Свет
Водич од националниот парк Јелоустоун загина од напад на гризли
Водич од американската држава Монтана бил убиен при напад на гризли во близина на националниот парк Јелоустоун, соопштија властите.
Чарлс Мок (40) починал во саботата, два дена откако бил нападнат додека ловел сам во шумско подрачје покрај реката Медисон, неколку километри северно од Западен Јелоустоун, соопшти портпаролката на полицијата, Кристин Косман, а пренесе агенцијата АП.
Yellowstone National Park Guide Dies 2 Days After Being Mauled by Grizzly Bear While Fishing – People ? https://t.co/btscJlduAf
— Elect López 3rd Ward (@Lopez70M) April 20, 2021
Мажјакот од најголемиот вид мечки во светот, бил тежок најмалку 200 килограми, а подоцна бил застрелан.
Труп на лос бил пронајден на околу 45 метри од местото на нападот врз Мок, па се верува дека мечката најверојатно го штитела својот плен.
Мок, кој претрпел сериозни повреди на главата, по нападот успеал да повика полиција и бил пронајден откако екипи трагале по него околу 50 минути.
Со моторни санки бил пренесен во ординација за брза помош, а по тоа бил префрлен во болница во градот Ајдахо Фолс, каде што починал.
Областа на паркот Јелоустоун, кој се протега низ државите Монтана, Ајдахо и Вајоминг, е дом на повеќе од 700 мечки.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави на, како што рече, новите ризици откако Русија искористи нова ракета со среден дострел.
Зеленски во своето ноќно видео обраќање рече дека потегот на Русија бара сериозен одговор за да се спречи, како што наведе, рускиот претседател Владимир Путин да ја прошири војната и да ги почувствува вистинските последици од неговите постапки.
Путин во четвртокот рече дека Русија, како одговор на нападите на американските и британските ракети со долг дострел, истрела нова балистичка ракета со среден дострел „Орешник“ на украинска територија, на која современите системи немаат начин да се спротивстават.
Свет
САД: Северна Кореја е подготвена за можна седма нуклеарна проба
Соединетите Американски Држави веруваат дека Северна Кореја е подготвена за можна седма нуклеарна проба, за која само се чека политичка одлука, изјави денеска заменик-помошникот државен секретар за контрола на вооружувањето.
Се додава дека САД и нивните сојузници брзо и одлучно ќе одговорат на евентуалниот нуклеарен напад на Северна Кореја врз Јужна Кореја.
Предупреди дека уште една нуклеарна проба од Северна Кореја ќе ги ескалира регионалните тензии и ќе претставува „безбедносен ризик за целиот свет“, објави Јонхап.
Свет
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот состанок на групата Г7, изјави италијанската премиерка Џорџа Мелони.
„Оваа влада останува цврста на една работа: одговорноста на државата Израел и терористичката организација Хамас не може да се поистоветува“, се вели во изјавата на премиерката Мелони, која рече дека ќе ги испита мотивите на судот.
Италија, која во моментов претседава со групата Г7, во понеделник ќе биде домаќин на министрите за надворешни работи во Фиуџи, град во близина на Рим.
Во четвртокот, МКС издаде налози за апсење на Нетанјаху и неодамна сменетиот израелскиот министер за одбрана Јоав Галант за наводни воени злосторства и злосторства против човештвото во Газа.
Сојузниците на Израел ја критикуваа одлуката. Генерално, од земјите-членки на МКС се бара да спроведат налози за апсење, иако меѓу тие држави постои несогласување за тоа како да се однесуваат со Нетанјаху. Унгарија веќе соопшти дека има намера да го игнорира налогот за апсење.