Свет
Руски воени вежби во Црното Море во пресрет на доаѓањето на американските бродови

Руската морнарица почна воена вежба во Црното Море пред очекуваното пристигнување на американски воени бродови во областа, пренесуваат руските новински агенции.
Вежбата вклучува руски воени бродови од Црноморската флота со седиште на Крим, хеликоптери и авиони.
Два американски воени брода треба да пристигнат во Црното Море оваа недела, а Вашингтон и НАТО изразуваат загриженост за зголемувањето на бројот на руските сили на границата со Украина и на Крим.
Присуството на американски бродови во ова море не е невообичаено.
„Не е ништо ново“, рече минатата недела портпаролот на Пентагон, Џон Кирби.
Москва вчера ги предупреди САД со своите бродови да не се приближуваат до Крим за нивно добро.
Според Кремљ, праќањето американски бродови во Црното Море е провокација со цел да се тестира трпението на Русија, пренесе агенцијата „Ројтерс“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.