Свет
(Видео) Човек од Хаваите снима додека вулканска лава тече низ неговиот двор

Илјадници луѓе беа евакуирани од Хаваите по вулканската ерупција на островот Килауеа. Бројот на уништени куќи се зголемува од ден на ден, а по сè изгледа, ерупцијата нема да запре бргу.
Како што пренесува британски „Индепендент“, од Хавајската опсерваторија за вулкани соопштиле дека ерупцијата може да трае со недели, па дури и со месеци. Според нивните информации, тоа е резултат на земјотресот што се случил во петокот, кој беше најсилниот што го погодил островот од 1975 година.
Како резултат на земјотресот, се појавија нови пукнатини од кои излегува лава, а Џенет Баб од Опсерваторијата изајви дека веќе може да се забележат сличности со ерупцијата од 1955 година. Споменатата ерупција траела 88 дена, што во тоа време претставувало мал проблем бидејќи многу малку луѓе живееле во близина на вулканот.
Source: Footage Hawaii Magma Destruction by 712SHOW
Меѓутоа, иако ситуацијата на островот е прилично алармантна, на социјалните мрежи постојано се појавуваат снимки и фотографии од луѓе што ја снимаат лавата директно од улица или од своите домови.
Source: USGS Reports New Fissures in Eruption-Hit Hawaii Subdivision by StoryfulWeather
На едно такво видео еден човек од покривот на својата куќа го снимил она што најлесно може да се опише како река од лава што тече низ островот, а минува и низ неговиот двор. Денес, објавено е слично видео на кое се гледа како луѓе стојат недалеку од лавата и ја снимаат ерупцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.
Регион
Големи пожари беснеат на најмалку пет различни локација во Грција

Во источниот дел на областа Атика, поширокиот регоион на Атина, во северна Грција, на островите Евија и Китира, како и во јужниот дел на Пелопонез, попладнево се активни големи пожари, а од бројот 112 за итни случаи беа испратени низа пораки до жителите на зафатените области.
Во пожарот во централна Евија, изгореа две противпожарни возило, а четворица пожарникари со полесни повреди на рацете и очите и со респираторни проблеми биле префрлени во болница.
Во сите пожари, беа превентивно евакуирани жителите на населените места во непосредна близина на огнената стихија, откако од бројот 112 за итни случаи беа испратени соодветни пораки.
За Атика, Евија и за дел од Пелопонез за денеска имаше предупредување за екстремно голема опасност од пожари, категорија пет, што воедно е и највисоката категорија во прогнозите за опасност од пожари на Министерството за цивилна заштита и климатски кризи на Грција.