Свет
(Видео) Што е сеење облаци и дали тоа ја предизвика поплавата во Дубаи
Дубаи е погоден од рекордни поплави во последните 24 часа. Колку беа невообичаени овие врнежи и кои се причините за екстремните дождови?
Дубаи се наоѓа на брегот на Обединетите Арапски Емирати (ОАЕ) и обично е многу сув.
Но, иако во просек паѓаат помалку од 100 милиметри дожд годишно, повремено доживува екстремни дождови.
Во градот Ал Аин, на нешто повеќе од 100 километри од Дубаи, за само 24 часа се забележани 256 милиметри дожд.
„Овој дел од светот се карактеризира со долги периоди без дожд проследени со неправилни, обилни врнежи од дожд, но дури и имајќи го тоа предвид, ова беше многу редок дождовен настан“, објаснува професорот Мартен Амбаум, метеоролог од Универзитетот во Рединг, кој проучува дождови во заливските области, пишува Би-би-си.
Dubai airport. Airplane takes off on a flooded runway. pic.twitter.com/BRit91ui1h
— Stoic Q🇺🇸 (@DUC916KEN) April 17, 2024
Каква улога одиграа климатските промени?
Сè уште не е можно да се одреди колкава улога одиграле климатските промени.
За тоа би била потребна целосна научна анализа на природните и човечките фактори, што би можело да потрае и до неколку месеци.
Но, рекордните врнежи се во согласност со начинот на кој климата се менува.
Едноставно кажано: потоплиот воздух може да задржи повеќе влага – околу седум проценти повеќе за секој Целзиусов степен – што може да го зголеми интензитетот на дождот.
„Интензитетот на дождот беше рекорден, но ова е во согласност со климата што се загрева, со повеќе достапна влага, која предизвикува бури и создавање обилни дождови и последователни поплави, кои постепено се посериозни“, објаснува Ричард Алан, професор по климатски науки.
Една неодамнешна студија покажа дека до крајот на векот годишните врнежи би можеле да се зголемат до 30 отсто во поголемиот дел од Обединетите Арапски Емирати бидејќи светот продолжува да се загрева.
„Ако луѓето продолжат да согоруваат нафта, гас и јаглен, климата ќе продолжи да се загрева, врнежите ќе продолжат да бидат пообилни и луѓето ќе продолжат да ги губат животите во поплави“, рече д-р Фридерике Ото, предавач по климатски науки во Лондон.
Dubai is flooded. Why? pic.twitter.com/e2eV6iv8Yx
— Minhajul islam (@Minhajulis46938) April 17, 2024
Што е сеење облаци и дали тоа одигра улога?
Сеењето облаци вклучува манипулирање со постојните облаци за да се произведе повеќе дожд.
Ова може да се направи со помош на авион, од кој мали честички (како сребрен јодид) се фрлаат во облаците.
Водената пареа потоа може полесно да се кондензира и да се претвори во дожд.
Оваа техника постои со децении, а Обединетите Арапски Емирати ја користеа во последните години за да го решат проблемот со недостигот на вода.
Во првите часови по поплавите, некои корисници на социјалните мрежи погрешно ги припишуваат екстремните временски услови исклучиво на неодамнешните операции за сеење облаци во земјата, пишува Би-би-си.
Претходните извештаи од „Блумберг“ сугерираа дека авионите за сеење облаци биле користени во неделата и понеделникот, но не и во вторникот кога се случија поплавите.
Иако Би-би-си не можеше самостојно да потврди кога е извршено сеењето облаците, експертите велат дека тоа во најдобар случај би имало многу мало влијание врз бурата.
„Дури и ако сеењето облаци ги поттикне облаците околу Дубаи да испуштаат вода, атмосферата, најверојатно, веќе ќе треба да содржи повеќе вода за да почне формирањето на облаците поради климатските промени“, вели д-р Ото.
Сеењето облаци обично се користи кога условите за ветер, влага и прашина се недоволни за да произведат дожд.
