлантскиот совет, свикан на барање на Естонија која се повика на член 4 од Вашингтонскиот договор. Таа побара консултации откако три руски авиони без одобрување го нарушија нејзиниот воздушен простор.
„Одлуките за можен ангажман, вклучително и отворање оган, се носат врз основа на достапни разузнавачки податоци и процена на ризикот,“ изјави Руте. Тој додаде дека авиони на НАТО веднаш ги пресретнале руските МиГ-ови и ги „отпратиле без ескалација“.
Во заедничка изјава, НАТО потврди дека сојузниците ќе ги користат сите потребни воени и невоени средства за одбрана и одвраќање на закани, додавајќи дека преданоста кон членот 5 останува непоколеблива.
Руте, одговарајќи на прашања на новинарите, рече дека е прерано да се каже дали Русија е поврзана со неодамнешната појава на дронови во Копенхаген, поради што кратко време беше затворена аеродромската зона.