Свет
Внуката на Трамп: Моето семејство го создаде најопасниот човек на светот
Мери Трамп во средата била на терапија кога толпата екстремисти, поддржувачи на нејзиниот чичко, упаднаа во зградата на американскиот Конгрес. Набрзо, отуѓената внука на американскиот претседател Доналд Трамп започнала да ги следи хаотичните настани во Вашингтон.
„Во еден момент, чувството беше како на 11 септември. Ништо од ова не изненадува. Никој не треба да биде изненаден од сето ова. Вклучувајќи го не само недостатокот на одговори, туку и помошта која се нуди за бунтовничката толпа“, изјави Мери за „Бизнис инсајдер“.
Мери е клинички психолог и е отворена критичарка на нејзиниот чичко, која минатата година ја објави книгата „Премногу и никогаш доволно: како моето семејство го создаде најопасниот човек на светот“. Таа вели дека од објавувањето на книгата не е во контакт со никого од семејството Трамп.
Mary Trump Urges Lawmakers To Ignore Trump’s Fake Concession Tape And Toss Him Out Of Office Now https://t.co/oKjKPYjJ2h
— #TuckFrump (@realTuckFrumper) January 8, 2021
Сепак, таа може да замисли, врз основа на неговата „историја на нарцизам“, дека претседателот сега е поочаен од кога било.
„Доналд секогаш смета дека е невозможно да се изгуби и дека, без оглед на сè, тој секогаш ќе заврши како победник. Тој е сè поочаен поради фактот што буквално ништо не функционира како што тој сака“, објаснува таа.
Мери вели дека не е сигурна дали нејзиниот чичко е ментално способен да сфати дека неговото време во Белата куќа навистина завршува. Ако го сфати тоа, тој би можел да стане особено опасен, предупредува таа.
„Тоа е во спротивност со сето она што го доживеал во животот. Најлошото нешто што може да му се случи е да биде губитник“, вели внуката на актуелниот американски претседател.
Иако нема инсајдерски информации за плановите на нејзиниот вујко или неговите деца по инаугурацијата на новоизбраниот претседател Џо Бајден, таа знае дека ќе се најдат во големи проблеми.
„Што ќе се случи кога тој нема да ја има моќта и заштитата на Овалната соба по 20 јануари? Ќе биде во сериозна неволја. Се соочува со најмалку три обвиненија за кои јас знам, од кои едно е мое. Исто така, банките веројатно ќе побараат наплата на неговиот огромен долг, бидејќи повеќе нема да имаат причина да не го прават тоа“, вели Мери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Генералниот секретар на НАТО разговараше со Трамп на Флорида
Генералниот секретар на НАТО, Марк Руте, разговараше со Доналд Трамп на Флорида. Ова го соопшти портпаролот на Алијансата, цитиран од „Ројтерс“, за средбата којашто се одржала во петокот.
Тие разговарале за глобалните безбедносни прашања со кои се соочува Алијансата.
„Ројтерс“ потсетува дека како премиер на Холандија Марк Руте бил меѓу оние европски политичари со кои Трамп одржувал добри работни односи за време на неговиот прв мандат во Белата куќа.
Регион
Побаран притвор за сите уапсени поради трагедијата во Нови Сад, меѓу нив и поранешен министер
По рочиштето, Вишото јавно обвинителство во Србија побара притвор за сите 12 уапсени, меѓу кои и поранешниот министер за градежништво Горан Весиќ и уште еден осомничен по кој беше распишана потерница, поради падот на настрешницата на железничката станица на 1 ноември во при што загинаа 15 лица.
Покрај Весиќ, кој поднесе оставка пет дена по несреќата, меѓу уапсените, а за кои Вишото јавно обвинителство во Нови Сад бара притвор, се и Јелена Танасковиќ, која поднесе оставка од челната позиција во Железничката инфраструктура на Србија, поранешниот директор на Инфраструктурата на Железниците на Србија Небојша Шурлан, како и помошникот министер за железнички транспорт Анита Димовски.
Обвинителството предлага приведување и притвор и за 13. осомничениот кој е во бегство и по кого е распишана потерница.
Осомничените се товарат за сторени повеќе кривични дела предизвикување јавна опасност, тешки кривични дела против општата безбедност и неправилно изведување градежни работи и им се заканува затворска казна од две до 12 години.
Вкупно 15 лица загинаа во падот на настрешницата на железничката станица во Нови Сад на 1 ноември околу пладне – 14 загинаа на местото на несреќата, додека уште едно лице од тројцата тешко повредени им подлегна на повредите подоцна во болница.
Свет
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација.
Поранешниот финансиски менаџер на тајкунот Џорџ Сорос, Скот Бесант ќе биде министер за финансии. Бесант води хеџ фонд и се спротивставува на буџетските дефицити. Пред неколку месеци тој за медиумите изјави дека одлучил да се приклучи на кампањата на Трамп делумно за да се бори против растечкиот национален долг на САД. Неговите ставови вклучуваат намалување на владините програми и други јавни трошоци.
Лори Чавез-Де Ремер е номинирана од Трамп за министерка за труд. Таа го загуби своето поранешно место во Орегон Хаус претходно овој месец, но ужива силна поддршка од синдикатот во нејзиниот округ. Се верува дека за време на новиот мандат на Доналд Трамп, министерството ќе биде повеќе бизнис-ориентирано, со оглед на плановите што ги најави идниот претседател за намалување на бирократијата.
Поранешниот играч на Националната фудбалска лига и помошник во Белата куќа Скот Тарнер ќе биде секретар за урбанистичко планирање.
Алекс Вонг се очекува да стане заменик советник за национална безбедност. Тој е поранешен функционер на Стејт департментот и поранешен специјален пратеник за Северна Кореја за време на првата администрација на новоизбраниот претседател. Себастијан Горка, друг член на тимот во тоа време, ќе биде директор за контратероризам во Белата куќа. Горка одреден период беше заменик помошник на претседателот.
Поранешниот конгресмен Дејв Велдон е номиниран да служи како директор на Центрите за контрола на болести, кој презеде водечка улога за време на пандемијата. Тој е лекар и ветеран на армијата, а на функцијата ќе има буџет од повеќе од 17 милијарди долари наменети за превенција од разни заразни болести. Центрите даваат и препораки за употреба на различни видови вакцини.
Трамп направи уште една номинација во областа на здравствената заштита. Лекарот за семејна медицина и соработник на Фокс њуз, Џенет Нешејват, беше избрана за главен лекар, повторно покажувајќи ја предноста на телевизиската личност како лице на новата администрација.
„Д-р Нешејват е жесток застапник и силен комуникатор за превентивната медицина и јавното здравје. Таа е посветена да обезбеди Американците да имаат пристап до прифатлива, квалитетна здравствена заштита и верува во зајакнувањето на поединците да преземат одговорност за сопственото здравје за да живеат подолг и поздрав живот. “, рече Трамп.