Минатата недела метеоролозите предупредија на висок ризик од поплави во Заливот.
„Кога се предвидуваат такви интензивни и масивни системи, сеењето облаци – што е скап процес – не се прави затоа што нема потреба“, вели професорката Дијана Френсис, раководител на еколошки и геофизички науки на Универзитетот во Абу Даби.
Метеорологот на „Би-би-сио ведр“, Мет Тејлор, исто така истакна дека екстремните временски услови веќе биле однапред предвидени.
„Пред овој настан компјутерските модели (кои не ги земаат предвид потенцијалните ефекти од сеењето облаци) веќе предвидуваа дека за речиси 24 часа ќе паднат многу над просечните годишни врнежи“, рече тој.
„Ефектите беа исто така многу пошироки отколку што би очекувало од облачното сеење облаци – тешки поплави погодија големи области, од Бахреин до Оман“.
Мисиите за сеење облаци во Емиратите ги води Националниот центар за метеорологија – владина работна група.
⛈️🇦🇪 A rescue team in Dubai saved a cat clinging to a car handle after heavy rain 🤍. pic.twitter.com/E4DWxkuIjU
— Total Randomness (@Totalrandome) April 17, 2024
Колку се подготвени Обединетите Арапски Емирати за екстремни врнежи?
Спречувањето на обилните дождови да се претворат во смртоносни поплави бара обемна одбрана за справување со интензивните врнежи.
Дубаи, се разбира, е крајно урбанизиран.
Има многу малку зелени површини за апсорбирање на влагата, а системите не можеа да се справат со толку високо ниво на врнежи.
„Мора да има стратегии и мерки за адаптација за да се приспособат на оваа нова реалност на почести и поинтензивни врнежи“, објаснува професорот Френсис.
„На пример, патната инфраструктура и објектите мора да се приспособат, да се градат акумулации за складирање на водата од пролетните дождови и да се користат подоцна во текот на годината.
Во јануар, Управата за патишта и транспорт на Обединетите Арапски Емирати формира нова единица за да помогне во борбата против поплавите во Дубаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Бројот на загинати во терористичкиот напад на плажата Бонди се искачи на 16
Бројот на загинати во пукањето на плажата Бонди во Сиднеј се искачи на 16, вклучувајќи и едно дете, изјави министерот за здравство на Нов Јужен Велс, Рајан Парк.
Бројот на повредени и хоспитализирани исто така се зголеми, од 29 на 40.
Нападот се случил околу 18:47 часот по локално време, кога најмалку две вооружени лица отвориле оган кон околу 1.000 луѓе собрани во паркот Арчер, каде што еврејската заедница организирала јавна прослава. Еден од осомничените бил убиен на местото на настанот, додека вториот е повреден и приведен. Не е исклучена можноста за вмешаност на трет осомничен, но истрагата е во тек.
Австралискиот премиер Ентони Албанезе го осуди нападот, нарекувајќи го „чин на зло, антисемитизам и тероризам“.
„Ова беше целен напад врз еврејската заедница на ден што требаше да биде ден на радост и прослава. Ова е удар во срцето на нашата нација“, изјави Албанезе, кој свика итна седница на Комитетот за национална безбедност.
Нападот предизвика осуди и изрази на сочувство од бројни светски лидери.
Свет
(Фото) Илјадници на улиците на Будимпешта – бараат оставка од Орбан по скандалот со злоупотреба на деца
Илјадници граѓани излегоа на улиците на унгарската престолнина во саботата, барајќи оставка од премиерот Виктор Орбан поради скандалот со злоупотреба на деца во воспитно-поправен дом за малолетници во Будимпешта.
Протестот беше предводен од лидерот на опозицијата Петер Маѓар, кој со демонстрантите маршираше до канцеларијата на премиерот. Граѓаните носеа транспаренти со пораки „Заштитете ги децата“ и плишани играчки, во знак на солидарност со жртвите на насилството.
