Свет
(Видео) Њујорк под вода, патници во подземната железница останаа заробени

Силен дожд предизвика хаос во сообраќајот во Њујорк и околината, оставајќи патници од подземната железница заробени во вагоните додека водата навираше на пероните.
На снимка од станицата 28th Street се гледа како патници со неверување гледаат додека надојдена вода навлегува во станицата, се слева по скалите и се шири по платформата.
🚨 IMAGINE BEING TRAPPED ON A SUBWAY… THEN WATCHING THE STATION START TO FLOOD
28th Street, NYC, water pouring in from every angle, turning the platform into a swamp.
This isn’t a leak. It’s a full-on flood.
How long until the system collapses completely? pic.twitter.com/N0BlO3rSWE
— HustleBitch (@HustleBitch_) July 15, 2025
Во други возови, патниците морале да се искачуваат на седиштата за да ја избегнат водата што навлегувала во вагоните.
Torrential downpour in the New York area is now resulting in extensive flooding in the NYC Subway system. Wild video. pic.twitter.com/vTNTcKAEpo
— Charlie Kirk (@charliekirk11) July 15, 2025
Во соседниот Њу Џерси, гувернерот Фил Марфи прогласи вонредна состојба откако поројните поплави потопија автомобили и затворија бројни патишта.
Локалните власти предупредија на опасност од продолжени врнежи и нови поплавни бранови, додека службите за итни интервенции дејствуваа низ погодените подрачја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Синот на Нетанјаху го навреди катарскиот емир и неговата мајка: Модерен Хитлер и Гебелс

Јаир Нетанјаху, синот на израелскиот премиер Бенјамин Нетанјаху, го нарече емирот на Катар, Тамим бин Хамад Ал Тани, и неговата мајка Моза бинт Насер – „модерен Хитлер и Гебелс“.
Според објавата на платформата Икс (поранешен Твитер), тој напиша:
„Катар е главната сила зад брановите на антисемитизам каков што не сме виделе од 1930-тите и 1940-тите. Катар е модерна нацистичка Германија. Секој Евреин во светот е во сериозна опасност поради децении катарско оцрнување на Евреите и еврејската држава, поддржано со милијарди долари што тие ги вложуваат.“
Оваа изјава доаѓа во момент кога повторно има застој во преговорите за заложниците, каде посредува Катар.
Американскиот сенатор Марко Рубио неодамна ги отфрли критиките кон Катар, нагласувајќи дека Доха одиграла корисна улога во тие преговори.
Критичарите укажуваат на блиските врски на Катар со Хамас и неговото финансирање на појасот Газа, што, според нив, индиректно ѝ овозможило на организацијата да го зајакне својот арсенал за напади врз Израел.
Катар возвраќа дека и Израел и САД лобирале кај нив да исплаќаат средства за да се избегне хуманитарна криза во Газа.
Во меѓувреме, неколку помошници на израелскиот премиер се под истрага за наводни активности поврзани со заливската држава.
Свет
Зеленски ги посети војниците на бојното поле: „Тие се борат против платеници од Азија и Африка“

Претседателот на Украина, Володимир Зеленски изјави дека руските сили што се борат во близина на градот Вовчанск во Харковската област вклучуваат странски платеници од Кина, Таџикистан, Узбекистан, Пакистан и неколку африкански земји.
За време на посетата на 57. Одделна моторизирана пешадиска бригада, која го брани секторот Вовчанск, Зеленски се сретна со командантите за да разговара за ситуацијата на бојното поле, борбените операции и потребата од пешадија.
Во Вовчанск, кој е на само пет километри од руската граница, се водат интензивни борби откако Русија почна нова копнена офанзива во регионот Харков во мај 2024 година.
„Војниците на овој фронт го забележуваат учеството на платеници од Кина, Таџикистан, Узбекистан, Пакистан и африканските земји во војната. Ние ќе одговориме“, рече Зеленски.
Тој додаде дека разговарал за регрутирање и зголемување на пристапот до технологијата на беспилотни летала, клучен фактор во тековните напори на Украина за одбрана и извидување.
Во април, Зеленски рече дека „неколку стотици“ кинески граѓани учествуваат во војната на страната на Русија. Кина негираше вмешаност, велејќи дека ги повикува своите граѓани да избегнуваат вооружен конфликт. Москва, исто така, употреби околу 12.000 севернокорејски војници распоредени од Пјонгјанг за да се спротивстави на украинската инвазија на регионот Курск.
Регион
(Видео) Невреме во Црна Гора: Сè беше забелено

Невремето што денес ја погоди околината на Колашин во Црна Гора донесе неочекувани сцени за првиот дел од август, сè е покриено како со бела покривка, пишуваат медиумите во регионот.
Сепак, според написите, не станува збор за снег, туку за град што падна низ целата област.
Според проценките, на некои места слојот на град достигнува и до 15 сантиметри.
Овој августовски пејзаж е вистинска реткост во овој дел и не се памети во поновата историја, пренесуваат медиумите.
Дел од скијачките патеки исто така беше покриен со град, а невремето предизвика значителни штети на планинските патишта, што претставува дополнителен предизвик за локалните жители и туристите.
Фото: принтскрин