Свет
(Видео) Шефот на „Рајнер“ доби торта в лице од климатски активистки
На шефот на најголемата нискобуџетна авиокомпанија „Рајанер“, Мајкл О’Лири, две климатски активистки му забија торта во лицето.
Шефот на авиокомпанијата се насмеа на тоа и рече: „Честитки“.
На видеото се гледа како првата жена му приоѓа на О’Лири и му вели „добредојдовте во Белгија“ пред да му ја втурне тортата во лице. Потоа почна да вика: „Стоп за загадувањето со е*аните авиони“. Во исто време, друга жена му турна уште едно парче торта во лицето. Демонстрантите потоа се оддалечија.
Ryanair CEO Michael O’Leary was hit with a pie by environmental activists during a press conference in Brussels.
The activists can be heard shouting “stop the pollution” before throwing the cake at O’Learyhttps://t.co/AYlfWbXGlu pic.twitter.com/s5s4DnU2O6
— Sky News (@SkyNews) September 7, 2023
Ова се случи во моментот кога шефот на „Рајанер“ се подготвуваше да одржи прес-конференција и да и предаде петиција на претседателката на Европската комисија, Урсула фон дер Лајен.
О’Лири рече дека повеќе од 1,5 милиони луѓе ја потпишале неговата петиција со која се повикуваат летовите над Европа да бидат подобро заштитени од штрајкови на контролата на воздушниот сообраќај. Петицијата дојде откако штрајкот на француските контролори на летање во јуни ја принуди авиокомпанијата да откаже околу 900 летови.
За време на неговото обраќање пред новинарите, тој се пошегува за инцидентот: „Сакам кремасти торти, тие ми се омилени“. Подоцна, тој лижеше дел од тортата што му остана на лицето и рече: „Убава торта“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.