Полицијата во Лаос го уапси сопственикот на фабриката за која се верува дека е изворот на метанолот, кој отру и уби шест туристи, меѓу кои и две тинејџерки од Австралија и еден британски адвокат.

Фабриката се наоѓа недалеку од главниот град и беше позната по производството на локални брендови, вотка Tiger и  виски Tiger. По случката со труењето, властите ја затворија фабриката и ја забранија продажбата на овие производи во целата земја.

Тинејџерите Бјанка Џонс и Холи Боулс, и двете 19-годишни, се меѓу шесте туристи на кои им се слошило додека биле на одмор во Ванг Виенг, популарна туристичка дестинација северно од Виентијан.

Девојките престојувале во хостелот „Нана бакерс“, каде што полицијата уапсила осум члена на персоналот. По труењето на 13 ноември, и двете биле итно пренесени во две болници на Тајланд. Бјанка почина во болницата „Удон Тани“, а Холи неколку часа подоцна во болница во Бангкок.

Заедно со нив починаа и британската адвокатка Симон Вајт (28), две девојки од Данска, Ен-Софи Оркилд Којман (20) и Фрела Венервалд Соренсен (21), и Американецот Џејмс Луис Хатсон (57). Сите пиеле контаминирани алкохолни пијалаци, имено вотка, за која се верува дека содржела смртоносна количина метанол.

Министерството за здравство на Лаос објави дека забраната за продажба на вотката Tiger и вискито Tiger останува во сила додека производителот не ги подобри стандардите за безбедност на производството. „Еј-би-си њуз“ објави фотографии од фабриката.

2) A document from Laos Ministry of Health’s Department of Food & Drugs orders prohibition of selling or consuming Tiger Vodka & Tiger Whisky & closure of factory outside the Capital Vientiane that makes them! Owner & 3 foreign nationals working at hostel arrested, not charged! pic.twitter.com/oDAdiQblti

— Diana Speaks (@Diana6197Davis) December 2, 2024

Во врска со случајот досега се уапсени вкупно 12 лица, меѓу кои двајца Индијци и една Филипинка, кои работеле во хостелот во кој престојувале девојките. Против осомничените сѐ уште не е поведено обвинение.