Свет
Властите на Шри Ланка уапсија седум терористи
Полицијата на Шри Ланка уапси седуммина членови на терористичката организација „Нејшнел тавид џама’ат“ кои се подготвувале да станат бомбаши самоубијци, пренесува „Дејли мирор“.
Според органите за спроведување на законот, уапсените биле тесно поврзани со организаторот на серијата бомбашки напади на Шри Ланка.
„Дознавме дека осомничените биле обучувани за користење оружје многу дискретно во текот на еден долг период во Молдавија. Се вели дека Мохамед Насар Мохамед Асат, бомбашот самоубиец во црквата на Зион во Батикалоа, ја обезбедил обуката“, објави весникот.
Полицијата во моментот ги испрашува за нивната вмешаност во терористичките напади.
На 21 април во земјата се случи најсерозната серија терористички напади во историјата на Шри Ланка, во која загинаа околу 250 лица. Осум експлозии ги потресоа градовите Коломбо, Негомби и Батикалоа во католички цркви за време на велигденските служби и во хотели.
Властите веруваат дека локалната група „Нејшнел тавид џама’ат“, која има врски со странски исламистички организации, стои зад терористичките напади. Властите уапсија повеќе од 100 лица, наводно вклучени во нападите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.