Свет
Властите во Мариупол: Веруваме дека стотици се мртви во гранатирањето
Официјални лица во југоисточниот град Мариупол стравуваат дека се убиени голем број луѓе по повеќечасовното континуирано гранатирање на градот.
Заменик-градоначалникот Сергиј Орлов изјави дека делот од градот покрај реката, каде што живеат 130.000 луѓе, вклучувајќи го и татко му, е речиси целосно уништен.
„Не можеме да ги броиме жртвите таму, но веруваме дека стотици се мртви. Не можеме да одиме за да ги земеме телата“, изјави тој за Би-би-си.
„Руската армија оперира овде со артилерија, повеќе ракетни системи, авиони, тактички проектили. Тие се обидуваат да го уништат градот“, рече Орлов.
Тој вели дека руските сили се оддалечени неколку километри од градот од сите страни.
Претходно, градоначалникот на украинскиот пристаништен град, Вадим Боиченко, изјави дека руските сили го гранатираат градот без престан веќе 12 часа.
Во директен пренос на украинската телевизија Боиченко наведе дека „непријателските окупаторски сили на Руската Федерација направија сѐ за да го блокираат излезот на цивилите од градот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.