Повод за протестите е видеото објавено претходно оваа недела, кое наводно го прикажува службеникот, кој до неодамна беше вршител на должноста директор на малолетнички поправен дом во Будимпешта, како се впушта во серија насилни дела, вклучително и клоцање дете кое лежи на земја и удирање на главата на друго дете од маса.
Осомничениот поднесе оставка и е приведен, а полицијата изврши рација и приведе уште неколку лица. Истрагата е во тек.
Орбан изјави дека насилството е неприфатливо, нагласувајќи дека и малолетните деликвенти не смеат да бидат третирани на таков начин, но додаде дека станува збор за специјална институција во која се сместени лица осудени за тешки кривични дела. Овие изјави предизвикаа дополнителни критики во јавноста и обвинувања за релативизирање на случајот.
Опозицискиот лидер Маѓар ја обвини владата за неуспех да ги заштити децата во системот за социјална заштита и побара политичка одговорност. Неговата партија Тиса, според анкетите, води пред парламентарните избори закажани за април.
Скандалот дополнително го зголемува притисокот врз Орбан, само неколку месеци пред изборите, а аналитичарите оценуваат дека темата за заштита на децата и институционалната одговорност ќе биде клучна во претстојната кампања.
Свет
Сè што досега е познато за терористичкиот напад на плажата Бонди во Сиднеј
Најмалку 12 лица загинаа, а 29 беа повредени во терористички напад што се случи за време на прославата на првата ноќ на Ханука на познатата плажа Бонди во Сиднеј.
Нападот се случил околу 18:47 часот по локално време, кога најмалку две вооружени лица отвориле оган кон околу 1.000 луѓе собрани во паркот Арчер, каде што еврејската заедница организирала јавна прослава. Меѓу загинатите има 12-годишно девојче и рабин, пренесуваат медиумите.
Полицијата соопшти дека еден од осомничените бил убиен на местото на настанот, додека вториот е повреден и приведен. Не е исклучена можноста за вмешаност на трет осомничен, но истрагата е во тек.
Полицијата на сојузната држава Нов Јужен Велс воведе безбедносен кордон околу делови од плажата Бонди. Во близина на местото на нападот беше пронајдено возило со импровизирани експлозивни направи, кои подоцна беа безбедно отстранети од специјалните служби.
Австралискиот премиер Ентони Албанезе го осуди нападот, нарекувајќи го „чин на зло, антисемитизам и тероризам“.
„Ова беше целен напад врз еврејската заедница на ден што требаше да биде ден на радост и прослава. Ова е удар во срцето на нашата нација“, изјави Албанезе, кој свика итна седница на Комитетот за национална безбедност.
Премиерот на Нов Јужен Велс, Крис Минс, ја пофали храброста на граѓанин кој се соочил со еден од напаѓачите и му го одзел оружјето.
„Тој човек е вистински херој и без сомнение спаси многу животи“, рече Минс.
Нападот предизвика осуди и изрази на сочувство од бројни светски лидери. Израелскиот претседател Исак Херцог го нарече нападот „подол терористички чин“, додека британскиот премиер Кир Стармер и лидерите на повеќе европски земји изразија солидарност со Австралија и семејствата на жртвите.
Неправилности и проблеми со „Безбеден град“ ќе се пријавуваат преку специјален пункт или на интернет
Министерот за внатрешни работи, Панче Тошковски, е задоволен од резултатите од тест-периодот на проектот „Безбеден град“. Тошковски вели дека граѓаните...
Мицкоски: Буџетот е ликвиден, трезорот нема да се затвори на 15 декември
Премиерот Мицкоски изјави дека Буџетот е ликвиден и сите обврски се извршуваат тековно. Како што појасни Мицкоски, 15 декември не...
(Видео) ВМРО-ДПМНЕ предлага Резолуција за осуда на дезинформациите за мигранти
ВМРО-ДПМНЕ денеска претстави „Резолуција за осуда на манипулациите на опозицијата и за потврда на политиките против нелегалната миграција“. „Во изминатите...
