Свет
(Вознемирувачко видео) Каскадер во Италија седна на покривот на автомобил и го управуваше воланот со нозете па удри во публиката
Каскадер во Италија седна на покривот на автомобил и го управуваше воланот со нозете пред да удри во публиката. Човекот, кој го управувал воланот со нозете додека седел на покривот на автомобилот вчера за време на настап во северниот италијански град Верона изгубил контрола и удрил во бариерата, при што повредил девет гледачи.
Се појавија снимки на кои се гледа како возачот излегува од возилото, седи на покривот и почнува да управува со нозете пред автомобилот брзо да излезе од контрола. Возилото потоа удира во бариера зад којашто десетици луѓе ја следеа претставата.
Ве предупредуваме дека видеото може да биде вознемирувачко.
Многумина паднаа на земја, а девет беа пренесени во болници со полесни повреди, вклучително и модринки. На снимката се слуша како најавувачот вели: „Така се вози“. Меѓутоа, подоцна неговиот тон се менува и им вика на гледачите: „Внимавајте“.
Каскадерот по несреќата излегол од автомобилот и изгледал како да е неповреден. Настапот беше дел од Motor Bike Expo, кој ќе трае до утре, пишува Асошиејтед прес.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Либанците да останат во својата земја, повика папата Лав Четиринаесетти
Поглаварот на Римокатоличката црква, папата Лав Четиринаесетти денеска ги повика Либанците да „останат“ во својата земја, каде што економскиот колапс ја засили масовната емиграција, и повика на „помирување“ за надминување на длабоките поделби во Либан.
Папата, кој дојде во Бејрут од Турција, донесе порака за мир во Либан, земја која стравува од враќање на отворениот конфликт со Израел.
Во говорот во претседателската палата кратко по неговото пристигнување, папата ја нагласи потребата да се работи за „мир“ без да ги спомне регионалните тензии или неодамнешните израелски бомбардирања.
Тој, исто така, ја нагласи потребата властите и институциите да препознаат дека „општото добро е поголемо од доброто на која било група“ и ја повика владејачката класа да „му служи на народот со посветеност и преданост“.
Свет
Зеленски: Ова се важни денови за Украина
Претседателот на Украина, Володимир Зеленски објави дека денеска разговарал со генералниот секретар на НАТО, Марк Руте.
„Разговарав со Марк Руте и ќе разговараме повторно во наредните денови. Ова се важни денови и многу работи можат да се променат. Тесно се координираме и во нашите активности и во активностите на сите партнери, заедничките акции, заедничките позиции ќе бидат исклучително ефикасни. Ви благодарам за вашата поддршка“, напиша Зеленски на Телеграм.
Тој наведе дека телефонски разговарал со претседателката на Европската комисија, Урсула фон дер Лајен.
– Продолжуваме да бидеме во целосна координација со Европската комисија, благодарен сум за поддршката. Разговаравме за ситуацијата во дипломатијата и имаме заеднички став за клучните прашања. Исто така е важно што Урсула е многу внимателна кон потребата од зајакнување на нашата отпорност во услови на постојани руски напади врз инфраструктурата и енергијата. Ја ценам подготвеноста да ѝ се помогне на Украина!, напиша Зеленски.
Свет
Папата Лав Четиринаесетти пристигна во Либан
Папата Лав Четиринаесетти пристигна во Либан во рамки на неговата прва турнеја во странство, објави ДПА.
Светиот Отец пристигна попладнево во либанскиот главен град Бејрут, по посетата на Турција.
Посетата на папата се смета за причина за надеж за мир и стабилност во земјата загрозена од воени конфликти и зафатена од кризи.
Тој ќе се сретне со либанските лидери, ќе посети христијански објекти и ќе одржи литургија. Околу 30 отсто од населението на Либан се христијани, додека мнозинството жители се муслимани.

