Свет
Вкупно 339.000 луѓе заразени, 14.700 починати и 99.014 излекувани од коронавирус во светот
Во 192 земји и територии низ целиот свет, од вкупно 195, досега се заразени вкупно 339.234 лица со коронaвирус, а починале 14.703 лица, според најновите податоци на сајтот „Ворлдметер“.
Досега закрепнале 99.014 лица, претежно во Кина, каде што биле излечени 81.093 лица.
Италија сè уште е во фокусот на епидемијата во Европа, а сè повеќе заболени има и во Шпанија.
Вкупниот број заразени во Италија е 59.138, а 5.476 починале.
Во Шпанија биле заразени 28.768 лица, а 1.772 починале.
Меѓу првите пет држави на списокот во „Ворлдметер“ се и Соединетите Држави, каде што се потврдени 34.953 случаи и 457 смртни случаи, како и Германија, со 24.873 заразени и 94 починати.
Што се однесува до земјите од регионот, по тројца починати има во Романија и Бугарија, во Србија, Албанија и Словенија има по две жртви,а во Северна Македонија, БиХ и Црна Гора, по еден починат.
Најмногу заразени се регистрирани во Романија, 433, по нив следат Словенија со 414 заболени, Србија со 222 случаи, Бугарија со 187, БиХ со 126, Северна Македонија со 115, Албанија со 89 и Црна Гора со 22 случаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес во Србија
Жителите на Нови Пазар утрово ги разбуди слаб земјотрес.
Јачината на земјотресот е 2,5 степени според Рихтеровата скала, а е регистриран во 7 часот и 37 минути.
Се проценува дека интензитетот на ударот во епицентарот е III-IV од Меркалиевата скала.
Свет
Генералното собрание на ОН би требало да ја поддржи кандидатурата на Палестина за членство
Генералното собрание на Обединетите нации денеска треба да ја поддржи палестинската кандидатура за полноправно членство во ОН со тоа што ќе ја признае како квалификувана за членство и ќе го испрати барањето назад до Советот за безбедност на ОН „да го преиспита прашањето во корист на Палестинците“.
Палестинците ја оживуваат својата кандидатура за полноправно членство во ОН, кое декларативно би ја признало палестинската држава, откако САД ставија вето во 15-члениот Совет за безбедност на ОН минатиот месец.
Гласањето на Генералното собрание од 193 члена се смета за испитување на светското мислење за палестинското прашање. Барањето за полноправно членство во ОН прво мора да биде одобрено од Советот за безбедност, а потоа и од Генералното собрание.
Но, иако самото Генерално собрание не може да даде полноправно членство во ОН, нацрт-резолуцијата за која се гласа денеска ќе им даде на Палестинците некои дополнителни права и привилегии од септември 2024 година, како што е место меѓу членките на ОН во собраниската сала, но тие нема да имаат право на глас во телото.
Дипломатите велат дека нацрт-текстот најверојатно ќе ја добие поддршката потребна за усвојување.
Свет
Двајца скијачи загинаа во лавина во САД, третиот успеал да се ископа од снегот
Откако вчера започна лавина во планините покрај Солт Лејк Сити, Јута, двајца скијачи загинаа, додека властите успеаја да спасат трет со хеликоптер.
Несреќата се случила во близина на Лон Пик, каде неодамна паднаа над 76 сантиметри снег. Центарот за лавина во Јута (UAC) ја потврди смртта на двајца мажи. Спасувачите досега не можеа да стигнат до нивните тела поради небезбедни услови. Центарот наведува дека фаталните лавини се ретки во овој период од годината.
Спасувачите со хеликоптер стигнале на местото на несреќата во кањонот Литл Котонвуд и потврдиле дека двајца скијачи загинале, пишува Би-би-си.
Третиот скијач успеал да се ископа од лавината и бил пренесен во болница. Имињата на загинатите мажи се уште не се објавени, но станува збор за скијачи на возраст од 23 и 32 години. Едниот бил од Јута, додека другиот пристигнал да скија од друга американска држава.