(Видео) Димитријевиќ: Власта носи мигранти за пари
„Во буџетот нема пари. За првпат во историјата, утре – 15 декември – се затвора Трезорот. Државата доцни со сите...
Oбвинителство: За насилство во училиште во Сарај, побарана судска постапка спрема пет деца
Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка за...
АХВ: Спречен увоз на над 26 тони замрзнато пилешко месо од Бразил
Инспекциските служби на Агенцијата за храна и ветеринарство (АХВ) спречија увоз на над 26 тони замрзнато пилешко месо од Бразил...
(Видео) Пукање на универзитет во САД – има загинати и повредени, напаѓачот е во бегство
Најмалку две лица се убиени, а девет се повредени во вооружен напад што се случи во саботата попладне на кампусот...
(Видео) Нела Манческа ѝ донесе седмо место на Македонија на „Јуниор Евросонг“
Нела Манческа со песната „Miracle“, со која ја претставуваше Македонија на „Јуниор Евросонг“, го заврши натпреварот на високото седмо место,...
Ахмети од протестот на плоштадот „Скендербег“: Процесот во Хаг треба да заврши со ослободителна пресуда
Лидерот на ДУИ, Али Ахмети, денеска се обрати на протестот што се одржа на плоштадот „Скендербег“ во Скопје, организиран во...
Рената Дескоска избрана за потпретседателка на Венецијанската комисија
Професорката по уставно право и поранешна министерка за правда, Рената Дескоска, е избрана за потпретседателка на Венецијанската комисија. Како што...
(Видео) Жената во Гостиварско била застрелана пред да биде закопана во дупка, покажа обдукцијата
Завршена е обдукцијата на 53-годишната жена која беше пронајдена почината во атарот на гостиварското село Неготино. Според првичниот наод, таа...
Македонија воздржана за резолуцијата на ОН за обврските на Израел
Македонија гласаше воздржано на седницата на Генералното собрание на Обединетите нации за резолуцијата што се однесува на обврските на Израел...
ВМРО-ДПМНЕ: Филипче се претставува како противник на мигрантите, а во 2018 туркал камп во Бардовци
ВМРО-ДПМНЕ денеска го обвини претседателот на СДСМ, Венко Филипче, дека јавно настапува како противник на мигрантите, додека за време на...
СДСМ: За мигрантите мора да одлучува Собранието, а не општините
Собранието, а не општините, мора да одлучува за прашањето со мигрантите, соопшти денеска СДСМ, оценувајќи дека премиерот Христијан Мицкоски со...
Трамп, Бил Клинтон, Бил Гејтс се појавија на новите фотографии со Епштајн, претседателот се оградува: „Не знам ништо за тоа“
Претседателот на САД, Доналд Трамп, рече дека не знае ништо за најновите фотографии поврзани со Џефри Епштајн, одговарајќи на новинарско...
ЕУ ја потврди одлуката за замрзнување на руските средства на неопределено време
Денес, Европската унија ја потврди одлуката за замрзнување на средствата на руските централни банки лоцирани во Европа на неопределено време....
Ѓорѓиевски: Скопје конечно добива Луна Парк
Градоначалникот на Град Скопје, Орце Ѓорѓиевски, денес ја најави долгоочекуваната реализација на проектот за новиот Луна Парк, значајна инвестиција што...
Советниците на ВМРО-ДПМНЕ со иницијатива до советите за документ дека ќе нема мигрантски кампови
Претседателот на ВМРО-ДПМНЕ, Христијан Мицкоски, одговори на новинарско прашање во однос на се позачестените иницијативи по советите во општините во...
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие. Според информациите од...
Мал авион се урна во Мавровското Езеро, едно лице повредено
Мал авион денес се урна во Мавровското Езеро. Во авионот имало две лица, од кои едното е повредено, потврдија од...
